11-nji maý
1893 – Fransiýaly Anri Degranž welosiped bilen ilkinji dünýä rekordyny goýýar. Ol 1 sagatda 35,325 kilometr aralygy geçýär.
1966 – Ýewropanyň Çempion Klublar Kubogy ýaryşynyň finalynda “Real Madrid” topar şol wagtky Ýugoslawiýanyň “Partizan” toparyny 2-1 ýeňip, 6-njy gezek çempion bolýar (“Heýzel”, Brýussel).
1984 – Ýohan Kroýff professional derejedäki futbol oýnuny bes etýär.
1984 – Ispaniýaly futbolçy Ýewropanyň we Dünýäniň çempiony Andres Iniesta dünýä inýär.
1989 – Meksikaly futbolçy Jowani dos Santos dünýä inýär.
1992 – Belgiýaly futbolçy, meşhur derwezeçi Tibo Kurtua dünýä inýär.
1997 – “Deep Blue” atly kompýuter russiýaly meşhur küştçi Garri Kasparowy 3,5:2,5 hasap bilen ýeňlişe sezewar edýär.
12-nji maý
1961 – Russiýaly küştçi Mihail Botwinnik 3-nji gezek dünýäniň çempiony diýen derejä eýe bolýar.
1983 – Russiýaly gimnastikaçy, Olimpiýa çempiony, Dünýäniň we Ýewropanyň ençeme gezek çempiony Alina Kabaýewa dünýä inýär.
1988 – Braziliýaly futbolçy Marselo Rio de Žaneýroda dünýä inýär.
1991 – Russiýanyň Mahaçkala şäheriniň “Anži” futbol topary esaslandyrylýar.
13-nji maý
1909 – Üç “Gran Tur” ýaryşynyň biri bolan “Žiro d’Italia” welosiped bäsleşigi ilkinji gezek geçirilýär. Milan şäherinde geçirilen bu ýaryşda italiýaly Luiji Janna ýeňiş gazanýar.
1927 – Ukrainanyň paýtagty Kiýewiň “Dinamo” futbol topary esaslandyrylýar.
1950 – Formula 1 boýunça Dünýä çempionatynyň ilkinji ýaryşy geçirilýär. Angliýanyň Silwerstoun şäherçesinde geçirilen bu ilkinji “Gran Pride” “Alfa Romeo” toparynyň italiýaly sürüjisi Juseppe Farina ýeňiji bolýar.
1981 – Ýewropanyň Kubokçylaryň Kubogy ýaryşynyň finalynda “Dinamo Tbilisi” topary Gündogar Germaniýanyň “Karl Zeiss Žena” toparyny 2–1 hasabynda ýeňýär.
1983 – Kot-d’Iwuarly futbolçy Ýaýa Ture dünýä inýär.
1993 – Belgiýaly futbolçy Romelu Lukaku dünýä inýär.
2002 – Ukrainaly futbolçy hem-de meşhur tälimçi Waleriý Lobanowskiý 63 ýaşynyň içinde aradan çykýar.
2012 – “Mançester Siti” topary taryhynda Angliýanyň “Premier ligasynda” ilkinji gezek, umumylykda ýokary ligada 3-nji gezek çempion bolýar.
14-nji maý
1892 – Niderlandlaryň “Witesse” futbol topary esaslandyrylýar.
1948 – Rumyniýanyň paýtagty Buharestiň “Dinamo” futbol topary esaslandyrylýar.
1994 – Angliýanyň FA Kubogy ýaryşynyň finalynda “Mançester Ýunaýted” “Çelsini” 4-0 hasabynda ýeňýär.
15-nji maý
1910 – Germaniýanyň Hamburg şäheriniň “St. Pauli” futbol topary esaslandyrylýar.
1965 – Braziliýaly futbolçy Rai dünýä inýär.
1970 – Niderland futbolçylar ekizler – Frank we Ronald de Burlar dünýä inýär.
1981 – Fransiýaly futbolçy Patris Ewra dünýä inýär.
1982 – Ýamaýkaly ýeňil atletikaçy, ençeme gezek Olimpiýa oýunlarynyň hem-de Dünýäniň çempiony Weronika Kampbell-Brawn dünýä inýär.
1987 – Beýik britaniýaly tennisçi, 2 gezek Olimpiýa çempiony, 3 “Uly tuwulganyň” eýesi Endi Mýurreý Şotlandiýanyň Glazgo şäherinde dünýä inýär.
2004 – Angliýanyň “Premier ligasynda” “Arsenal” topary ýeňlişsiz çempion bolýar. Londonlylar “Preston Nort-End” (1888–1889) toparyndan soň, Angliýada muny başaran 2-nji klub bolýar.
16-njy maý
1975 – Amerikaly boksçy Muhammad Ali agyr agram boýunça çempionlyk duşuşygynda Ron Laýly 11-nji raundda tehniki nokaut bilen ýeňlişe sezewar edýär.
17-nji maý
1860 – Germaniýanyň Münhen şäheriniň “Münhen 1860” futbol topary esaslandyrylýar.
1875 – ABŞ-da dünýäniň iň abraýly at çapyşyklarynyň biri hasaplanýan Kentuki derbisi ilkinji gezek geçirilýär. Oliwer Lýuwis çapan Aristides aty 2 minut 37,75 sekuntda pellehana gelip, ýeňiji bolýar.
1886 – Şotlandiýanyň “Mazerwell” futbol topary esaslandyrylýar.
1939 – Portugaliýanyň “Eştoril Praýa” futbol topary esaslandyrylýar.
1974 – Ýewropanyň Çempion Klublarynyň Kubogy ýaryşynda “Bawariýa” Býusseldäki finalda “Atletiko Madridi” 4–0 hasabynda ýeňýär.
1982 – Fransiýaly basketbolçy Toni Parker dünýä inýär.
2002 – Wengriýaly meşhur futbolçy Ladislao Kubala 75 ýaşynda aradan çykýar.
2006 – UEFA Çempionlar ligasynda Fransiýanyň “Sen-Deni” stadionyndaky finalda “Barselona” topary “Arsenaly” 2–1 hasap bilen ýeňlişe sezewar edýär.
