18-nji maý
1882 – Angliýanyň “Býornli” futbol topary esaslandyrylýar.
1954 – Belgiýaly futbolçy hem tälimçi Erik Gerets dünýä inýär.
1960 – Glazgodaky oýnalan Ýewropanyň Çempion Klublar Kubogy ýaryşynyň finalynda “Real Madrid” topary “Aýntrahty” 7–3 hasabynda ýeňýär. Yzly-yzyna 5-nji çempionlygyny gazanan “Real Madridiň” gollaryny Ferenç Puşkaş (4) bilen Alfredo Di Stefano (3) derwezä girizýär.
1978 – Portugaliýaly futbolçy Rikardo Karwalýo dünýä inýär.
1994 – Afinyda oýnalan UEFA Çempionlar ligasynyň final duşuşygynda “Milan” topary “Barselonany” 4–0 hasaby bilen ýeňlişe sezewar edýär.
2002 – Russiýaly figuralaýyn typyjy, Olimiýa oýunlarynyň, Dünýäniň, Ýewropanyň çempiony Alina Zagitowa dünýä inýär.
19-njy maý
1952 – Niderland futbol tälimçisi Bert Wan Marwiýk dünýä inýär.
1953 – Türkiýäniň “Çaýkur Rizespor” futbol topary esaslandyrylýar.
1963 – Italiýaly futbolçy Filippo Galli dünýä inýär.
1976 – Amerikaly meşhur basketbolçy, 15 gezek All Stara saýlanan Kewin Garnett dünýä inýär.
1979 – Urugwaýly futbolçy Diego Forlan dünýä inýär.
1979 – Italiýaly meşhur futbolçy, Dünýä çempiony Andrea Pirlo dünýä inýär.
2009 – Germaniýanyň “Leipsig” futbol topary esaslandyrylýar.
2012 – Münihde oýnalan UEFA Çempionlar ligasynyň finalynda “Çelsi” topary “Bawariýany” esasy wagty 1-1 deňlikde tamamlanan duşuşykda 11 metrlik jerime urgularyndan soň ýeňmegi başarýar.
20-nji maý
1952 – Kamerunly meşhur futbolçy Rojer Milla dünýä inýär.
1981 – Ispaniýaly futbolçy, meşhur derwezeçi Ýewropanyň we Dünýäniň çempiony Iker Kasilýas dünýä inýär.
1982 – Çehiýaly futbolçy, meşhur derwezeçi Petr Çeh dünýä inýär.
1985 – Britaniýaly welosipedçi, “Tur de Frans” (4), “Žiro d’Italia” (1), “Wuelta Espana” (2) “Gran Tur” ýaryşlarynyň çempiony Kris Frum dünýä inýär.
1992 – Londonda oýnalan Ýewropanyň Çempion Klublar Kubogy ýaryşynyň finalynda “Barselona” topary “Sampdoriýany” Ronald Kumanyň goşmaça wagtda geçiren ýeke-täk goly bilen 1-0 hasabynda ýeňip, bu ýaryşdaky ilkinji çempionlygyny gazanýar.
1998 – Amsterdamda oýnalan UEFA Çempionlar ligasynyň finalynda “Real Madrid” topary “Ýuwentusy” Predgrag Mýatowiçiň ýeke-täk goly bilen 1-0 hasabynda ýeňip, 7-nji gezek ýeňiji bolýar.
2019 – Awstriýaly sürüji, F1-iň 3 gezek çempiony (1975, 77, 84) Niki Lauda 70 ýaşynda aradan çykýar.
21-nji maý
1904 – Fransiýanyň paýtagty Parižde Halkara futbol federasiýalar assosiasiýasy (Federation Internationale de Football Association), ýagny FIFA esaslandyrylýar.
1986 – Horwatiýaly futbolçy Mario Manžukiç dünýä inýär.
2006 – Şwesiýanyň hokkeý boýunça milli ýygyndysy ilki Olimpiýa oýunlarynda, soňra-da Dünýä çempionatynda altyn medala mynasyp bolýar. “Tre Kronor” lakamly topar bir ýylda hem Olimpiýa oýunlarynda, hem-de Dünýä çempionatynda ýeňiş gazanan ilkinji ýygyndy adyny alýar.
2008 – Moskwada oýnalan UEFA Çempionlar ligasynyň finalynda “Mançester Ýunaýted” esasy wagty deňlikde (1-1) gutaran duşuşykda “Çelsini” 11 metrlik urgularyndan soň ýeňip (6-5), 3-nji gezek kuboga mynasyp bolýar.
22-nji maý
1898 – Germaniýanyň “Darmştadt 98” futbol topary esaslandyrylýar.
1927 – Çiliniň “Kruz Azul” futbol topary esaslandyrylýar.
1946 – Demirgazyk irlandiýaly meşhur futbolçy Jorj Best dünýä inýär.
1963 – Londondaky “Wembley” stadionynda oýnalan Ýewropanyň Çempion Klublar Kubogy ýaryşynyň finalynda “Milan” topary “Benfikany” Žoze Altafininiň gollary bilen 2-1 ýeňip, bu kubogy eýelän ilkinji italýan topary bolýar.
1987 – Serbiýaly ýyldyz tennisçi, 15 “Uly tuwulganyň” eýesi Nowak Jokowiç Belgrad şäherinde dünýä inýär.
1987 – Regbi boýunça ilkinji Dünýä Kubogyna badalga berilýär. Awstraliýa bilen Täze Zelandiýanyň bilelikde guran ýaryşynda olaryň ikinjisi 1 aýlap dowam eden bäsleşikde çempion bolýar.
1987 – Çilili meşhur futbolçy Arturo Widal dünýä inýär.
1996 – Rimde oýnalan UEFA Çempionlar ligasynyň finalynda “Ýuwentus” bilen “Aýaks” duşuşýar. Esasy wagty 1–1 gutaran oýunda 11 metrlik urgularyndan soň, 4-2 hasabynda ýeňiş gazanana “Ýuwentus” taryhynda 2-nji sapar bu kubogy asmana göterýär.
2010 – Madridde oýnalana UEFA Çempionlar ligasynyň finalynda “Inter” topary “Bawariýany” Diego Militonyň gollary bilen 2–0 ýeňip, 3-nji gezek çempionlyk gazanýar.
23-nji maý
1951 – Russiýaly küştçi 1975-1985, 1993-1999-njy ýyllara aralygynda dünýä çempionlygyny goran Anatoliý Karpow dünýä inýär.
1972 – Braziliýaly Formula 1 sürüjisi Rubens Barikello dünýä inýär.
1980 – Gresiýaly futbolçy Teofanis Gekas dünýä inýär.
1990 – Wenada oýnalan Ýewropanyň Çempion Klublar Kubogy ýaryşynyň finalynda “Milan” topary Benfikany Frank Raýkaardyň ýeke-täk goly bilen 1–0 hasabynda ýeňip, 4-nji gezek kubogy eýeleýär.
2001 – Milanda oýnalan UEFA Çempionlar ligasynyň finalynda “Bawariýa” bilen “Walensiýa” duşuşýar. Esasy wagty 1–1 deňlikde gutaran oýunda 11 metrlik jerime urgularyndan soň “Bawariýa” 5-4 hasabynda garşydaşyndan üstün çykyp, 4-nji gezek kubogy asmana galdyrýar.
2007 – Afinyda oýnalan UEFA Çempionlar ligasynyň finalynda “Milan” topary “Liwerpuly” Filippo Inzaginiň gollary bilen 2–1 hasabynda ýeňip, şu ýaryşda 7-nji gezek çempionlyk gazanýar.
24-nji maý
1900 – Çiliniň “Uniwersidad de Çili” futbol topary esaslandyrylýar.
1909 – Şotlandiýanyň “Dandi Ýunaýted” futbol topary esaslandyrylýar.
1914 – Bolgariýanyň “Lewski Sofiýa” futbol topary esaslandyrylýar.
1966 – Fransiýaly meşhur futbolçy Erik Kantona dünýä inýär.
1989 – Barselonada oýnalan Ýewropanyň Çempion Klublar Kubogy ýaryşynyň finalynda “Milan” topary “Stýauany” (Rumyniýa) 4–0 hasabynda ýeňip, 3-nji gezek kubogy eýeleýär.
1995 – Wenada oýnalan UEFA Çempionlar ligasynyň finalynda “Aýaks” topary “Milany” Patrik Kluiwertiň ýeke-täk goly bilen 1–0 hasabynda ýeňip, 4-nji sapar çempion bolýar.
2000 – Parižiň golaýyndaky Sen-Denide oýnalan UEFA Çempionlar ligasynyň finalynda “Real Madrid” topary “Walensiýany” 3–0 hasabynda ýeňip, 8-nji kubogyny gazanýar.
2014 – Lissabonda oýnalan UEFA Çempionlar ligasynyň finalynda “Real Madrid” topary “Atletiko Madrid” bilen duşuşýar. Esasy wagty 1–1 deňlikde tamamlanan oýnuň goşmaça wagtynda “Real” 4–1 öňe saýlanyp, 10-njy gezek yklymyň iň uly kubogyny eýeleýär.
