“SpaceX” kompaniýasynyň işläp taýýarlan “Crew Dragon” atly kosmos gämisi ilkinji adamly uçuşyny amala aşyrdy. Bortunda amerikaly astronawtlar Daglas Harli bilen Robert Benkeni göterýän kosmos gämisi Halkara Kosmos Bekedine birikdi. Floridadaky Kennedi adyndaky aerodromdan “Falcon 9” raketasy bilen uçurylan astronawtlar 19 sagada golaý wagtdan soňra bardylar. Olar Halkara Kosmos Bekedinde 4 aýa golaý wagtlap bolarlar. Bu döwürde olary kosmosa çykaran “Crew Dragon” gämisi Halkara Kosmos Bekedinde garaşar. 2011-nji ýyldan bäri amerikan astronawtlary Halkara Kosmos Bekedine Russiýanyň “Soýuz” gämileri arkaly gatnadylýardy. Mundan ozal, Robert Benken 2008-nji hem-de 2010-njy ýyllarda, Robert Herli 2009-njy hem-de 2011-nji ýyllarda kosmosa çykypdylar. “Falcon 9” raketasy hem-de “Crew Dragon” gämisi raýat hem-de hususy eýeçilige degişli edara tarapyndan öndürilen bolmagy bilen tapawutlanýar.
