Dünýä belli “Forbes” žurnalynyň habar bermegine görä, “Ýuwentus” toparynyň portugaliýaly super ýyldyzy Kristiano Ronaldonyň şu wagta çenli gazanan girdeji 1 milliard dollar ýetdi. Şunlukda, 35 ýaşly futbolçy girdejisini 1 milliard dollara ýetiren ilkinji futbolçy hökmünde taryha girdi. Ol 17 ýyllyk karýerasynda gazanan 1 milliard dollarynyň 650 millionyny çykyş eden ýa-da edýän klublaryndan alan bolsa, galanyny iri kompaniýalaryň mahabatlaryndan gazandy. Ýeri gelende aýtsak, “Forbesiň” şu ýylky sanawynda Ronaldo 105 million dollarlyk gazanjy bilen Rojer Federerden soň, 2-nji ýeri eýeläpdi. Ronaldodan ozal bu görkezijä türgen hökmünde golfçy Taýger Wuds bilen boksçy Floýd Meýwezer ýetipdi.
