Amerikanyň dünýä belli «Nirwana» rok toparynyň ýolbaşçysy Kurt Kobeýniň gitarasy “Julien’s” auksion öýünde satyldy. Bu saz guralynyň bahasy 6 million dollara deň boldy. Şeýlelikde ol dünýäniň iň gymmat gitarasy boldy.
Kurt Kobeýn 1993-nji ýylda Nýu-Ýork şäherinde geçirilen “MTV Unplugged” konsertinde bu gitarasynda saz çalypdy. Sazandanyň şol konsertde geýen switeri hem geçen ýylyň oktýabryndaky söwda satuwynda 334 müň dollara satylypdy.
Bu konsert toparyň gatnaşan iň soňky konsertleriniň biri boldy. Alty aýdan soň Kurt Kobeýn 27 ýaşynda aradan çykypdy.
