Taryhda şu gün, has takygy, mundan 126 ýyl ozal, şu gün tutuş Ýer togalagyny gyzyklandyrýan uly waka bolup geçdi. 1894-nji ýylyň 23-nji iýunynda ähli halkara sport ýaryşlaryny özünde jemleýän Halkara Olimpiýa Komiteti esaslandyrylýar. Şeýle-de şu gün meşhur fransuz futbolçylarynyň, häzirki tälimçileriň ýagny, Žan Tigananyň, Zinedin Zidanyň hem-de Patrik Wieiranyň doglan günleri.
1894 – Fransiýanyň paýtagty Pariždäki Sorbonna (häzirki Pariž) uniwersitetinde taryhçy, ylym işgäri, baron Pier de Kurteniň ýolbaşçylygynda Halkara Olimpiýa Komiteti esaslandyrylýar. Guramanyň ilkinji prezidenti wezipesine-de gresiýaly Demetrios Wikelas saýlanýar. Iki ýyldan soňam, Gresiýanyň paýtagty Afinyda häzirkizaman tomusky Olimpiýa oýunlarynyň ilkinjisi geçirilýär.
1955 – Fransiýaly futbolçy, Euro 1986-nyň çempionlaryndan Žan Tigana dünýä inýär.
1972 – Fransiýaly başga bir futbolçy, Dünýäniň hem-de Ýewropanyň çempiony, ähli zamanalaryň iň ökde ýyldyzlaryndan diýlip görkezilýän, “Altyn top” baýragynyň eýesi, “Real Madridiň” häzirki tälimçisi Zinedin Zidan Fransiýanyň Marsel şäherinde dünýä inýär.
1976 – Fransuz futbolynyň ýene bir meşhur oýunçylaryndan, Arsenal uzak ýyllap çykyş eden tanymal ýarymgoragçy Patrik Wieira dünýä inýär.
1980 – Italiýaly tennisçi 2010-njy ýylda “Fransiýa Açykda” çempionlyk gazanyp, “Uly tuwulga” kubogyny eýelän ilkinji italiýaly zenan raketkaçy adyny alan Françesko Skiawone ýurduň Milan şäherinde dünýä inýär.
