Futbol dünýäsiniň soňky 15 ýylyna hökmürowanlyk eden 2 futbolçynyň biri bolan Lionel Messi şu gün 33 ýaşady. Ençeme ýyllyk birnäçe rekordy täzelän Lionel Messini köpler ähli zamanalaryň iň ökde futbolçysy hasaplaýarlar. Şeýle-de mundan 10 ýyl ozal şu gün dünýäniň iň uzak wagtlap dowam eden tennis duşuşygy hasaba alynýar.
Messi we beýleki argentinalylaryň doglan güni
1894 – Halkara Olimpiýa Komiteti tomusky Olimpiýa oýunlarynyň her 4 ýyldan bir gezek geçiriljekdigi barada karar alýar.
1911 – Argentinaly meşhur sürüji, Formula 1 ýaryşynda 1951-nji ýylda, 1954-nji, 1955-nji, 1956-njy hem-de 1957-nji ýyllarda, jemi 5 gezek çempionlyk gazanan Huan Manuel Fanjio Argentinanyň Balkarse şäherinde dünýä inýär.
1922 – Amerikanyň Professional Futbol Assosiasiýasy Milli Futbol Ligasy (NFL) diýlip atlandyrylýar.
1978 – Ýaponiýaly futbolçy Şunsuke Nakamura dünýä inýär.
1978 – Argentinaly ýyldyz futbolçylaryň biri, Ispaniýada “Barselona”, “Wilýarreal” ýaly toparlarda oýnan Huan Roman Rikelme dünýä inýär.
1987 – Argentinaly super ýyldyz, “Barselonada” 30-dan gowrak kubok gazanan, 6 gezek “Altyn top” baýragyny eýelän Lionel Messi Argentinanyň Rosario şäherinde dünýä inýär.
1992 – “Bawariýanyň” awstriýaly futbolçysy Dawid Alaba dünýä inýär.
Tennisiň taryhyndaky iň uzak wagtlap dowam eden duşuşyk
2010 – “Wimbledon” tennis ýaryşynda tennis taryhynyň iň uzak wagtlap dowam eden duşuşygy hasaba alynýar. Amerikaly Jon Izner bilen fransiýaly Nikolas Mahunyň arasyndaky oýun 11 sagat 5 minutda tamamlanýar. Duşuşyk 22-nji iýunda başlap, 24-nji iýunda tamamlanýar. Duşuşygyň taý-breki 183 oýundan ybarat bolup, 70-68 hasabynda öňe saýlanan Izner umumy hasapda 3-2 ýeňiş gazanýar (6:4, 3:6, 6:7, 7:6, 70:68).
