Sportuň taryhynda şu günki güne ser salanymyzda taryhy wakalaryň sany az däl. Dünýä belli Le Man awtomobil ýaryşy ilkinji gezek geçirilip başlanýar (1906). Şeýle-de ähli zamanalaryň iň ökde goragçylarynyň hatarynda görkezilýän, Milan toparynyň rowaýaty futbolçysy, Çempionlar ligasynyň 5 gezek ýeňijisi we 25 ýyllap “Milanda” oýnan Paolo Maldini dünýä inýär. Şeýle-de 1992-nji ýyldaky Ýewropa çempionatynda Daniýanyň ýygyndysy garaşylmadyk ýagdaýda kubogy eýeleýär. Futbolçyň taryhyndaky gynançly wakalaryň biri hem şu gün bolup geçýär. 2003-nji ýylda kamerunly Mark-Wiwien Foe meýdançada ýüregi durýar we aradan çykýar.
1906 – Fransiýanyň Le Man şäherinde ilkinji Gran Pri ýaryşy geçirilýär. Şol ýaryşda Hongar Sis ýeňiş gazanýar.
1968 – Italiýaly meşhur futbolçy, eýýämden ady rowaýata öwrülen, ähli zamanalaryň iň ökde goragçylarynyň hatarynda görkezilýän hem-de çärýek asyr “Milanda” oýnan Paolo Maldini dünýä inýär.
1987 – Fransiýaly futbolçy Samir Nasri dünýä inýär.
1992 – Futbol boýunça Şwesiýada geçirilen 9-njy Ýewropa çempionatynda Daniýanyň ýygyndysy finalda Germaniýany 2-0 hasabynda ýeňip, hemmäni geň galdyrýar.
2003 – Fransiýada geçirilen Konfederasiýa Kubogynda Kamerun bilen Kolumbiýanyň arasynda duşuşykda kamerunly Mark-Wiwien Foe 72-nji minutda meýdançada ýere ýykylýar. Ýüregi duran futbolçy aradan çykýar.
2016 – ABŞ-da geçirilen Kopa Amerika ýaryşynyň finalynda Çiliniň ýygyndysy penaltilerden soň (0-0, 4-2 p), Argentinany ýeňlişe sezewar edýär.
