Şu gün dünýä belli nemes Formula 1 sürüjisi Sebastian Wetteliň doglan güni. Ol bu gün 33 ýaşaýar. Galyberse-de, şu gün braziliýaly meşhur sport žurnalist, soňlugy bilenem tälimçi bolan Žoao Saldaniýanyň hem doglan güni. 1990-njy ýylyň 12-nji iýulynda aradan çykan Saldaniýa gysga wagtlyk hem bolsa, Braziliýanyň milli ýygyndysyna-da tälim berýär. Tälimçilik karýerasy gysga bolan Saldaniýa diňe öz çykyş eden kluby “Botafoga” toparyna tälimçilik edýär. Şeýle-de 19 ýyl mundan ozal, şu gün, ýagny 2001-nji ýylyň “Ýuwentus” topary “Parmadan” Janluiji Buffony rekord baha 52 million ýewro transfer edýär. Onuň rekordyny 2018-nji ýylda Allison täzeleýär. Galyberse-de, mundan 16 ýyl ozal şu gün tennisde täze ýyldyz peýda bolýar. Wimbledon tennis ýaryşynyň finalynda 17 ýaşly Mariýa Şarapowa amerikaly Serena Williams 2 setde ýeňip, ilkinji Uly tuwulga kubogyny gazanýar. Ol şol bir wagtyň özünde Wimbledonda çempionlyk gazanan ilkinji russiýaly tennisçi bolýar.
3-nji iýul
1917 – Braziliýaly žurnalist hem-de futbol tälimçisi Žoao Saldaniýa dünýä inýär.
1987 – Germaniýaly Formula 1 sürüjisi Sebastian Wettel dünýä inýär.
2001 – Janluiji Buffon rekord baha “Parmadan” “Ýuwentusa” transfer bolýar (52 million ýewro).
2004 – “Wimbledon” tennis ýaryşynyň zenanlaryň arasyndaky finalynda Mariýa Şarapowa amerikaly Serena Williamsy 2:0 ýeňip, bu ýaryşda çempionlyk gazanan ilkinji russiýaly tennisçi bolýar.
