Ispaniýanyň futbol boýunça milli çempionatynyň 34-nji tapgyry “Barselona” topary üçin ýatdan çykmajak tapgyrlaryň biri boldy. Bu tapgyryň duşuşygynda “Barselona” toparynyň futbol taryhyndaky 9000-nji goly hasaba alyndy. “Barselona” bilen “Wilýareal” toparlarynyň arasynda geçirilen duşuşykda katalon topayrnyň 17 ýaşly futbolçysy Ansuman Fati 9000-nji goly öz adyna ýazdyrdy.
“Barselona” topary “Wilýarealy”4:1 hasabynda ýeňdi. Katalon topary bu duşuşykdan soňra utuk sanyny 73-e çykardy. Ispaniýanyň çempionatynyň tamamlanmagyna 4 hepde galdy. “Barselona” topary bilen birinji orunda barýan “Real Madrid” toparynyň arasyndaky aratapawut 4 utuga deňdir.
“Barselona” toparynyň ilkinji goly 1909-njy ýylyň 5-nji aprelinde hasaba alnypdy. 111 ýyldan soňra toparyň geçiren gollarynyň sany 9000-e ýetdi.
