Beýik Britaniýanyň dünýä belli aýdymçysy Elton Jonuň aýdym-saz döredijiliginiň 50 ýyllygy mynasybetli ýörite altyn şaýy puly taýýarlandy. Beýik Britaniýanyň şa zikgehanasy (“Roýal Mint”) sungat işgäri Bradleý Morgan Jonsonyň taýýarlan taslamasyna laýyklykda, şaýy puluny ýasady.
Onda Elton Jonuň meşhur äýnekleri hem-de şapkasy ýerleşdirildi. Altyndan ýasalan ýadygärlik şaýy pulunyň bahasy 65 müň funt sterlinge deňdir.
Elton Jon bu barada eden çykyşyndan ýurduň zikgehanasy tarapyndan şeýle ýokary derejede sarpalanmagynyň gaty guwandyryjy wakadygyny belledi.
