Iň gadymy tennis bäsleşigi
Şu gün mundan 143 ýyl tennis bäsleşikleriniň iň gadymysy bolan we iň abraýlysy, iň naýbaşysy hasaplanýan Wimbledon bäsleşiginiň ilkinjisine badalga berilýär. Diňe erkekleriň arasynda geçen bäsleşik 16-njy iýulda tamamlanmalydy, ýöne käbir sebäplerden 19-njy iýulda tamamlanýar. Ýaryşda Spenser Gor ýeňiji bolýar.
Zidanyň iň soňky kelle urgusy
Sportuň taryhynda şu günüň ýene bir wakasy, ol hem 2006-njy ýylda geçen Dünýä Kubogynyň ýatdan çykmajak finalydyr. Dogry oýun babatda üýtgeşikligi ýok hem bolsa, Zinedin Zidanyň soňky duşuşygynyň bolmagy we onuň Marko Materazzi bilen sene-menesi, ahyrynda-da kelle urgusy. Italiýanyň 4-nji gezek çempion bolmagyndan zyýada Zidanyň kelle urgusy bilen orun alan Berlin ýatlamalary.
Meşhur hüjümçileriň doglan güni
Fransiýanyň ortatap klublaryndan Nissa hem şu gün esaslandyrylýar. Mundan başga-da 9-njy iýul golaýda düwnük keselinden ejir çeken we saplanan italiýaly Janluka Wialliniň, ondan 4 ýaş kiçi başga bir italiýaly hüjümçi, syýasy hereketler bilen tanalýan Paolo Di Kanionyň, şol bir wagtda-da 1994-nji ýylda Dünýä Kubogynyň ýyldyzlaryndan Ýordan Letçkowyň hem-de Interiň iňlis oýunçysy Eşli Ýangyň doglan günleri.
9-njy iýul
1877 – Angliýanyň London şäherinde erkekleriň arasynda ilkinji Wimbledon tennis bäsleşigine badalga berilýär.
1904 – Fransiýanyň Nissa futbol topary esaslandyrylýar.
1964 – Italiýaly meşhur hüjümçi Janluka Wialli dünýä inýär.
1967 – Bolgariýaly futbolçy Ýordan Letçkow dünýä inýär.
1968 – Italiýaly meşhur hüjümçi Paolo Di Kanio dünýä inýär.
1985 – Angliýa futbolçy Eşli Ýang dünýä inýär.
2006 – Futbol boýunça Germaniýada geçirilen 18-nji Dünýä Kubogynyň finalynda Italiýanyň ýygyndysy Fransiýadan üstün çykýar (1-1, 5-3 p).
