Futbol janköýerleriniň iň söýgüli bäsleşigi bolan UEFA Çempionlar ligasynda möwsümi düýn çärýek hem-de ýarym finalyň bijeleri çekildi. Adaty ýagdaýda täze möwsümiň saýlama tapgyrynyň geçirilmeli şu günlerinde çekilen bijä laýyklykda futbol janköýerlerine biri-birinden gyzykly 4 duşuşyk garaşýar. “Man. Siti”/“Real Madrid” – “Ýuwentus”/“Lion”, “Leipsig”–“Atletiko Madrid”, “Barselona”/“Napoli” –“Bawariýa”/“Çelsi”, “Atalanta” – PSŽ.
Mälim bolşy ýaly, 1/8 finalyň 1-nji oýunlary dolulygyna tamamlanypdy. Jogap oýunlarynyň-da 4-si oýnalyp, “Atalanta”, “Atletiko Madrid”, PSŽ hem-de “Leipsig” klublary yklymyň iň gowy 8 toparynyň hataryna atlaryny ýazdyrypdy. Galan 4 topar bolsa, 7–8-nji awgustda oýnaljak duşuşyklardan soň, belli bolar. Şol 4 duşuşyk bolsa şulardyr: “Barselona”–“Napoli” (1–1), “Mançester Siti”–“Real Madrid” (2–1), “Ýuwentus”–“Lion” (0-1), “Bawariýa”–“Çelsi” (3–0). Duşuşyklar 7-8-nji awgustda 1-nji oýny myhmançylykda geçiren toparlaryň meýdançalarynda tomaşaçysyz ýagdaýda oýnalar.
Çärýek finaldan başlap galan oýunlaryň hemmesi-de Portugaliýanyň paýtagty Lissabondaky “Estadio da Luz” hem-de “Estadio Jose Alvalade” stadionlarynda oýnalar.
Çärýek finalyň duşuşyklary:
- “Man. Siti”/“Real Madrid” – “Ýuwentus”/“Lion”
- “Leipsig” – “Atletiko Madrid”
- “Barselona”/“Napoli” – “Bawariýa”/“Çelsi”
- “Atalanta” – PSŽ
Ýarym finalyň duşuşyklary
- Çärýek final 1-iň ýeňijisi bilen çärýek final 3-iň ýeňiji
- Çärýek final 2-iň ýeňiji bilen çärýek final 4-iň ýeňijisi
