Italiýanyň 3-nji, Ispaniýanyň 1-nji çempionlygy
1982-njy ýylyň 11-nji iýulynda Italiýanyň ýygyndysy 3-nji gezek Dünýäniň çempiony bolýar. Madriddäki finalda Rossi, Tardelli hem-de Altobelliniň gollary bilen Günbatar Germaniýany 3-1 ýeňýär. 2010-njy ýylda-da ilkinji gezek Afrika yklymynda guralan Dünýä Kubogynyň finalynda Ispaniýanyň ýygyndysy ýeňiş gazanýar. Günorta Afrikada geçirilen çempionatyň finalynda Niderlandlary Andres Iniestanyň 116-njy minutdaky goly bilen 1-0 ýeňip, ilkinji gezek çempion bolýar.
Ilkinji Olimpiýa çempiony bolan zenan türgen
Şeýle-de mundan 120 ýyl ozal şu gün britaniýaly tennisçi Şarlotta Kuper Pariž Olimpiadasynda ýeňiş gazanýar we Olimpiýa oýunlarynda altyn medal gazanan ilkinji zenan türgen bolýar.
Şu gün Real Madridiň ýyldyzlaryndan meksikaly hüjümçi Hugo Sançes, ispaniýlay Ruben Baraha, fransiýaly Erik Abidal, ispaniýaly Raul Garsiýa hem-de argentinaly Lukas Okampos ýaly futbolçylar bilen bir hatarda, daniýaly tennisçi Karolina Wozniaskiniň doglan günleri.
11-nji iýul
1900 – Britaniýaly Şarlotta Kuper Pariž Olimpiadasynda ýeňiji bolup, Olimpiýa oýunlarynda altyn medal gazanan ilkinji türgen bolýar.
1958 – Meksikaly futbolçy Hugo Sançes dünýä inýär.
1966 – Futbol boýunça Angliýada 8-nji Dünýä Kubogyna badalga berilýär.
1975 – Ispaniýaly futbolçy Ruben Baraha dünýä inýär.
1979 – Fransiýaly futbolçy Erik Abidal dünýä inýär.
1982 – Ispaniýada geçirilen futbol boýunça 12-nji Dünýä Kubogynyň finalynda Italiýanyň ýygyndysy Günbatar Germaniýany 3-1 ýeňýär.
1986 – Ispaniýaly futbolçy Raul Garsiýa dünýä inýär.
1990 – Daniýaly tennisçi Karolina Wozniaski dünýä inýär.
1994 – Argentinaly futbolçy Lukas Okampos dünýä inýär.
2010 – Günorta Afrikada geçirilen 19-njy Dünýä Kubogynyň finalynda Ispaniýanyň ýygyndysy Niderlandlary goşmaça wagtda 1-0 hasabynda ýeňýär.
