Angliýanyň Federasiýa Kubogynyň (FA Kubogy) finalynda Londonyň 2 topary “Arsenal” bilen “Çelsi” duşuşarlar. Olaryň ikisi-de “Wembley”-de oýnalan ýarym final duşuşyklaryndan Mançester şäheriniň toparlaryndan, degişlilikde, “Mançester Siti” hem-de “Mançester Ýunaýtedden” üstün çykdy. “Arsenal” Mançester Sitini Pier-Emerik Obameýangyň 19-njy we 71-nji minutlardaky gollary bilen 2-0 ýeňdi. “Çelsi” bolsa, “Mançester Ýunaýtedi” Žirunyň (45+11), Mountyň (46) hem-de Maguaýryň (76 ö.d.) gollary bilen 3-1 hasabynda ýeňlişe sezewar etdi. Bruno Fernandeşiň 85-nji minutda penaltiden geçiren goly “Ýunaýtede” ýeterlik bolmady.
Şeýlelikde, “Arsenal” 21-nji, “Çelsi” 14-nji gezek FA Kubogynyň finalynda çykyş eder. “Arsenal” şol finallaryň 13-inde, “Çelsi” 8-sinde ýeňiş gazandy. “Arsenal” bilen “Çelsiniň” arasyndaky final duşuşygy 1-nji awgustda “Wembley”-de oýnalar.
