Futbol äleminiň ýekelikdäki iň uly sylagy bolan “Altyn top” baýragy bu ýyl hiç kime berilmez. “France Football” žurnalynyň degişli ýolbaşçylary dünýäde emele gelen çylşyrymly ýagdaýlar sebäpli oňaýly we adalatly şertleriň ýokdugyny göz öňünde tutup, baýragy bu ýyl hiç kime berilmesiz edilendigini habar berdiler. Şunlukda, “France Football” žurnaly tarapyndan 1956-njy ýyldan bäri yzygiderli ýagdaýda gowşurylyp gelinýän “Ballon d’Or” baýragy taryhda ilkinji gezek gowşurylmaz. Altyn top baýragyny iň köp Lionel Messi gazandy. Ol 6 gezek bu hormata mynasyp boldy. Bu ugurda Kristiano Ronaldo 5 Altyn top bilen 2-nji ýeri eýeleýär.
