For­mu­la 1 bo­ýun­ça Sin­ga­pur­da ge­çi­ri­len möw­sü­miň 15-nji ýa­ry­şyn­dan soň, sa­na­wyň li­de­ri üýt­ge­di. Bas­syr 3-nji ýeň­şi­ni ga­za­nan “Mer­se­des” to­pa­ry­nyň ger­ma­ni­ýa­ly sü­rü­ji­si Ni­ko Ros­berg sa­na­wyň tä­ze li­de­ri bol­dy.
F1-de möw­sü­miň 15-nji bäs­le­şi­gi Sin­ga­pu­ryň ady­bir paý­tag­ty­nyň kö­çe­le­rin­de ge­çi­ril­di. 5 müň 65 metr­lik “Ma­ri­na Baý” tras­sa­syn­da ag­şa­ma­ra bo­lup ge­çen bu 61 aý­law­lyk ýa­ry­şa Ni­ko Ros­berg il­kin­ji ha­tar­dan bat al­dy. Eý­ýäm il­kin­ji aý­law­da Ni­ko Hul­ken­ber (“Fors In­dia”) bi­len Kar­los Saýn­syň (“To­ro Ross”) ulag­la­ry ki­çi­räk awa­ri­ýa­ny baş­dan ge­çir­di. Bäs­le­şik 2-nji aý­la­wyň ahy­ry­na çen­li howp­suz­lyk ula­gy­nyň ga­ra­ma­gyn­da do­wam et­di. Tä­ze­den bat alan ýa­ryş­da öň­dä­ki 4 sü­rü­ji – “Mer­se­des­den” Ni­ko Ros­berg, “Red Bull­dan” Da­ni­el Rik­ki­ar­do, “Mer­se­des­den” Le­wis Ha­mil­ton hem-de “Fer­ra­ri­den” Ki­mi Ra­ik­ko­nen beý­le­ki pi­lot­lar­dan ep-es­li öňe saý­lan­dy. Ola­ryň 3-si 46–48-nji aý­law­lar­da 3-nji pit-stop­la­ry­ny et­di­ler. Ros­berg we­lin, te­ke­ri­ni ça­lyş­ma­dy. Rik­ki­ar­do ýum­şak we tä­ze te­ker­le­ri­niň sa­ýa­syn­da soň­ky aý­law­da Ros­berg bi­len ara­ta­pa­wu­dy 0,5 se­kun­da çen­li azalt­dy. Ýö­ne ger­ma­ni­ýa­ly sü­rü­ji or­nu­ny sak­la­ma­gy ba­şar­dy. Ol pel­le­ha­na­dan 1 sa­gat 55 mi­nut 48,950 se­kunt­da ge­çip, bas­syr 3-nji ýeň­şi­ni ga­zan­dy. Bu onuň şu möw­süm­dä­ki 8-nji, kar­ýe­ra­syn­da­ky 22-nji ýeň­şi­dir.
Ros­berg­den 0,4 se­kunt soň pel­le­ha­na ge­len Rik­ki­ar­do 2-nji, on­dan 8 se­kunt­lyk az ne­ti­je gör­ke­zen Ha­mil­ton 3-nji ýe­ri eýe­le­di. “Fer­ra­ri” to­pa­ry­nyň sü­rü­ji­le­ri Ki­mi Ra­ik­ko­nen bi­len Se­bas­ti­an Wet­tel 4-5-nji orun­la­ry paý­laş­dy­lar. 15-nji ýa­ryş­dan soň, utu­gy­ny 273-e çy­ka­ran Ni­ko Ros­berg to­par­da­şy Ha­mil­ton­dan öňe saý­la­nyp, 1-nji or­na geç­di. Ha­mil­to­nyň 265 utu­gy bar. Çem­pi­on­lyk­dan az-ow­lak daş­la­şan Da­ni­el Rik­ki­ar­do 179 utuk bi­len 3-nji ha­tar­da bar­ýar. Möw­sü­miň no­bat­da­ky ýa­ry­şy 2-nji okt­ýabr­da Ma­laý­zi­ýa­nyň paý­tag­ty Kua­la Lum­pur­da ge­çi­ri­ler.

Gyzykly bolup bilerЕЩЕ ОТ АВТОРА