10-njy okt­ýabr­da ýur­du­my­zyň Döw­let me­de­ni­ýet mer­ke­zi­niň Mu­kam­lar köş­gün­de Rus­si­ýa Fe­de­ra­si­ýa­sy­nyň Ta­ta­rys­tan Res­pub­li­ka­sy­nyň Türk­me­nis­tan­da­ky gün­le­ri­niň açy­lyş da­ba­ra­sy bol­dy hem-de onuň çäk­le­rin­de sun­gat us­sat­la­ry­nyň kon­ser­ti we ta­tar halk se­net­çi­li­gi­niň ser­gi­si gu­ral­dy. Ga­raş­syz, Bi­ta­rap döw­le­ti­mi­ziň be­ýik Ga­raş­syz­ly­gy­nyň 25 ýyl­lyk şan­ly baý­ra­my­na ba­gyş­la­nyp ge­çi­ril­ýän bu fo­ru­ma gat­naş­mak üçin Ta­ta­rys­tan Res­pub­li­ka­sy­nyň Pre­zi­den­ti Rus­tam Min­ni­ha­now Aş­ga­ba­da gel­di.
Rus­si­ýa Fe­de­ra­si­ýa­sy­nyň Ta­ta­rys­tan Res­pub­li­ka­sy­nyň Pre­zi­den­ti Rus­tam Min­ni­ha­now da­ba­ra gat­na­şy­jy­la­ryň öňün­de gut­lag sö­zi bi­len çy­kyş et­di. Ta­ta­rys­ta­nyň baş­tu­ta­ny hor­mat­ly Pre­zi­den­ti­mi­ze bu fo­ru­myň ýo­ka­ry gu­ra­ma­çy­lyk de­re­je­si­niň üp­jün edil­me­gi­ne be­ren gol­da­wy üçin ho­şal­lyk söz­le­ri­ni aý­dyp, türk­men hal­ky­ny ýa­kyn­la­şyp gel­ýän mu­kad­des Ga­raş­syz­ly­gyň 25 ýyl­lyk şan­ly baý­ra­my bi­len gut­la­dy. Soň­ra bu ýer­de Ta­ta­rys­tan Res­pub­li­ka­sy­nyň we Türk­me­nis­ta­nyň sun­gat us­sat­la­ry­nyň kon­ser­ti ge­çi­ril­di.
Ta­ta­rys­tan Res­pub­li­ka­sy­nyň me­de­ni­ýet mi­nist­ri Aý­rat Si­ba­ga­tul­li­niň ýol­baş­çy­ly­gyn­da­ky we­kil­çi­lik­li to­par Aş­ga­bat­da ge­çi­ril­ýän dö­re­di­ji­lik fo­ru­my­na gat­naş­mak üçin gel­di. Gü­nüň bi­rin­ji ýa­ry­myn­da Türk­me­nis­ta­nyň Döw­let me­de­ni­ýet mer­ke­zi­niň Döw­let ki­tap­ha­na­syn­da Ta­ta­rys­tan Res­pub­li­ka­sy­nyň we­kil­le­ri – Mil­li ki­tap­ha­na­nyň, Ýa­zy­jy­lar bir­leş­me­si­niň ýol­baş­çy dü­zü­mi, ýa­zy­jy­lar we žur­na­list­ler bi­len du­şu­şyk ge­çi­ril­di. Gy­zyk­lan­ma bil­di­ril­ýän gep­le­şik­le­riň bar­şyn­da me­de­ni­ýet ul­ga­myn­da­ky hyz­mat­daş­ly­gy mun­dan beý­läk-de ös­dür­me­giň we bu ugur­da tej­ri­be alyş­ma­gyň me­se­le­le­ri ara al­nyp mas­la­hat­la­şyl­dy.

Mu­kam­lar köş­gü­niň za­ly­nyň dol­ma­gy Ta­ta­rys­ta­nyň Türk­me­nis­tan­da ge­çi­ril­ýän gün­le­ri­ne bo­lan ýo­ka­ry gy­zyk­lan­ma gü­wä geç­ýär. Ta­ta­rys­ta­nyň Türk­me­nis­tan­da­ky gün­le­ri­niň dost­luk­ly ýur­duň sun­gat us­sat­la­ry­nyň dö­re­di­ji­lik­li çy­kyş­la­ry we ta­tar se­net­kär­le­ri­niň däp bo­lan çe­per ser­gi­si bi­len açyl­ma­gyn­da çuň­ňur ma­ny bar.
Ta­ta­rys­tan Res­pub­li­ka­sy­nyň Pre­zi­den­ti saparynyň çäklerinde Söw­da-se­na­gat eda­ra­sy­nyň Ser­gi mer­ke­zin­de Türk­me­nis­ta­nyň Ga­raş­syz­ly­gy­nyň 25 ýyl­ly­gy­na ba­gyş­la­nyp açy­lan yk­dy­sa­dy üs­tün­lik­le­ri­niň ser­gi­si­ne aýlanyp gördi. Ol ýer­de ýur­du­my­zyň ga­raş­syz­lyk ýyl­la­ryn­da mil­li yk­dy­sa­dy­ýe­ti­miz­de ga­za­nan üs­tün­lik­le­ri we ýe­ten sep­git­le­ri bi­len ta­nyş­dy.
Şeý­le hem Prezident Rus­tam Min­ni­ha­now Türk­me­nis­ta­nyň Söw­da-se­na­gat eda­ra­sy ta­ra­pyn­dan gu­ra­lan türk­men-ta­tar işe­wür­ler mas­la­ha­ty­na gat­naş­dy. Bu fo­ru­ma gat­naş­mak üçin Ta­ta­rys­ta­nyň döw­let eda­ra­la­ry­nyň, pu­dak­la­ýyn mi­nistr­lik­le­ri­niň, döw­let we hu­su­sy gu­ra­ma­la­ry­nyň, iri kom­pa­ni­ýa­la­ryň we kär­ha­na­la­ryň ýol­baş­çy­la­ryn­dan we hü­när­men­le­rin­den dü­zü­len uly we­ki­li­ýe­ti Aş­ga­ba­da gel­di.
Du­şu­şy­ga türk­men ta­ra­pyn­dan ýur­du­my­zyň ministr­lik­le­ri­niň we pu­dak eda­ra­la­ry­nyň, döw­let kon­sern­le­ri­niň, bir­le­şik­le­riň, ko­mi­tet­le­ri­niň, bank­la­ryň, Se­na­gat­çy­lar we te­le­ke­çi­ler bir­le­şi­gi­niň, Ylym­lar aka­de­mi­ýa­sy­nyň we ýo­ka­ry okuw mek­dep­le­ri­niň ýol­baş­çy­la­ry gat­naş­dy­lar.
Fo­rum­da Prezident Rus­tam Min­ni­ha­now çy­kyş et­di we ol öz çy­ky­şyn­da Rus­si­ýa Fe­de­ra­si­ýa­sy bi­len döw­le­ta­ra gep­le­şik­le­riň çäk­le­rin­de Türk­me­nis­tan bi­len Ta­ta­rys­ta­nyň ara­syn­da ýo­la goý­lan ne­ti­je­li hyz­mat­daş­ly­gy ös­dür­mek­li­gi nyg­ta­dy. Fo­ru­myň umu­my bö­lü­mi­niň so­ňun­da “2017-2019-njy ýyl­lar­da Türk­me­nis­ta­nyň Hö­kü­me­ti­niň we Ta­ta­rys­tan Res­pub­li­ka­sy­nyň Hö­kü­me­ti­niň (Rus­si­ýa Fe­de­ra­si­ýa­sy) ara­syn­da söw­da-yk­dy­sa­dy, yl­my-teh­ni­ki, me­de­ni-yn­san­per­wer we beý­le­ki ul­gam­lar­da­ky hyz­mat­daş­ly­gy­nyň me­ýil­na­ma­sy­na” we Türk­me­nis­ta­nyň Ylym­lar aka­de­mi­ýa­sy we Ta­ta­rys­tan Res­pub­li­ka­sy­nyň Ylym­lar akade­mi­ýa­sy­nyň ara­syn­da yl­my-teh­ni­ki hyz­mat­daş­lyk ba­ra­da­ky Äht­na­ma gol çek­mek da­ba­ra­sy bol­dy.
«Zaman–Türkmenistan».

Gyzykly bolup bilerЕЩЕ ОТ АВТОРА