or­mat­ly Pre­zi­den­ti­mi­ziň ýur­du­myz­da sport ul­ga­my­nyň hem­me­ta­rap­la­ýyn ös­dü­ril­me­gi üçin ed­ýän ir­gin­siz ala­da­la­ry­na jo­gap hök­mün­de türk­men tür­gen­le­ri hal­ka­ra de­re­je­sin­dä­ki ýa­ryş­la­ra gat­na­şyp, ýo­ka­ry ne­ti­je­le­ri ga­zan­ýar­lar. Olar türk­men hal­ky­nyň buý­san­jy bo­lan ýa­şyl Tu­gu­my­zy al-as­man­da pa­syr­da­dyp, ýur­du­my­zyň sport ab­ra­ýy­ny has-da be­len­de gal­dyr­ýar­lar. Ýa­ňy-ýa­kyn­da ýur­du­my­zyň sport us­sat­la­ry Ru­my­ni­ýa­da hem-de Bol­ga­ri­ýa­da ge­çi­ri­len dün­ýä çem­pio­nat­la­ryn­dan baý­rak­ly do­lan­dy­lar. Bu ýurt­lar­da de­giş­li­lik­de spor­tuň ka­ra­te we sam­bo gör­nüş­le­ri bo­ýun­ça hal­ka­ra ýa­ryş­la­ry ge­çi­ril­di.
Rumy­ni­ýa­nyň Bra­şow şä­he­rin­de dün­ýä­niň 20 ýur­dun­dan tür­gen­le­riň 300-e go­la­ýy­ny ýyg­nan aşi­ha­ra-ka­ra­te bo­ýun­ça dün­ýä çem­pio­na­tyn­da türk­me­nis­tan­ly­lar me­dal­la­ryň iki­si­ne – kü­müş we bü­rünç me­dal­la­ra my­na­syp bol­du­lar. Hor­mat mün­be­ri­niň ikin­ji bas­gan­ça­gy­na 80 ki­log­ra­ma çen­li ag­ram de­re­je­sin­de çy­kyş eden aş­ga­bat­ly Far­had Ju­mi­ýew çyk­dy. Şon­da baý­rak­lar ug­run­da 12 tür­gen güýç sy­na­nyş­dy. Şol ag­ram de­re­je­sin­de Le­bap we­la­ýa­tyn­dan päl­wan Se­lim Se­ýi­dow bü­rünç me­da­lyň eýe­si bol­dy.
Aşi­ha­ra-ka­ra­te 1980-nji ýyl­da ýa­pon us­sa­dy Hi­de­ýu­ki Asi­ha­ra ta­ra­pyn­dan esas­lan­dy­ryl­dy. Spor­tuň bu gör­nü­şi ba­şa-baş sö­weş­le­riň kýo­ku­şin­kaý, dzýu­do we aý­ki­do ýa­ly meş­hur gör­nüş­le­rin­den tut­lu­şyk­la­ryň usul­la­ry­ny, şeý­le hem bu gö­re­şi esas­lan­dy­ry­jy Aşi­ha­ra­nyň özi ta­ra­pyn­dan iş­le­ni­len til­sim­le­ri özün­de jem­le­ýär.
Bol­ga­ri­ýa­nyň paý­tag­ty So­fi­ýa şä­he­rin­de er­kek­le­riň we ze­nan­la­ryň ara­syn­da sam­bo bo­ýun­ça dün­ýä­niň 41-nji çem­pio­na­ty ge­çi­ril­di. Çem­pio­nat dün­ýä­niň 80 döw­le­tin­den tür­gen­le­riň ýüz­ler­çe­si­ni özü­ne jem­le­di. Ýa­ry­şyň iki gü­nün­de türk­me­nis­tan­ly­lar me­dal­la­ryň dör­dü­si­ne – sö­weş sam­bo­sy bo­ýun­ça kü­müş we bü­rünç hem-de nus­ga­wy sam­bo­da iki bü­rünç me­da­la eýe bol­du­lar.
To­pa­ry­my­zyň dü­zü­min­de 100 ki­log­ra­ma çen­li ag­ram­da çy­kyş eden Ça­ry­my­rat An­na­gur­ba­now 20-den gow­rak tür­ge­niň ara­syn­da ikin­ji or­ny eýe­le­di. Fi­nal tut­lu­şy­gy­na çen­li ol iki du­şu­şyk­da ynam­ly ýe­ňiş ga­zan­dy, aý­gyt­ly tut­lu­şyk­da rus­si­ýa­ly Mi­ha­il Moh­nat­kin­den çe­ke­le­şik­li ge­çen du­şu­şyk­da ýe­ňil­di. Hä­zir­ki wag­ta çen­li onuň ga­za­nan iň esa­sy üs­tün­li­gi şu ýy­lyň ba­ha­ryn­da Aş­ga­ba­dyň Olim­pi­ýa şä­her­ji­gi­niň sö­weş sun­gat­la­ry sport top­lu­myn­da ge­çen Azi­ýa çem­pio­na­tyn­da al­tyn me­da­la my­na­syp bol­ma­gy­dyr.
Sö­weş sam­bo­sy bo­ýun­ça 62 ki­log­ra­ma çen­li ag­ram­da Ke­rim­ber­di Döw­le­tow üçün­ji or­ny eýe­le­di. Sam­bo­nyň nus­ga­wy gör­nü­şin­de çy­kyş eden Te­jen Te­je­now dün­ýä çem­pio­na­tyn­da ýe­ne bir bü­rünç me­da­la my­na­syp bol­dy. Bu tür­gen hem dür­li iri hal­ka­ra ýa­ryş­la­ryn­da bir­nä­çe ge­zek hor­mat mün­be­ri­ne çy­kyp­dy.
Ýur­du­my­zyň ýy­gyn­dy to­pa­ry­nyň dü­zü­min­de dör­dün­ji baý­ra­ga – bü­rünç me­da­la hal­ka­ra de­re­je­li sport us­sa­dy Gül­ba­dam Ba­ba­my­ra­do­wa my­na­syp bol­dy. Tür­ge­ni­miz 52 ki­log­ra­ma çen­li ag­ram­da çy­kyş edip, 20-ä go­laý tür­ge­niň ara­syn­da hor­mat mün­be­ri­niň üçün­ji bas­gan­ça­gy­na çyk­ma­gy ba­şar­dy.
So­fi­ýa şä­he­rin­de sam­bo bo­ýun­ça er­kek­le­riň we ze­nan­la­ryň ara­syn­da ge­çi­ril­ýän dün­ýä çem­pio­na­ty­nyň jem­leý­ji gü­ni Türk­me­nis­ta­nyň ýy­gyn­dy to­pa­ry­na ýe­ne bir bü­rünç me­dal ge­tir­di. Sö­weş sam­bo­sy bo­ýun­ça 52 ki­log­ra­ma çen­li ag­ram de­re­je­sin­de çy­kyş eden Now­ruz Ata­ýew şeý­le üs­tün­li­ge my­na­syp bol­dy.
Sam­bo bo­ýun­ça ýa­ryş­lar ýur­du­my­zyň paý­tag­tyn­da gel­jek ýy­lyň sent­ýab­ryn­da ge­çi­ril­jek Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň mak­sat­na­ma­sy­na hem gir­ýär. Şu nuk­daý­na­zar­dan So­fi­ýa­da­ky dün­ýä çem­pio­na­ty Türk­me­nis­ta­nyň ta­ry­hyn­da iň uly yk­lym de­re­je­sin­dä­ki top­lum­la­ýyn ýa­ry­şa taý­ýar­ly­gyň mö­hüm tap­gy­ry bo­lup dur­ýar.

Gyzykly bolup bilerЕЩЕ ОТ АВТОРА