Ara­gat­na­şy­gyň tä­ze nes­li ha­sap­lan­ýan 5G ul­ga­my­nyň dur­mu­şa ge­çi­ril­me­gi bi­len dör­dün­ji se­na­gat öw­rü­li­şi­gi­ne ga­dam ba­syl­jak­dy­gy mä­lim edil­di. Bu ba­ra­da Tür­ki­ýä­niň “Türkcell” yk­jam ara­gat­na­şyk kär­ha­na­sy­nyň baş mü­di­ri Ka­an Ter­zi­og­ly ha­bar ber­di. Ol bu teh­no­lo­gi­ýa­nyň ýa­kyn gel­jek­de in­ter­net ul­ga­my­nyň ösü­şin­de tä­ze sa­hy­pa­ny aç­jak­dy­gy­ny hem-de mil­liard­lar­ça hä­zir­ki za­man en­jam­la­ryň iş­le­ýiş tiz­li­gi­niň ýo­kar­lan­jak­dy­gy­ny bel­läp geç­di.
– Me­niň pi­ki­rim­çe, biz dör­dün­ji se­na­gat öw­rü­li­şi­gi­niň bo­sa­ga­syn­da du­rus. Bu plat­for­ma köp san­ly ugur­la­ryň has-da yk­jam he­re­ket et­me­gi­ne müm­kin­çi­lik be­rer – di­ýip, Ka­an Ter­zi­og­ly Da­wos­da­ky hal­ka­ra fo­rum­da­ky çy­ky­şyn­da bel­läp geç­di. Da­wos­da­ky yk­dy­sa­dy fo­ru­myň gün ter­ti­bi­niň esa­sy­ny dör­dün­ji se­na­gat öw­rü­li­şi­gi düz­di.
Kom­pa­ni­ýa­nyň ýol­baş­çy­sy äh­li teh­no­lo­gi­ýa ul­ga­my­nyň 5G ul­ga­myn­da iş­le­mä­ge baş­la­ma­gy üçin 23 mil­liard dol­lar ma­ýa go­ýum öz­leş­dir­me­giň ze­rur­dy­gy­ny bel­läp geç­ýär. Kom­pa­ni­ýa­nyň 5G ul­ga­my­na iş­jeň geç­me­gi üçin ne­ti­je­li iş­ler do­wam et­di­ril­ýär. Go­laý­da “Türkcell” bi­len “Ericsson” bi­le­lik­de, Tür­ki­ýe­de 5G ul­ga­my­ny sy­nag­dan ge­çir­di. Şo­nuň ne­ti­je­sin­de, 24,7 gbit/sek tiz­li­ge ýe­til­di.
Kom­pa­ni­ýa 5G teh­no­lo­gi­ýa­sy­nyň üs­tün­de 2013-nji ýyl­dan bä­ri iş­läp gel­ýär. 2017-2018-nji ýyl­lar­da bu ugur­da bir­nä­çe sy­nag iş­le­ri­ni ge­çir­mek göz öňün­de tu­tul­ýar. Ýo­ka­ry tiz­li­giň ne­ti­je­sin­de, 5G ul­ga­my ar­ka­ly 100 gb göw­rü­min­dä­ki mag­lu­ma­ty 500 mbit/sek tiz­lik bi­len 30 mi­nut­da ge­çir­mek bo­lar.
Mun­dan baş­ga-da 5G ul­ga­my­na geç­mek ba­bat­da dün­ýä­niň köp ýur­dun­da de­giş­li iş­ler al­nyp ba­ryl­ýar. Gü­nor­ta Ko­re­ýa­da, Rus­si­ýa­da we beý­le­ki ýurt­lar­da bu ugur­da­ky iş­ler çalt­lan­dy­ryl­dy. Rus­si­ýa­nyň “Me­ga­Fon” kom­pa­ni­ýa­sy “No­kia” bi­len bi­le­lik­de, 5G ul­ga­my­ny ös­dür­mekde alyp bar­ýan iş­le­ri­niň ne­ti­je­sin­de, se­kunt­da 5 gbit tiz­li­ge ýet­di.

Gyzykly bolup bilerЕЩЕ ОТ АВТОРА