Hal­ka­ra syn­çy­lar­dan saýlawlara ýo­ka­ry ba­ha

Mä­lim bol­şy ýa­ly, 2017-nji ýy­lyň 12-nji few­ra­ly Ga­raş­syz, hemişelik Bi­ta­rap Türk­me­nis­tan döw­le­ti­mi­ziň ýyl­ýaz­gy­sy­na şan­ly wa­ka­la­ryň bi­ri hök­mün­de gir­di. De­mok­ra­tik ýö­rel­ge­ler esa­syn­da ge­çi­ri­len äh­li­halk saý­law­la­ry hal­ka­ra syn­çy­lar to­pa­ry­nyň ýo­ka­ry ba­ha­sy­na my­na­syp bol­dy.
Saý­law­la­ra syn et­mek üçin Ga­raş­syz Döw­let­le­riň Ar­ka­la­şy­gy­nyň (GDA), Şan­haý Hyz­mat­daş­lyk Gu­ra­ma­sy­nyň (ŞHG), Ys­lam Hyz­mat­daş­lyk Gu­ra­ma­sy­nyň (YHG) we­kil­le­ri bi­len bir ha­tar­da köp san­ly döw­let­den ga­raş­syz syn­çy­lar hem gel­diler. Hal­ka­ra syn­çy­lar to­pa­ry­nyň kä­bir­le­ri­niň saý­law­lar ba­ra­da­ky sel­jer­me­le­ri­ni dyk­ga­ty­ňy­za ýe­tir­ýä­ris.

GDA-nyň synçylar toparynyň ýolbaşçysy, GDA-nyň Ýerine ýetiriji komitetiniň Başlygy – Ýerine ýetiriji sekretary Sergeý Lebedew:
– In­di, köp ýyl­lar­dan bä­ri GDA-nyň syn­çy­lar to­pa­ry Türk­me­nis­tan­da­ky saý­law­la­ra gat­na­şyp gel­ýär. Bi­ziň syn­çy­lar to­pa­ry­my­zyň dü­zü­min­e gu­ra­ma ag­za döw­let­le­riň en­çe­me­sin­den we­kil­le­r go­şul­dy. GDA-nyň syn­çy­lar to­pa­ry şu ýy­lyň 25-nji ýan­waryn­da işe gi­riş­di. Saý­law gü­ni köp san­ly saý­law uças­tok­la­ry­na aý­la­nyp gör­dük. Saý­law­la­ryň de­mok­ra­tik ýö­rel­ge­ler esa­syn­da ge­çi­ri­len­di­gi­ne hem-de äh­li da­laş­gär­le­re deň de­re­je­de şert­leriň dö­re­di­lendigine anyk göz ýetirdik. Ses ber­mä­ge saý­law­çy­la­ryň ag­la­ba bö­le­gi­niň gel­me­gi bol­sa, örän buý­san­dy­ry­jy wa­ka­dyr.

ŞHG guramasynyň synçylar toparynyň ýolbaşçysy, baş sekretar
Raşid Alimow:
– Şan­haý Hyz­mat­daş­lyk Gu­ra­ma­sy Türk­me­nis­ta­nyň Pre­zi­dent saý­law­la­ry­na il­kin­ji ge­zek gat­naş­dy. Biz Türk­me­nis­ta­nyň Mer­ke­zi Saý­law to­pa­ry­nyň hem-de Da­şa­ry iş­ler mi­nistr­li­gi­niň ça­gyr­ma­gy bo­ýun­ça gel­dik. Bi­ziň syn­çy­lar to­pa­ry­myz gu­ra­ma­nyň ag­za­sy bol­ma­dyk döw­let­dä­ki saý­law­la­ra syn et­di. Şeý­le ýag­daý gu­ra­ma­nyň ta­ry­hyn­da il­kin­ji ge­zek bo­lup geç­ýär. Syn­çy­lar to­pa­ry­my­zyň iş­le­me­gi üçin äh­li şert­ler dö­re­dil­di. Mer­kezi Saý­law to­pa­ry­nyň işi bi­len ta­nyş­lygyň barşynda, birnäçe saý­law uças­tok­la­ry­na ba­ryp gör­dük. Saý­law­lar köp da­laş­gär­li hem-de äh­lu­mu­my ka­da­la­ra la­ýyk­lyk­da ge­çi­ril­ip, äh­li da­laş­gär­ler üçin deň şert­ler dö­re­dil­ipdir. Pre­zi­dent saý­law­la­ry­nyň bäs­deş­lik hem-de de­mok­ra­tik esas­da ge­çi­ril­endigine şaýat bolduk.

YHG-niň synçylar toparynyň ýolbaşçysy Ali Abdulhassani:
– Ys­lam Hyz­mat­daş­lyk Gu­ra­ma­sy il­kin­ji ge­zek Türk­me­nis­ta­nyň Pre­zi­dent saý­law­la­ry­na syn­çy iber­di. Bu ýag­da­ý Türk­me­nis­ta­nyň Hö­kü­me­ti­niň bi­ziň gu­ra­ma­my­za bil­dir­ýän yna­mynyň ýo­ka­ry­dy­gy­ny gör­kez­ýär. Saý­law­lar gü­ni bi­ziň syn­çy­lar to­pa­ry­my­zyň iş­le­me­gi üçin äh­li müm­kin­çi­lik­ler dö­re­dil­di. Saý­law­lar er­kin hem-de ýo­ka­ry bäs­deş­lik de­re­je­sin­de ge­çi­ril­di.