Ze­mi­niň gör­ki ze­nan­lar

Aja­ýyp ba­har baý­ra­my bo­lan Hal­ka­ra ze­nan­lar gü­ni my­na­sy­bet­li paý­tag­tymyz­da, ýur­du­my­zyň äh­li şä­her­le­rin­de we oba­la­ryn­da mäh­ri­ban, söý­ýän we sö­ýül­ýän ene-ma­ma­la­ry­my­za, gyz­la­ry­my­za we uýala­ry­my­za ba­gyş­la­nan da­ba­ra­lar gu­ral­dy. Hal­ka­ra ze­nan­lar gü­ni Ga­raş­syz, hemişelik Bi­ta­rap Türk­me­nis­tan­da döw­let de­re­je­sinde bel­le­nip, hal­ky­my­zyň umu­ma­dam­zadyň ýo­ka­ry gym­mat­lyk­la­ry­na we mak­satla­ry­na we­pa­ly­dy­gy­ny ala­mat­lan­dyr­ýar. 8-nji mart­da Söw­da-se­na­gat eda­ra­sy­nyň mas­la­hat­lar za­lyn­da Ga­raş­syz Wa­ta­nymy­zyň şöh­rat­ly ze­nan­la­ry­nyň hor­ma­ty­na Türk­me­nis­tan­da giň­den bel­le­nil­ýän Hal­kara ze­nan­lar gü­nü­ne ba­gyş­la­ny­lan da­ba­ra ge­ çi­ril­di. On­da Türk­me­nis­ta­nyň Pre­zi­den­ti­niň Per­ma­ny bi­len, “Ene mäh­ri” di­ýen hor­mat­ly ada my­na­syp bo­lan ene­ler sar­pa­la­nyl­dy. Da­ba­ra şeý­le hem hö­kü­met ag­za­la­ry, Mejli­siň, mi­nistr­lik­le­riň we pu­dak eda­ra­la­ry­nyň ýol­baş­çy­la­ry, jem­gy­ýet­çi­lik gu­ra­ma­la­ry­nyň, Türk­me­nis­tan­da iş­le­ýän dip­lo­ma­tik we­kil­hana­la­ryň, hal­ka­ra gu­ra­ma­la­ryň, köp­çü­lik­le­ýin ha­bar be­riş se­riş­de­le­riniň, dö­re­di­ji­lik in­tel­ligen­si­ýa­sy­nyň we­kil­le­ri, ta­lyp ýaş­lar gat­naş­ dy­lar. “Ar­ka­dag­ly za­man­da bagt­ly ýa­şaň siz, ze­nan­lar!” at­ly ede­bi-saz­ly çy­kyş baý­ram­çylyk mak­sat­na­ma­sy­nyň esa­sy­ny düz­di. Ony teatr­la­ryň ar­tist­le­ri we ýur­du­my­zyň ça­ga­lar tans to­par­la­ry ýe­ri­ne ýe­tir­di­ler. Mil­li Li­de­rimi­ziň wi­deo şe­kil­de ýaň­la­nan “Bagt nu­ry” we “Kal­bym­da sen” di­ýen aý­dym­la­ry da­bara gat­na­şy­jy­lar üçin aja­ýyp sow­gat bol­dy.

Tomaşaçylar zenan bagty we wepalylygy, ene söýgüsi we sabyr-kanagaty, ene topragymyzyň öçmejek gözelligi baradaky ajaýyp aýdymlary tolgunma bilen diňlediler. Dabaranyň ahyrynda mähriban gelin-gyzlarymyza bagyşlanan, Garaşsyz Watanymyza we milli Liderimize bolan buýsanç duýgusyna beslenen “Halk ,Watan, Arkadag” atly aýdym ýaňlandy. Şeýle hem, Döwlet medeniýet merkeziniň Mukamlar köşgünde guralan ýurdumyzyň sungat ussatlarynyň konserti Watanymyzyň şöhratly aýal-gyzlaryna ajaýyp sowgat boldy. Mukamlar köşgüniň sahnasynda ýurdumyzyň iň gowy dö- redijilik toparlary, meşhur horeografiýa we folklor toparlary, belli estrada aýdymçylary we halk bag- şylary, ýaşajyk artistler mährem zenanlaryň hormatyna öz ussatlyklaryny görkezdiler. Bulardan başga hem Aşgabatda Halkara zenanlar güni mynasybetli dabaraly çäreler geçirildi, olara Mejlisiň, ministrlikleriň we pudak edaralarynyň, jemgyýetçilik guramalarynyň ýolbaşçylary gatnaşdylar. Çäreleriň çäklerinde döwlet Baştutanymyzyň tabşyrygy boýunça sekiz we ondan hem köp perzendi dünýä inderen we terbiýeläp ýetişdiren, Türkmenistanyň Prezidentiniň Permany bilen “Ene mähri” diýen hormatly atlara mynasyp bolan eneleri sarpalamak çäreleri guraldy, köp çagaly maşgalalara ähli amatlyklary bolan täze öýleriň açarlary gowşuryldy. Şu gezekki dabaralar baýramçylyk çäreleriniň hatarynda ýatdan çykmajak waka öwrüldi. Şu ýyl Türkmenistanyň Prezidentiniň Permany bilen enelerimiziň iki ýüz segsenden gowragy “Ene mähri” diýen hormatly ada mynasyp boldular. Bellenilişi ýaly, köp çagaly maşgalalary hemmetaraplaýyn goldamak, şol sanda olaryň ýaşaýyş- durmuş şertlerini gowulandyrmak döwletimiziň baş aladasydyr. Halkara zenanlar güni mynasybetli köp çagaly maşgalalaryň nobatdaky topary belent ýaşaýyş jaýynda ýerleşýän ähli amatlyklary bolan täze giň öýleriň açarlaryny aldylar, olar uly ruhubelentlik ýagdaýynda jaý toýlaryny tutdular. Halkara zenanlar gününiň öň ýanynda ähli ministrliklerde, pudak edaralarynda, olaryň düzüm böleklerinde, edaralarda we guramalarda, eýeçiligiň dürli görnüşli kärhanalarynda hormatly Prezidentimiziň adyndan aýal-gyzlara pul sowgatlaryny gow- şurmak dabaralary geçirildi. Däbe görä pul sowgatlary aýal-gyzlaryň ählisine, şol sanda talyplara, mekdep okuwçylaryna we mekdebe çenli çagalar edaralarynda terbiýelenýän gyzjagazlara gowşuryldy. Ýurdumyzyň zenanlaryny ajaýyp baýramy bilen gutlap, döwlet Baştutanymyz olara “Goý, halkymyzyň ýürek guwanjy, maşgala daýanjy hem-de mertebesi bolan mähriban enelerimiziň we gelingyzlarymyzyň güler ýüzleri elmydama bahar ýaly nurana bolsun!” diýip, arzuw etdi.