Dünýäniň iň abraýly ulag ýaryşlarynyň biri bolan Formula 1 bäsleşiginiň täze möwsümine ertir badalga berler. 20 ýaryşdan ybarat dünýä çempionaty Awstraliýanyň Melburn şäherinden başlanyp, 26-njy noýabrda-da Abu Dabide tamamlanar. Çempionata 10 topar gatnaşyp, olaryň hersinden 2, jemi 22 sürüji özara bäsleşer. Geçen ýyl 11 topar çykyş edipdi. Täze möwsümde “Manor” topary ýaryşa goşulmaz. Şeýle-de bu ýyl Germaniýa “Gran Prisi” sanawdan çykaryldy. Geçen ýylyň çempiony Niko Rosbergiň F1 karýerasyny tamamlandygyny ozal habar beripdik. Topar onuň ornuna Waltteri Bottasy transfer edipdi. Şol sanda ulaglara uly bolmadyk tehniki üýtgeşiklikler, şeýle hem täze kiçeňräk düzgünleriň girizilendigini belläliň. Iň esasy üýtgeşiklik bolsa, F1-iň 40 ýyllyk eýesiniň çalyşmagydyr. F1-iň eýeçiliginiň Berni Ekklestoundan ABŞ-nyň “Liberty Media” şereketine geçmegi Formula 1-däki iň esasy üýtgeşiklik hasaplanýar. Çempionlygyň esasy dalaşgärleri hökmünde-de Sebastian Wettel bilen Lewis Hamilton görekzilýär.
TOPARLAR …………………………… SÜRÜJILER
“Ferrari” (Italiýa) ………………….. Sebastian Wettel (Germaniýa), Kimi Raikkonen (Finlýandiýa)
“Fors India” (Hindistan) ………… Serhio Perez (Meksika), Esteban Okon (Fransiýa)
“Haas F1” (ABŞ) ……………………. Roman Grožan (Fransiýa), Kewin Magnussen (Daniýa)
“MakLaren” (Beýik Britaniýa) …. Fernando Alonso (Ispaniýa), Stoffel Wandoome (Belgiýa)
“Mersedes” (Germaniýa) ……….. Lewis Hamilton (B. Britaniýa), Waltteri Bottas (Finlýandiýa)
“Red Bull Rasing” (Awstriýa) ….. Daniel Rikkiardo (Awstraliýa), Maks Werstappen (Gollandiýa)
“Reno” (Fransiýa) …………………. Niko Hulkenberg (Germaniýa), Jolýon Palmer (B. Britaniýa)
“Sauber” (Şweýsariýa) ………….. Markus Eriksson (Şwesiýa), Paskal Werleýn (Braziliýa)
“Toro Rosso” (Italiýa) ……………. Daniýl Kwýat (Russiýa), Karlos Sains Junior (Ispaniýa)
“Williams” (Beýik Britaniýa) ….. Lans Stroll (Kanada), Felipe Massa (Braziliýa)
