2018-nji ýyl­da Rus­si­ýa­da ge­çi­ril­jek 21-nji Dün­ýä Ku­bo­gy­nyň saý­la­ma tap­gy­ry­nyň oýun­la­ry Af­ri­ka­dan baş­ga äh­li yk­lym­da do­wam et­di. UEFA zo­la­gyn­da 5-nji oýun­lar oý­nalyp, Şwe­ýsa­ri­ýa bi­len Ger­ma­ni­ýa bu tap­gyr­da-da ýe­ňiş ga­zandy.
“A” to­par­ça­da sa­na­wyň li­de­ri Fran­si­ýa myh­man­çy­lyk­da Lük­sem­bur­gy Ži­ru (2) we Griz­man­nyň gol­la­ry bi­len 3–1 ha­sa­byn­da ýeň­di. Şwed­le­r öz meý­dan­ça­syn­da Be­la­rus­dan 4–0 ha­sa­byn­da üs­tün çyk­dy. De­le­wiň 2 go­ly esa­syn­da Bol­ga­ri­ýa­dan 2–0 ha­sa­byn­da utu­lan Gol­lan­di­ýa­da tä­lim­çi Dan­ni Blind we­zi­pe­sin­den bo­şa­dyl­dy. To­par 5 oýun­da 7 utuk top­lap, Dün­ýä Ku­bo­gy­na gat­naş­mak müm­kin­çi­li­gi­ni ju­da azalt­dy. “B” to­par­ça­da sa­na­wyň li­de­ri Şweý­sa­ri­ýa Lat­wi­ýa­ny iň ki­çi ha­sap bi­len, ýag­ny 1–0 ha­sa­byn­da ýeň­di. Öz meý­dan­ça­syn­da Fa­rer ada­la­ry bi­len deň­me-deň oý­nan An­dor­ra­nyň ýy­gyn­dy­sy bas­syr 58 du­şu­şyk­dan soň, il­kin­ji utu­gy­ny ga­zan­dy. Ýew­ro­pa­nyň soň­ky çem­pio­ny Por­tu­ga­li­ýa Lis­sa­bon­da Weng­ri­ýa­dan 3–0 ha­sa­byn­da üs­tün çyk­dy. Oýun­da 2 ge­zek ta­pa­wut­la­nan Kris­tia­no Ro­nal­do­nyň mil­li to­par­da­ky gol­la­ry­nyň sa­ny 70-e ýe­t­di we Ger­d Mül­ler­den öňe saý­lan­dy. Su­per ýyl­dyz hep­dä­niň si­şen­be gü­nün­de to­pa­ry­nyň Şwe­si­ýa bi­len ge­çi­ren ýol­daş­lyk du­şu­şy­gyn­da-da 1 gol ge­çir­di. Şun­luk­da, 138-nji oý­nun­da 71-nji pök­gü­si­ni ge­çi­ren Ro­nal­do bu ugur­da 3-nji hatarda barýan Mi­ros­law Klo­ze (137 oýun­da 71 gol) bi­len deň­le­şdi. 32 ýa­şly Ronaldo hä­zi­re çen­li dün­ýä­de 33 ýy­gyn­dy to­pa­ryň der­we­ze­sin­den gol ge­çir­di. Şo­la­ryň ha­ta­ryn­da Bra­zi­li­ýa­dyr Ita­li­ýa, Ger­ma­ni­ýa, Ang­li­ýa, Fran­si­ýa we Is­pa­ni­ýa ýa­ly ýy­gyn­dy­la­ryň ýok­du­gy aý­ra­tyn bel­lär­lik­li­dir. Mil­li ýy­gyn­dy­da gol ge­çir­mek­de Ýew­ro­pa­da weng­ri­ýa­ly ro­wa­ýa­ty oýun­çy­lar Fe­renç Puş­kaş (89 oýun­da 84 gol) bi­len San­dor Ko­çiş (68 oýun­da 75 gol) 1–2-nji or­ny eýe­le­se, dün­ýä­de eý­ran­ly Ali Dai 109 top (149 oýun­da) bi­len sa­na­wyň ba­şy­ny çek­ýär.
“C” to­par­ça­da 4 oýun­da gol ge­çirt­me­dik soň­ky çem­pi­on Ger­ma­ni­ýa­nyň ýy­gyn­dy­sy myh­man­çy­lyk­da Azer­baý­ja­nyň mil­li to­pa­ry­ny 4–1 ha­sa­byn­da ýeň­di. Myh­man­la­ryň gol­la­ry­ny Şürr­le (2), Mül­ler we Go­mez ge­çir­di. Çeh­ler myh­man­çy­lyk­da San Ma­ri­no­nyň to­run­dan jo­gap­syz 6 pök­gi gi­riz­di. Oýun­da Ba­rak we Da­ri­da 2 go­ly öz ady­na ýaz­dyr­dy. Ward we Wa­şing­to­nyň pök­gü­le­ri bi­len Nor­we­gi­ýa­ny 2–0 ha­sa­byn­da ýe­ňen 2-nji ha­tar­da­ky De­mir­ga­zyk Ir­lan­di­ýa ornu­ny sak­la­dy. Bu ne­ti­je­den soň, nor­weg­ler üçin Rus­si­ýa­da­ky çem­pio­na­ta gat­naş­mak ju­da kyn bol­sa ge­rek.

BUF­FO­NYŇ 1000-nji DUŞUŞYGY
“D” to­par­ça­da Ser­bi­ýa Gru­zi­ýa­ny 3–1, Awst­ri­ýa-da Mol­do­wa­ny 2–1 ha­sa­byn­da ut­dy. Bri­tan der­bi­sin­de-de Ir­lan­di­ýa bi­len Uels 0–0 ha­sa­byn­da deň­me-deň oý­na­dy. “E” to­par­ça­da myh­man­çy­lyk­da Ga­ra­da­gy Le­wan­dows­ki we Piş­şe­giň gol­la­ry bi­len 2–1 ha­sa­byn­da ýe­ňen Pol­şa ep-es­li ara­ny aç­dy. 2-nji ýer ug­run­da gö­reş­ýän Ru­my­ni­ýa bi­len Da­ni­ýa­nyň ara­syn­da­ky oýun­da-da ha­sap açyl­ma­dy. “F” to­par­ça­da Ang­li­ýa gol ge­çirt­män gelýär. Olar Lit­wa­dan De­fo we War­di­niň gol­la­ry bi­len 2–0 ha­sa­byn­da üs­tün çyk­dy. 2-nji ýer­dä­ki Slo­wa­ki­ýa Mal­ta­ny 3–1 utan bol­sa, Şot­lan­di­ýa öz meý­dan­ça­syn­da Slo­we­ni­ýa­ny 88-nji mi­nut­da Kris Mar­ti­niň ge­çi­ren go­ly bi­len 1–0 ha­sa­byn­da ýe­ňip, ikin­ji­lik ug­run­da az-ow­lak umyt­lan­dy. “G” to­par­ça­da Is­pa­ni­ýanyň milli topary Ys­ra­ýy­lyň ýy­gyn­dy­sy­ny 4–1 ha­sa­byn­da ut­dy. Her ýa­rym­da 2 gol sa­lan ma­ta­dor­la­ryň adyn­dan Die­go Sil­wa, Wi­to­lo, Die­go Kos­ta we Is­ko ta­pa­wut­lan­dy. 2 utuk yz­da bar­ýan Ita­li­ýa­nyň mil­li to­pa­ry öz meý­dan­ça­syn­da Al­ba­ni­ýa­dan 2–0 ha­sa­byn­da üs­tün çyk­dy. Gol­la­ry De Ros­si (p) bi­len Im­mo­bi­le der­we­zä gi­riz­di. Du­şu­şyk­da Ita­li­ýa­nyň der­we­ze­si­ni go­ran 39 ýaş­ly Ji­an­lui­ji Buf­fon kar­ýe­ra­syn­da­ky 1000-nji du­şu­şy­gy­ny ge­çir­di (“Par­ma­da” 220, “Ýu­wen­tus­da” 612 oýun). Ita­li­ýa­nyň ýy­gyn­dy­sy bi­len 168-nji ge­zek meý­dan­ça çy­kan Buf­fon Ýew­ro­pa­da iň köp mil­li to­par­da oý­nan fut­bol­çy di­ýen ady Iker Ka­sil­ýas­dan (167) al­ma­gy ba­şar­dy. “H” to­par­ça­da Bel­gi­ýa öz meý­dan­ça­syn­da Gre­si­ýa bi­len 1–1 ha­sa­byn­da deň­me-deň oý­na­dy. Bos­ni­ýa tä­ze we­kil Gib­ral­ta­ryň to­run­dan jo­gap­syz 5 pök­gi gi­ri­zip, ola­ryň 2-si­ni Ibi­şe­wiç öz ady­na ýaz­dyr­dy. “I” to­par­ça­da Hor­wa­ti­ýa Uk­rai­na­ny 1–0, Is­lan­di­ýa Ko­so­wo­ny 2–1, Tür­ki­ýe-de Finl­ýan­di­ýa­ny 2–0 ha­sa­byn­da ut­dy.

Gyzykly bolup bilerЕЩЕ ОТ АВТОРА