Ýurdumyzyň futbol çempionatynda 5-nji tapgyryň oýunlary oýnaldy. 5 duşuşykda 10 pökgi hasaba alyndy. 3 oýunda ýer eýeleri, 1 oýunda myhmanlar ýeňiş gazanan bolsa, 1 duşuşykda hasap açylmady. Tapgyryň merkezi duşuşygynda sanawyň lideri “Ahal” bilen soňky çempion “Altyn asyr” klublary duşuşdy. Çekeleşikli geçen duşuşykda “Altyn asyr” 2–1 hasabynda ýeňiş gazandy. Myhmanlara ýeňiş getiren gollaryň 2-sini hem Elman Tagaýew derwezä girizdi. Maryda ýerli derbide “Merw” bilen “Energetik” duşuşdy. Onda “Merw” 2–1 hasabynda ýeňşini baýram etdi. Duşuşykda Merwiň gollaryny Toýly Goçnazarow bilen Maksat Atagarryýew, myhmanlaryň topuny-da Alibek Abdyrahmanow öz adyna ýazdyrdy. Şonuň ýaly-da başga bir ýerli derbide “Şagadam” bilen “Balkanyň” arasyndaky oýunda hasap açylmady. Birmeňzeş netijelenen duşuşyklarda “Aşgabat” “Köpetdagy”, “Ýedigen” hem “Turany” 2–0 hasabynda utdy. “Aşgabat” toparynyň gollaryny Guwanç Abylow bilen Gahrymanberdi Çonkaýew, ilkinji ýeňşini gazanan “Ýedigen” klubunyň 2 pökgüsini-de Hemra Amanmämmedow derwezä saldy.
5-nji tapgyryň netijeleri: “Ahal”–“Altyn asyr”: 1–2, “Şagadam”–“Balkan”: 0–0, “Merw”–“Energetik”: 2–1, “Ýedigen”–“Turan”: 2–0, “Aşgabat”–“Köpetdag”: 2–0.

“AL­TYN ASYR” “AL-WEH­DA­TY” KA­BUL EDER
Hep­dä­niň si­şen­be gü­ni ýur­du­my­zyň çem­pio­ny “Al­tyn asyr” AFK Ku­bo­gy­nyň çäk­le­rin­de Aş­ga­bat­da Ior­da­ni­ýa­nyň “Al-Weh­dat” to­pa­ry­ny ka­bul eder. Mä­lim bol­şy ýa­ly, myh­man­çy­lyk­da oýun­da 1–1 ha­sa­byn­da deň­lik­de gu­ta­ryp­dy. “Köpetdag” stadionynda boljak du­şu­şyk 17:00-da baş­la­nar.

Gyzykly bolup bilerЕЩЕ ОТ АВТОРА