17-nji ap­rel­de hor­mat­ly Pre­zi­den­ti­miz Gurbanguly Berdimuhamedow Eý­ran Ys­lam Res­pub­li­ka­sy­nyň da­şa­ry iş­ler mi­nist­ri Mo­ham­mad Ja­wad Za­ri­fi ka­bul et­di.
Du­şu­şy­gyň do­wa­myn­da bir­nä­çe esa­sy ugur­lar­da, il­kin­ji no­bat­da, äh­lu­mu­my ener­ge­ti­ka howp­suz­ly­gy­ny üp­jün et­mek hem-de hä­zir­ki za­man ulag dü­zü­mi­ni ke­ma­la ge­tir­mek bo­ýun­ça ýan­gyç-ener­ge­ti­ka we ulag-ara­gat­na­şyk ul­ga­my­ny goş­mak bi­len, esa­sy ugur­lar­da hyz­mat­daş­ly­gyň hä­zir­ki ýag­da­ýy hem-de ony ös­dür­me­giň gel­je­gi ba­ra­da gy­zyk­lan­ma bil­di­ri­len pi­kir alyş­ma­lar bol­dy.
Bu ul­gam­lar­da bi­ziň ýurt­la­ry­myz bi­le­lik­de iş­le­me­giň uly tej­ri­be­si­ni top­la­dy­lar.
Me­de­ni-yn­san­per­wer ul­gam­da iki­ta­rap­la­ýyn ara­gat­na­şyk­la­ry pug­ta­lan­dyr­ma­gyň wa­jyp­dy­gy hem nyg­tal­dy. Mu­nuň şeý­le bol­ma­gy­na Me­de­ni­ýet gün­le­ri­niň hem-de beý­le­ki çä­re­le­riň öza­ra ge­çi­ril­me­gi gö­nü­den-gö­ni hyz­mat ed­ýär. Äh­lu­mu­my howp­suz­ly­gyň, pa­ra­hat­çy­ly­gyň hem-de dur­nuk­ly­ly­gyň üp­jün edil­me­gi­ni iki ta­ra­pyň mak­sat edin­ýän­di­gi na­za­ra al­nyp, öza­ra gy­zyk­lan­ma dö­red­ýän mö­hüm hal­ka­ra we se­bit me­se­le­le­ri bo­ýun­ça goň­şy ýurt­la­ryň mun­dan beý­läk-de öza­ra he­re­ket et­me­gi­niň ugur­la­ry söh­bet­deş­li­giň aý­ra­tyn me­se­le­si bol­dy.
Şol gün Türk­me­nis­ta­nyň Da­şa­ry iş­ler mi­nistr­li­gi­niň bi­na­syn­da Türk­me­nis­ta­nyň we Eý­ran Ys­lam Res­pub­li­ka­sy­nyň Da­şa­ry iş­ler mi­nistr­lik­le­ri­niň ara­syn­da sy­ýa­sy ge­ňeş­me­ler ge­çi­ril­di. Eý­ra­nyň we­ki­li­ýe­ti­ne Eý­ran Ys­lam Res­pub­li­ka­sy­nyň Da­şa­ry iş­ler mi­nist­ri Mo­ham­mad Ja­wad Za­rif baş­tu­tan­lyk et­di.
Ge­ňeş­me­le­riň bar­şyn­da ta­rap­lar sy­ýa­sy, söw­da-yk­dy­sa­dy we me­de­ni-yn­san­per­wer ul­gam­la­ryn­da hyz­mat­daş­lyk et­mek me­se­le­le­ri­ni ara alyp mas­la­hat­laş­dy­lar.

Gyzykly bolup bilerЕЩЕ ОТ АВТОРА