Paý­tag­ty­myz Aş­ga­bat­da­ky Olim­pi­ýa şä­her­ji­gi­niň sö­weş sun­gat­la­ry top­lu­myn­da agyr at­le­ti­ka bo­ýun­ça Azi­ýa­nyň çem­pio­na­ty ýo­ka­ry dep­gin­de do­wam ed­ýär. Oňa Ýa­po­ni­ýa­dan, Hy­taý­dan, Ko­re­ýa Res­pub­li­ka­syn­dan, KHDR-den, Oman­dan, Ku­weýt­den, Ior­da­ni­ýa­dan, Si­ri­ýa­dan, Yrak­dan — je­mi 30-dan gow­rak ýurt­dan agyr at­le­ti­ka­çy­la­ryň 200-e go­la­ýy gat­naş­ýar. Ýa­ry­şyň il­kin­ji gü­nün­de Türk­me­nis­ta­nyň ýy­gyn­dy to­pa­ry­nyň ag­za­sy Ýul­duz Ju­ma­ba­ýe­wa 2 bü­rünç me­da­la my­na­syp bol­dy. Ol 48 ki­log­ra­ma çen­li ag­ram­da çy­kyş edip, bu üs­tün­li­gi itek­läp gö­ter­mek (93 ki­log­ram) we sil­kip gö­ter­me­giň 2 gör­nü­şi­niň je­mi (165 ki­log­ram) ne­ti­je­sin­de ga­zan­dy. Ýul­du­zyň agyr at­le­ti­ka­nyň iki ug­ru­nyň ne­ti­je­le­ri bo­ýun­ça Azi­ýa çem­pio­na­ty­nyň me­da­ly­na my­na­syp bo­lan il­kin­ji türk­men agyr at­le­ti­ka­çy ze­na­ny­dy­gyny bel­le­mek ge­rek.
Ze­nan­la­ryň ara­syn­da 53 ki­log­ra­ma çen­li ag­ram de­re­je­de çy­kyş eden Kris­ti­na Şer­me­to­wa 2 bü­rünç medalyny ga­zan­dy. Ol itek­läp gö­ter­mek­de 104 ki­log­ra­my gal­dyr­ma­gy ba­şar­dy, 2 gör­nü­şiň je­mi bo­ýun­ça-da 182 ki­log­ram ne­ti­jä­ni gör­kez­di. Şeý­le hem, il­de­şi­miz öň­ki go­ýan şah­sy re­kor­dy­ny itek­läp gö­ter­mek­de 4 ki­log­ram ýo­kar­lan­dyr­dy.
Er­kek­le­riň ara­syn­da Re­jep­baý Re­je­bow 77 ki­log­ra­ma çen­li ag­ram de­re­je­de çy­kyş edip, sil­kip gö­ter­mek usu­lyn­da 158 ki­log­ram ag­ra­my gö­te­rip, ne­ti­je­de iki usu­lyň je­mi bo­ýun­ça 343 ki­log­ram gör­ke­zi­ji bi­len 2-nji or­ny eýe­le­di. Itek­läp gö­ter­mek­de ol 185 ki­log­ram bi­len bü­rünç me­da­ly eýe­le­di. Agyr at­le­ti­ka bo­ýun­ça Azi­ýa çem­pio­na­ty şu gün ta­mam­la­nar.
* * *
Olim­pi­ýa şä­her­ji­gi­niň aja­ýyp des­ga­la­ryn­da hal­ka­ra ýa­ryş­la­ryň ýene-de bi­ri – suw­da ýüz­mek bo­ýun­ça Azi­ýa çem­pio­na­ty ge­çi­ril­di. 26–27-nji ap­rel­de ge­çi­ri­len bu hal­ka­ra ýa­ry­şa yk­ly­myň on­lar­ça ýur­dun­dan 100-e go­laý tür­gen gat­naş­dy. Ýa­ryş­lar 50 we 100 metr ara­lyk­lar­da ge­çi­ril­di. Il­deş­le­ri­miz spor­tuň bu gör­nü­şi­niň 4 ug­ry – ar­kan­ly­gy­na ýüz­mek, er­kin usul, brass we bat­terf­laý hem-de top­lum­la­ýyn es­ta­fe­ta bo­ýun­ça bäs­leş­di­ler. Suw­da ýüz­mek bo­ýun­ça Azi­ýa çem­pio­na­tyn­da türk­men tür­gen­le­ri 11 medal gazanyp (2 altyn, 6 kümüş, 3 bürünç) umumy sanawda 4-nji orny eýelediler. Bäsleşigiň soňky gününde Mer­dan Ata­ýew 50 metr ara­ly­ga ar­kan ýüz­mek­de al­tyn me­dal ga­zan­dy. Türk­men ýü­zü­ji­le­ri er­kek­le­riň ara­syn­da 4×100 metr ara­lyk­da top­lum­la­ýyn es­ta­fe­ta­da kü­müş me­da­la eýe­lik et­di­ler. Dar­ýa Sem­ýo­no­wa-da 2 kü­müş me­dal ga­zan­dy. Ol 50 metr ara­ly­ga ar­kan ýüz­mek­de 2-nji or­ny eýe­le­di. Şeý­le hem, 15 ýaş­ly ýü­zü­ji­miz 4×50 metr top­lum­la­ýyn es­ta­fe­ta­da wi­se-çem­pi­on bo­lan ýy­gyn­dy­my­zyň ha­ta­ryn­da çy­kyş et­di. D. Sem­ýo­no­wa brass usu­lyn­da-da bü­rünç me­da­lyň eýe­si bol­dy. Eneş Beg­my­ra­do­wa hem 100 metr ara­ly­gy ar­kan­ly­gy­na ýüz­mek­de mün­be­riň 3-nji bas­gan­ça­gy­na çyk­dy.
* * *
Kik­bok­sing bo­ýun­ça Azi­ýa­nyň çem­pio­na­ty­na 17 ýurt­dan – Gü­nor­ta Ko­re­ýa­dan, Hin­dis­tan­dan, Ma­laý­zi­ýa­dan, Si­ri­ýa­dan, Täjigistandan, Makaodan, Yrak­dan, Ne­pal­dan… 300-e go­laý tür­gen gat­naş­ýar. Ýa­ryş­lar 6 ugur – point-paý­ting, se­mi-kon­takt, kik-laýt, lou-kik, full-kon­takt we ýe­ke­lik­de ýe­ri­ne ýe­ti­ril­ýän maşk­lar bo­ýun­ça ge­çi­ril­ýär. Çär­ýek fi­nal bäs­le­şik­le­ri­ni üs­tün­lik­li ta­mam­lan il­deş­le­ri­mi­ziň ag­la­ba­sy iň pe­sin­den bü­rünç me­dal alar­lar. Kik­bok­sing bo­ýun­ça Azi­ýa çem­pio­na­ty er­tir, ýagny 30-njy ap­rel­de ta­mam­la­nar.

Gyzykly bolup bilerЕЩЕ ОТ АВТОРА