Şu ýy­lyň 18-nji ma­ýyn­da hor­mat­ly Pre­zi­den­ti­miz Gurbanguly Berdimuhamedow Mi­nistr­ler Ka­bi­ne­ti­niň we Döw­let howp­suz­lyk ge­ňe­şi­niň bi­le­lik­dä­ki mej­li­si­ni ge­çir­di. Mej­lis­de ýur­du­my­zyň içe­ri we da­şa­ry sy­ýa­sa­ty­nyň mö­hüm me­se­le­le­ri­ne, hal­ka­ra gat­na­şyk­la­ry ös­dür­me­giň ugur­la­ry­na, mö­hüm çä­re­le­re we iri pu­dak­la­ýyn mas­la­hat­la­ra gö­rül­ýän taý­ýar­lyk iş­le­ri­niň bar­şy­na se­re­dil­di.
Döw­let Baş­tu­ta­ny­myz mej­li­siň gün ter­ti­bi­ni yg­lan edip, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry­na söz ber­di. Olar öz­le­ri­niň gö­zeg­çi­lik ed­ýän ugur­la­ryn­da­ky iş­ler ba­ra­da ha­sa­bat bi­len çy­kyş et­di­ler.
Şol ha­sa­bat­lar­da bel­le­ni­şi ýa­ly, Türk­me­nis­ta­nyň 2018-nji ýyl üçin Döw­let býu­je­ti­niň tas­la­ma­sy­ny taý­ýar­la­mak bo­ýun­ça iş­ler al­nyp ba­ryl­ýar. Hä­zir­ki dö­wür­de mi­nistr­lik­ler, pu­dak eda­ra­la­ry we hä­kim­lik­ler bi­len bi­le­lik­de de­giş­li mag­lu­mat­la­ry we ýur­du­my­zyň baş ma­li­ýe res­mi­na­ma­sy­ny taý­ýar­la­mak­da ze­rur bo­lan ha­sap­la­ma­la­ry taý­ýar­la­ma­gyň ter­ti­bi iş­le­nip taý­ýar­la­nyl­dy, res­mi­na­ma­la­ry tab­şyr­ma­gyň anyk möh­let­le­ri kes­git­len­di.
Şu ýy­lyň 23-24-nji ma­ýyn­da “Awa­za” mil­li sy­ýa­hat­çy­lyk zo­la­gyn­da Türk­me­nis­ta­nyň VIII hal­ka­ra Gaz kong­re­si hem-de hal­ka­ra ser­gi ge­çi­ri­ler. Gaz kong­re­si­niň gün ter­ti­bi­ne türk­men te­bi­gy ga­zy­nyň eks­por­tu­nyň ugur­la­ry­ny di­wer­si­fi­ka­si­ýa­laş­dyr­mak, döw­le­ta­ra gaz ge­çi­ri­ji­le­ri gur­mak, ýur­du­my­za ma­ýa go­ýum­la­ry çek­mek üçin dö­re­di­len şert­ler we müm­kin­çi­lik­ler, daş­ky gur­şa­wy go­ra­mak bo­ýun­ça Türk­me­nis­ta­nyň Pre­zi­den­ti­niň hal­ka­ra baş­lan­gyç­la­ry, dün­ýä gaz ba­za­ry­nyň hä­zir­ki ýag­da­ýy we gel­jek­ki müm­kin­çi­lik­le­ri ba­ra­da­ky me­se­le­ler gi­ri­zi­ler.
Mej­li­siň çäk­le­rin­de türk­men paý­tag­ty­ny aba­dan­laş­dyr­mak, Ha­zar deň­zi­niň ke­na­ryn­da to­mus­ky dynç alyş möw­sü­mi­ne gö­rül­ýän taý­ýar­lyk iş­leri bo­ýun­ça ha­sa­bat­lar diň­le­nil­di. Şeý­le hem Aş­ga­bat şä­he­rin­de Türk­men-be­la­rus işe­wür­ler mas­la­ha­ty­ny ge­çir­mä­ge gö­rül­ýän taý­ýar­lyk hem-de “Söw­da we hyz­mat – 2017”at­ly ser­gi-ýar­mar­ka­ny ge­çir­mek bi­len bag­la­ny­şyk­ly al­nyp ba­ryl­ýan iş­ler ba­ra­da ha­sa­bat ber­ildi. Beý­le­ki ýurt­lar bi­len söw­da-yk­dy­sa­dy gat­na­şyk­la­ry gi­ňelt­mek mak­sa­dy bi­len, Türk­men-be­la­rus işe­wür­ler mas­la­ha­tyn­da oba we je­ma­gat ho­ja­ly­gy, aw­to­mo­bil gur­lu­şy­gy, elekt­rik en­jam­la­ry­ny, gur­lu­şyk se­riş­de­le­ri­ni, dur­muş­da ula­nyl­ýan teh­ni­ka­la­ry hem-de azyk önüm­le­ri­ni ön­dür­mek hem-de res­mi­na­ma­la­ry taý­ýar­la­ma­gyň ýo­ka­ry teh­no­lo­gi­ýa­la­ry ul­gam­la­ryn­da we beý­le­ki ugur­lar­da hyz­mat­daş­lyk et­me­giň me­se­le­le­ri ara al­nyp mas­la­hat­la­şy­lar.
Mun­dan baş­ga-da Türk­men ha­ly­sy­nyň baý­ram­çy­ly­gy­na gö­rül­ýän taý­ýar­lyk iş­le­ri, bu şan­ly se­ne my­na­sy­bet­li her ýyl­da ge­çi­ril­ýän “Gö­zel­lik nus­ga­sy – türk­men ha­ly­sy” at­ly Hal­ka­ra ser­gi­ni we onuň çäk­le­rin­de Türk­men ha­ly­şy­nas­la­ry­nyň bü­tin­dün­ýä jem­gy­ýe­ti­niň XVII mas­la­ha­ty­ny ge­çir­mek bo­ýun­ça me­ýil­leş­di­ri­len çä­re­ler ba­ra­da ha­sa­bat be­ril­di.
Şeý­le hem şu ýy­lyň 29–31-nji ma­ýyn­da Tä­ji­gis­tan Res­pub­li­ka­sy­nyň Türk­me­nis­tan­da­ky Me­de­ni­ýet gün­le­ri­ni ge­çir­mä­ge gö­rül­ýän taý­ýar­lyk iş­le­ri ba­ra­da gür­rüň edil­di. Dö­re­di­ji­lik fo­ru­myň çäk­le­rin­de kon­sert­ler, film­le­riň gör­ke­zi­li­şi, su­rat­keş­le­riň, şe­kil­len­di­riş sun­ga­ty eser­le­ri­niň, ne­şir önüm­le­ri­niň ser­gi­si gu­ra­lar.
Bu­lar­dan baş­ga-da möw­süm­le­ýin oba ho­ja­lyk iş­le­ri­niň al­nyp bar­ly­şy we gal­la ora­gy­na taý­ýar­lyk gör­lü­şi ba­ra­da ha­sa­bat­lar be­ril­di.
Mej­li­siň bar­şyn­da türk­men we­ki­li­ýe­ti­niň Mol­do­wa Res­pub­li­ka­sy­na iş sa­pa­ry­nyň jem­le­ri ba­ra­da ha­sa­bat be­ril­di. Türk­me­nis­ta­nyň we­ki­li­ýe­ti hor­mat­ly Pre­zi­den­ti­mi­ziň baş­lan­gy­jy bo­ýun­ça do­gan­lyk hal­ky­na sow­gat hök­mün­de Mol­do­wa Res­pub­li­ka­sy­nyň Ga­gau­zi­ýa Aw­to­nom-çäk bir­li­gi­niň Wul­ka­neşt et­ra­by­nyň Çiş­mi­ki­oý oba­syn­da bi­na edi­len “Dost­luk” ça­ga­lar ba­gy­nyň açy­lyş da­ba­ra­sy­na gat­naş­dy.
Mä­lim bol­şy ýa­ly, bu des­ga­ny gur­mak ba­ra­da­ky baş­lan­gyç mil­li Li­de­ri­miz ta­ra­pyn­dan 2013-nji ýyl­da dost­luk­ly ýur­da ama­la aşy­ran res­mi sa­pa­ry­nyň bar­şyn­da öňe sü­rül­di. Tä­ze mek­de­be çen­li ça­ga­lar eda­ra­sy­nyň açy­lyş da­ba­ra­sy­na Mol­do­wa Res­pub­li­ka­sy­nyň Pre­zi­den­ti Igor Do­don we Ga­gau­zi­ýa Aw­to­nom-çäk bir­li­gi­niň baş­tu­ta­ny Iri­na Wlah gat­naş­dy­lar, olar türk­men Li­de­ri­niň ady­na şeý­le aja­ýyp sow­gat üçin çuň­ňur ho­şal­lyk­la­ry­ny be­ýan et­di­ler.
Bel­le­ni­li­şi ýa­ly, dur­muş dü­zü­mi­niň bu mö­hüm des­ga­sy iki döw­le­tiň we halk­la­ryň ara­syn­da­ky dost­lu­gyň aý­dyň my­sa­ly­dyr. Şun­da aba­dan­laş­dy­ry­ly­şy hem-de ça­ga­la­ryň saz­la­şyk­ly ös­me­gi üçin ze­rur bo­lan äh­li şert­le­riň dö­re­di­liş de­re­je­si ba­ba­tyn­da bu aja­ýyp hä­zir­ki za­man ça­ga­lar ba­gy­na deň gel­ýän şu­nuň ýa­ly des­ga­nyň tu­tuş Mol­do­wa­da ýok­du­gy bel­le­nil­di.
Şu­nuň bi­len bag­ly­lyk­da, ýe­ne bir aý­dyň my­sa­ly ge­tir­mek bo­lar.

Ozal ha­bar ber­li­şi ýa­ly, Ýe­ňiş gü­nü­niň öň ýa­nyn­da Mol­do­wa­nyň De­la­keu oba­syn­da (No­woa­nen ra­ýo­ny) türk­men hyz­mat­daş­la­ry ta­ra­pyn­dan uruş­da we­pat bo­lan es­ger­le­riň do­gan­lyk gub­run­da­ky Ýa­dy­gär­lik düýp­li abat­la­nyl­dy. Bu ýer­de 1944-nji ýy­lyň 4-nji ma­ýyn­da Mol­do­wa­ny azat et­mek ug­run­da­ky sö­weş­le­riň bi­rin­de meş­hur türk­men ýa­zy­jy­sy Nur­my­rat Sa­ry­ha­now we­pat bol­dy, ol 299-njy Har­kow aty­jy­lyk di­wi­zi­ýa­sy­nyň Bog­dan Hmel­nis­kiý or­den­li 958-nji aty­jy­lyk pol­kun­da gul­luk edip­dir.
Şeý­le hem 19-20-nji maý­da Öz­be­gis­tan Res­pub­li­ka­sy­nyň Pre­zi­den­ti Şaw­kat Mir­zi­ýo­ýe­wiň ýur­du­my­za bol­jak iş sa­pa­ry­na gö­rül­ýän taý­ýar­lyk ba­ra­da ha­bar be­ril­di. Ýo­ka­ry de­re­je­dä­ki no­bat­da­ky gep­le­şik­le­riň gün ter­ti­bi­ne iki döw­le­tiň we hal­kyň aba­dan­çy­ly­gy­ny üp­jün et­me­giň mak­sat­la­ry­na la­ýyk gel­ýän türk­men-öz­bek hyz­mat­daş­ly­gy­nyň giň me­se­le­ler top­lu­my gi­ri­zi­ler.
Bel­le­ni­li­şi ýa­ly, 13-nji maý­da Mej­li­siň no­bat­da­ky mas­la­ha­ty ge­çi­ril­di. Onuň do­wa­myn­da pa­ra­hor­luk we kor­rup­si­ýa ýa­ly jem­gy­ýet­dä­ki ýa­ra­maz ýag­daý­la­ry ýok et­mä­ge we ola­ra gar­şy gö­reş­mek bo­ýun­ça de­giş­li Mak­sat­na­ma­ny iş­läp taý­ýar­la­ma­ga gö­nük­di­ri­len top­lum­la­ýyn çä­re­ler ara al­nyp mas­la­hat­la­şyl­dy. Mu­nuň özi Türk­me­nis­ta­nyň döw­let gur­lu­şy stra­te­gi­ýa­sy­nyň mö­hüm bö­le­gi­ne öw­rül­di. Du­şu­şy­gyň bar­şyn­da he­re­ket ed­ýän je­na­ýat ka­nun­çy­ly­gy­ny kä­mil­leş­dir­mek, de­giş­li hu­kuk go­raý­jy eda­ra­la­ryň we­kil­le­ri bi­len mas­la­hat­la­ry we “Döw­let gul­lu­gy ha­kyn­da”, “Döw­let gul­luk­çy­sy­nyň eti­ka­sy we gul­luk­da özü­ni alyp bar­şy ha­kyn­da”, “Kor­rup­si­ýa gar­şy he­re­ket et­mek ha­kyn­da” Türk­me­nis­ta­nyň Ka­nun­la­ry­nyň düz­gün­le­ri­ni dü­şün­dir­mek bo­ýun­ça beý­le­ki çä­re­le­ri ge­çir­mek ba­bat­da öň­de dur­ýan we­zi­pe­ler anyk­laş­dy­ryl­dy.
Mil­li Li­de­ri­miz ýol­baş­çy we­zi­pe­le­re tek­lip edil­ýän adam­lar üçin bil­di­ril­ýän anyk ta­lap­la­ryň bol­ma­ly­dy­gy­ny nyg­tap, Mej­li­siň Baş­ly­gy A.Nur­ber­di­ýe­wa we­zi­pä hö­dür­len­ýä­niň ýa­kyn ga­ryn­daş­la­ry­nyň ka­zy­ýet jo­gap­kär­çi­li­gi­ne çe­kil­män­di­gin­den baş­lap, ola­ryň bi­lim de­re­je­si­niň bel­le­nil­jek we­zi­pe­si­ne la­ýyk gel­ýän­di­gi ba­ra­da ka­nun­çy­lyk esa­syn­da ta­lap­la­ry iş­läp taý­ýar­la­ma­gy tab­şyr­dy. Bu ta­lap­lar eýe­le­ýän we­zi­pe­si­niň ulu­ly­gy­na ýa-da ki­çi­li­gi­ne ga­ra­maz­dan, äh­li ýol­baş­çy­la­ra we ola­ryň orun­ba­sar­la­ry­na de­giş­li bol­ma­ly­dyr di­ýip, döw­let Baş­tu­ta­ny­myz nyg­ta­dy.
Mil­li Li­de­ri­miz wi­se-prem­ýer S.Toý­ly­ýe­we or­ta mek­dep­le­riň, ýo­ka­ry okuw mek­dep­le­ri­niň, Türk­me­nis­ta­nyň Pre­zi­den­ti­niň ýa­nyn­da­ky Döw­let gul­lu­gy aka­de­mi­ýa­sy­nyň okuw mak­sat­na­ma­la­ry­na tä­ze­den se­ret­me­gi tab­şyr­dy. Okuw mak­sat­na­ma­la­ry­na ah­lak ka­da­la­ry, edep-ek­ram­ly­lyk, hu­kuk öw­re­niş bo­ýun­ça sa­pak­lar gi­ri­zil­me­li­dir. Adam ýaş­lyk­dan ula­lan­da jem­gy­ýet­de özü­ni nä­hi­li alyp bar­ma­ly­dy­gy­ny anyk bil­me­li­dir di­ýip, hor­mat­ly Pre­zi­den­ti­miz aýt­dy. Döw­let Baş­tu­ta­ny­myz adam pa­ra­hor­lu­ga ýa-da kor­rup­si­ýa ýüz ur­sa, aý­ra­tyn hem, ze­nan­lar jem­gy­ýe­tiň ah­lak esas­la­ry­ny boz­ýan he­re­ket­le­ri et­se, ola­ryň nä­hi­li jo­gap­kär­çi­li­ge çe­kil­jek­di­gi­ne anyk göz ýe­tir­me­li­di­gi­ni bel­le­di.
Mi­nistr­ler Ka­bi­ne­ti­niň we Döw­let howp­suz­lyk ge­ňe­şi­niň bi­le­lik­dä­ki mej­li­sin­de mö­hüm me­se­le­le­riň baş­ga-da bir­nä­çe­si­ne ga­ral­dy we olar bo­ýun­ça de­giş­li çöz­güt­ler ka­bul edil­di.
Şeý­le hem 18-nji maýda hor­mat­ly Pre­zi­den­ti­miz Kons­ti­tu­si­ýa we Mag­tym­gu­ly Py­ra­gy­nyň şyg­ry­ýet gü­ni my­na­sy­bet­li da­ba­ra­la­ra gat­naş­dy. Şol gün Ga­raş­syz, hemişelik Bi­ta­rap Türk­me­nis­tan­da mil­li se­ne­na­ma­my­zyň iň şan­ly se­ne­le­ri­niň bi­ri – Kons­ti­tu­si­ýa­nyň we Mag­tym­gu­ly Py­ra­gy­nyň şyg­ry­ýet gü­ni bel­le­nil­ýär. Esa­sy Ka­nu­ny­my­zyň ka­bul edi­len gü­nü­ni hem-de Mag­tym­gu­ly Py­ra­gy­nyň şyg­ry­ýet gü­nü­ni bir­leş­dir­ýän äh­li­halk baý­ra­my türk­men hal­ky­nyň ru­hy we de­mok­ra­tik ýö­rel­ge­le­ri­niň do­wa­mat­ly­ly­gy­ny özün­de jem­le­ýär, mil­li bi­te­wü­li­gi hem-de ag­zy­bir­li­gi da­ba­ra­lan­dyr­ýar.
Da­ba­ra­nyň çäk­le­rin­de mil­li Li­de­ri­miz Kons­ti­tu­si­ýa bi­na­sy­nyň ete­gi­ne de­mok­ra­tik, hu­kuk, dün­ýe­wi döw­le­ti­mi­ziň esas­la­ry­nyň mi­ze­mez­li­gi­ni, türk­men hal­ky­nyň je­bis­li­gi­ni we ag­zy­bir­li­gi­ni, onuň eziz Wa­ta­ny­my­zyň ab­ra­ýy­ny we şöh­ra­ty­ny has-da art­dyr­ma­gyň bäh­bi­di­ne be­ýik iş­le­re taý­ýar­dy­gy­ny ala­mat­lan­dyr­ýan aja­ýyp gül çe­me­ni­ni goý­dy. Mil­li Li­de­ri­mi­ziň gö­rel­de­si­ne eýe­rip, Mej­li­siň Baş­ly­gy we hö­kü­met ag­za­la­ry, har­by hem-de hu­kuk go­raý­jy eda­ra­la­ryň ýol­baş­çy­la­ry bi­na­nyň ete­gi­ne aja­ýyp gül des­se­le­ri­ni goý­du­lar. Ola­ra Türk­me­nis­ta­nyň mi­nistr­lik­le­ri­niň we pu­dak eda­ra­la­ry­nyň, jem­gy­ýet­çi­lik gu­ra­ma­la­ry­nyň ýol­baş­çy­la­ry, ýur­du­myz­da iş­le­ýän dip­lo­ma­tik we­kil­ha­na­la­ryň we­kil­le­ri, hor­mat­ly ýa­şu­lu­lar, ta­lyp ýaş­lar, paý­tag­ty­my­zyň köp san­ly ýa­şaý­jy­la­ry hem-de myh­man­la­ry go­şul­dy­lar.
Soň­ra aş­ga­bat­ly­la­ryň hem-de paý­tag­ty­my­zyň myh­man­la­ry­nyň müň­ler­çe­si Mag­tym­gu­ly şa­ýo­lu­nyň ug­run­da, be­ýik türk­men şa­hy­ry­nyň we akyl­da­ry­nyň ýa­dy­gär­li­gi­niň öňün­de ge­çi­ri­len da­ba­ra gat­naş­dy­lar. Hor­mat­ly Pre­zi­den­ti­miz be­ýik türk­men şa­hy­ry­nyň öç­mez-ýit­mez mi­ra­sy­na hor­mat-sar­pa­nyň ny­şa­ny hök­mün­de ýa­dy­gär­li­giň ete­gi­ne aja­ýyp gül çe­me­ni­ni goý­dy. Mil­li Li­de­ri­mi­ziň gö­rel­de­si­ne eýe­rip, Mej­li­siň Baş­ly­gy we de­pu­tat­lar, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, da­ba­ra gat­naş­ýan beý­le­ki adam­lar ýa­dy­gär­li­giň ete­gi­ne aja­ýyp ba­har gül­le­ri­ni goý­du­lar.

Gyzykly bolup bilerЕЩЕ ОТ АВТОРА