Fut­bol bo­ýun­ça Türk­me­nis­ta­nyň Mil­li çem­pio­na­tyn­da möw­sü­miň 2-nji aý­la­wy ta­mam­lan­dy. Di­ňe “Al­tyn asyr” to­pa­ry­nyň wag­ty so­ňa süý­şü­ri­len oýun­la­ry gal­dy. Ge­çi­ri­len 18-nji tap­gy­ryň çäk­le­rin­de 4 du­şu­şyk oý­na­lyp, olar­da 11 gol der­we­zä gi­ri­zil­di. 4 oýun­da-da ýer eýe­le­ri ýe­ňiş ga­zan­dy. Sa­na­wyň li­de­ri “Ahal” öz meý­dan­ça­syn­da paý­tag­ty­myz Aş­ga­ba­dyň ady­bir to­pa­ryn­dan 3–0 ha­sa­byn­da üs­tün çyk­dy. “Ahal” to­pa­ry­nyň gol­la­ry­nyň 2-si­ni Wa­hyt Oraz­sä­he­dow der­we­zä gö­nük­dir­di. Mä­lim bol­şy ýa­ly, ol ge­çen tap­gyr­da-da 3 gol ge­çi­rip­di. Beý­le­ki pök­gi­ni-de 72-nji mi­nut­da pe­nal­ti­den Sü­leý­man Ora­zow to­ra ýol­la­dy. Bal­kan we­la­ýa­ty­nyň der­bi­sin­de “Bal­kan” to­pa­ry “Şa­ga­da­my” ez­ber go­rag­çy­sy Me­kan Sa­pa­ro­wyň 64-nji mi­nut­da­ky ýe­ke-täk pök­gü­si bi­len 1–0 ha­sa­byn­da ýeň­li­şe se­ze­war edip, 2-nji bas­gan­ça­ga ymyk­ly or­naş­dy. Soň­ky çem­pi­on “Al­tyn asyr” out­saý­der “Tu­ra­ny” 2–0 ha­sa­byn­da ýeň­di. Ara­gat­na­şyk­çy­la­ryň gol­la­ry­ny oý­nuň ba­şyn­da Mu­rat Ýak­şi­ýew (11) bi­len oý­nuň so­ňun­da Re­sul Ho­ja­ýew (87) öz at­la­ry­na ýaz­dyr­dy­lar. 5 go­luň ge­çi­ri­len oý­nun­da “Ener­ge­tik” öz meý­dan­ça­syn­da “Kö­pet­da­gy” 3–2 ha­sa­byn­da ýeň­me­gi ba­şar­dy. 1-nji ýa­rym sa­gat­da 2–0 ha­sa­byn­da öňe çy­kan ýer eýe­le­ri­ne myh­man­lar 20 mi­nut­da 2 gol bi­len jo­gap be­rip, ha­sa­by deň­le­di­ler. Oý­nuň 75-nji mi­nu­tyn­da-da Di­dar Dur­dy­ýew “Ener­ge­ti­ge” ýe­ňiş ge­ti­ren oýun­çy bol­dy (3–2). Türk­me­nis­ta­nyň Mil­li çem­pio­na­tyn­da öňü­miz­dä­ki gün­ler­de “Al­tyn asyr” to­pa­ry­nyň AFK Ku­bo­gy se­bäp­li wag­ty süý­şü­ri­len du­şu­şyk­la­ry ge­çi­ri­ler.
Iň köp pök­gi ge­çi­ren­le­riň sa­na­wyn­da Yh­las Mag­ty­mow (“Bal­kan”) 11 gol bi­len 1-nji ýer­de bar­ýar. On­dan bir gol az ge­çi­ren Amir Gur­ba­ni (“Şa­ga­dam”) bi­len Mu­rat Ýak­şi­ýew (“Al­tyn asyr”) 2–3-nji orun­la­ry paý­laş­ýar­lar.

Wagty süýşürilen duşuşyklaryň geçiriliş tertibi:
17-nji iýun: “Energetik”–“Altyn asyr”
20-nji iýun: “Altyn asyr”–“Ahal”
24-nji iýun: “Merw”–“Altyn asyr”
27-nji iýun: “Altyn asyr”–“Şagadam”
30-njy iýun: “Balkan”–“Altyn asyr”
4-nji iýul: “Altyn asyr”–“Merw”
8-nji iýul: “Şagadam”–“Altyn asyr”.

XVIII tapgyryň netijeleri:

“Ahal”–“Aşgabat”: 3–0
/Wahyt Orazsähedow 27, 81, Süleýman Orazow 72 p/
“Balkan”–“Şagadam”: 1–0 /Mekan Saparow 64/
“Energetik”–“Köpetdag”: 3–2
/Selim Ataýew 13, Alibek Abdyrahmanow 31, Didar Durdyýew 75 — Berdi Hotdyýew 36, Kerim Hojaberdiýew 56/
“Altyn asyr”–“Turan”: 2–0 /Murat Ýakşiýew 11, Resul Hojaýew 87/

Gyzykly bolup bilerЕЩЕ ОТ АВТОРА