30-njy iýun­da Mag­tym­gu­ly adyn­da­ky Türk­men döw­let uni­wer­si­te­tin­de “Ar­ka­da­gyň ajap eý­ýa­my” at­ly tä­ze ki­ta­byň ta­nyş­dy­ry­lyş da­ba­ra­sy bol­dy. Ol türk­men, rus we iň­lis dil­le­rin­de ne­şir edil­di. Hor­mat­ly Pre­zi­den­ti­miz Gurbanguly Berdimuhamedowyň 60 ýa­şy­na ba­gyş­la­nan ne­şir ýur­du­my­zyň dur­mu­şyn­da­ky iň mö­hüm wa­ka­lar hem-de äh­mi­ýet­li se­ne­ler, mil­li Li­de­ri­mi­ziň ýol­baş­çy­ly­gyn­da döw­le­ti­mi­ziň ge­çen 10 ýyl­lyk ýo­ly ba­ra­da pub­li­sis­tik gür­rüň­ler gör­nü­şin­de­dir.  Ta­nyş­dy­ry­lyş da­ba­ra­sy­nyň öňü­sy­ra­syn­da uni­wer­si­te­tiň eý­wa­nyn­da ser­gi ýaý­baň­lan­dy­ryl­dy. Ser­gi­de çe­per iş­ler, ama­ly-ha­şam sun­ga­ty­nyň eser­le­ri hem-de ne­şir­ýat önüm­le­ri gör­ke­zil­di.
Mas­la­hat­lar za­lyn­da ge­çi­ri­len du­şu­şyk­da hö­kü­met ag­za­la­ry, mil­li par­la­men­tiň baş­ly­gy we de­pu­tat­la­ry, har­by we hu­kuk go­raý­jy eda­ra­la­ryň, Türk­me­nis­tan­da iş­le­ýän dip­lo­ma­tik we­kil­ha­na­la­ryň, mi­nistr­lik­le­riň we pu­dak eda­ra­la­ry­nyň, jem­gy­ýet­çi­lik gu­ra­ma­la­ry­nyň ýol­baş­çy­la­ry we we­kil­le­ri, ýo­ka­ry okuw mek­dep­le­ri­niň rek­tor­la­ry we pro­fes­sor-mu­gal­lym­la­ry, sy­ýa­sa­ty öw­re­ni­ji­ler, hor­mat­ly ýa­şu­lu­lar hem-de köp­san­ly ýaş­lar, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar.
Çy­kyş­lar­da bel­le­ni­li­şi ýa­ly, hä­zir­ki za­man türk­men jem­gy­ýe­ti­niň esa­sy hä­si­ýet­li aý­ra­tyn­ly­gy onuň eg­sil­mez ag­zy­bir­li­gin­den, hal­kyň Ga­raş­syz­ly­gyň we Bi­ta­rap­ly­gyň ma­ny-maz­mu­ny­na do­ly akyl ýe­tir­me­gin­den ugur alyp, ru­hy däp­le­re, me­de­ni mi­ra­sa da­ýan­ýan mil­li Li­de­ri­niň tö­we­re­gi­ne je­bis­leş­me­gin­den yba­rat­dyr.
2007-2017-nji ýyl­lar ara­ly­gyn­da­ky ta­ry­hy wa­ka­la­ry öz içi­ne al­ýan tä­ze ki­tap­da bu­lar ba­ra­da gür­rüň be­ril­ýär. Ol ter­ji­me­hal bö­le­gin­den baş­la­nyp, on­da döw­let Baş­tu­ta­ny­my­zyň ça­ga­ly­gy, ýaş­ly­gy, zäh­met ýo­lu­na baş­laý­şy, hü­när taý­dan kä­mil­le­şi­şi, ylym ul­ga­myn­da­ky alyp bar­ýan iş­le­ri hem-de ýol­baş­çy we­zi­pe­ler­dä­ki iş­le­ri ba­ra­da be­ýan edil­ýär.
In­di­ki bö­lüm­ler döw­let Baş­tu­ta­ny­myz Gurbanguly Berdimuhamedowyň Pre­zi­dent we­zi­pe­sin­de ýur­dy do­lan­dyr­ýan ýyl­la­ry­na ba­gyş­la­nyp­dyr. Olar pa­ra­hat­çy­lyk, dur­nuk­ly­lyk we ösüş ýa­ly mil­li Li­de­ri­mi­ziň alyp bar­ýan sy­ýa­sa­ty­nyň baş ugur­la­ry­ny aý­dyň ýü­ze çy­kar­ýar. Şol sy­ýa­sa­tyň esa­sy ýö­rel­ge­le­rin­de, şeý­le hem yn­san­per­wer­lik, dur­muş ada­lat­ly­ly­gy, ýo­ka­ry ru­hu­be­lent­lik, anyk ne­ti­je­le­re ta­rap ugur­lar jem­le­nen­dir.
Yl­my-po­pul­ýar gör­nüş­de döw­le­tiň we jem­gy­ýe­tiň hem­me­ta­rap­la­ýyn döw­re­bap­laş­dy­ry­lyş iş­le­ri gör­ke­zil­ýär,Türk­me­nis­ta­nyň da­şa­ry sy­ýa­sa­ty­nyň stra­te­gi­ki we­zi­pe­le­ri, ile­ri tu­tul­ýan baş ugur­lar hem-de mil­li Li­de­ri­mi­ziň mö­hüm hal­ka­ra baş­lan­gyç­la­ry­ny iş ýü­zün­de dur­mu­şa ge­çir­mek bo­ýun­ça çä­re­ler be­ýan edi­len­dir.
“Ar­ka­da­gyň ajap eý­ýa­my” at­ly ki­tap fo­to­su­rat­lar, şol san­da res­mi ha­bar­la­ryň şe­kil­le­ri bi­len giň­den be­ze­lip­dir. Tä­ze ne­şir giň oky­jy­lar köp­çü­li­gi­ne ni­ýet­le­nen­dir, ol sy­ýa­sat­çy­lar, yk­dy­sa­dy­ýe­ti sel­je­ri­ji­ler, jem­gy­ýet­çi­lik ylym­la­ry­nyň mu­gal­lym­la­ry, ta­lyp­lar üçin hem yg­ty­bar­ly kö­mek­çi bo­lup bi­ler.

Gyzykly bolup bilerЕЩЕ ОТ АВТОРА