Go­laý­da ki­çi Dün­ýä Ku­bo­gy ha­sap­lan­ýan FI­FA Kon­fe­de­ra­si­ýa­lar Ku­bo­gy ýa­ry­şy­ny üs­tün­lik­li ta­mam­lan we gel­jek ýyl FI­FA Dün­ýä Ku­bo­gy­ny geçirjek Rus­si­ýa­da çem­pio­na­tyň tä­ze möw­sü­mi­ne şu gün ba­dal­ga ber­ler. Çem­pio­nat­da bu ýy­lam 16 klub çy­kyş eder. Mä­lim bol­şy ýa­ly, ge­çen möw­süm en­çe­me ýyl­dan soň, Mosk­wa­nyň “Spar­ta­gynyň” çem­pi­on­ly­gy bi­len ta­mam­la­nyp­dy. Ge­çen möw­sü­miň we­kil­le­rin­den “Kryl­ýa So­we­tow”, “Oren­burg” hem-de “Tom” bu möw­sü­mi 2-nji li­ga­da ge­çi­rer­ler. Ola­ryň or­nu­na “Di­na­mo”, “Tos­no” hem-de “SKA-Ha­ba­rowsk” klub­la­ry “Prem­ýer” li­ga­nyň tä­ze klub­lary bo­lar­lar. “Di­na­monyň” 1 ýyl­lyk ara­kes­me­den soň, “Prem­ýer” li­ga do­lan­magy bilen ýe­ne-de Mosk­wa şä­he­ri­niň klub­la­ry­nyň sa­ny 4-e çyk­dy. Li­ga­nyň beý­le­ki tä­ze we­kil­le­ri – Le­ning­rad ob­las­ty­nyň we­ki­li “Tos­no” klu­by bi­len Ha­ba­rows­kyň SKA to­pa­ry-da ta­ry­hyn­da il­kin­ji ge­zek “Prem­ýer” li­ga­da çy­kyş eder­ler. Çem­pi­on­ly­gyň da­laş­gä­ri “Ze­nit” to­pa­ry­nyň “Tos­no” bi­len ge­çir­jek oýun­la­ry-da ob­las­tyň öz­bo­luş­ly der­bi­si bo­lar. Çem­pio­nat­da “Te­rek” to­pa­ry­nyň ady üýt­gäp, ol mun­dan soň, “Ah­mat” ady bi­len çy­kyş eder. Il­de­şi­miz Gur­ban Ber­di­ýew hem “Ros­tow­dan” ýe­ne-de ozal­ky 12 ýyl­lap iş­län klu­by “Ru­bi­ne” baş tä­lim­çi bo­lup do­lan­dy. Şeý­le-de ge­çen möw­sü­mi 3-nji ha­tar­da ta­mam­lan “Ze­nit” Mir­çea Lu­çes­ku­ny we­zi­pe­sin­den bo­şa­dyp, onuň or­nu­na ita­li­ýa­ly Ro­ber­to Man­çi­ni­ni tä­lim­çi goý­dy. Bu­lar­dan baş­ga-da “Ah­mat”, “Ar­se­nal” hem-de “Ros­tow” to­par­la­ry­na-da tä­ze möw­süm­de tä­ze tä­lim­çi­ler tä­lim be­rer. Rus­si­ýa­nyň çem­pio­na­tyn­da 16 klu­ba 6 döw­le­tiň tä­lim­çi­le­ri tä­lim­çi­lik eder. Umu­man, “Prem­ýer” şu möwsümde ligada Rus­si­ýa­dan 7, Be­la­rus­dan 3, Uk­rai­na­dyr Ita­li­ýa­dan 2 hem-de Türk­me­nis­tan­dan we Ga­ra­dag­dan 1 tä­lim­çi iş­lär.
“Prem­ýer” li­ga­nyň 26-njy möw­sü­mi­niň 1-nji aý­la­wy 10-njy de­kabr­da gu­ta­rar. 2-nji aý­law 4-nji mart­da baş­lap, 13-nji maý­da-da çempionat ta­mam­la­nar.

Gyzykly bolup bilerЕЩЕ ОТ АВТОРА