“Aş­ga­bat 2017”-ä gat­naş­ýan bäş tür­gen­den yba­rat bo­lan bos­gun­lar to­pa­ry mä­lim edil­di. Olar spor­tuň ýe­ňil at­le­ti­ka gör­nü­şi bo­ýun­ça ýa­ryş­la­ra gat­na­şar­lar.
We­ki­li­ýet to­pa­ry­nyň ýol­baş­çy­sy Ken­iýa­nyň meş­hur yl­gaý­jy ze­na­ny Teg­la Lo­rop bo­lup, onuň ýa­nyn­da baş­ga-da iki sa­ny we­kil we tä­lim­çi bo­lar.
Bäş sa­ny bos­gun tür­gen bo­lan – Po­lo Amo­tun Lo­ko­ro (1500m), Wi­ýu­al Pu­ok Deň (400m), Gaý Ýaň Tap (800m), Ukuk Ut­hu Bul (3000m) we Ýeh Pur Bi­el (800m) “Teg­la Lo­rop” adyn­da­ky Pa­ra­hat­çy­lyk Gu­ra­ma­sy­nyň Naý­ro­bi­de guran ýa­ryş­la­ry­nyň ne­ti­je­sin­de, “Aş­ga­bat 2017” üçin saý­lan­dy.
Bos­gun­la­ryň äh­li­si Su­da­nyň gü­nor­ta­syn­dan bo­lup, ola­ryň ýa­ny bi­len gel­ýän dört we­kil bi­len bir­lik­de, olar Mer­ke­zi Azi­ýa­da­ky iň iri göw­rüm­li, kö­pu­gur­ly sport çä­re­si­ne gat­naş­ýan 65 sa­ny we­ki­li­ýe­tiň bi­ri­ni eme­le ge­ti­rer. Bu bäş tür­ge­niň için­den Lo­ko­ro we Bi­el Rio 2016 Olim­pi­ýa oýun­la­ry­na gat­naş­dy­lar, beý­le­ki üç tür­gen bol­sa, hal­ka­ra çä­re­le­rin­de il­kin­ji ge­zek ýa­ry­şar­lar.
Bir­le­şen Mil­let­ler Gu­ra­ma­sy­nyň sport we pa­ra­hat­çy­lyk iş­le­ri bo­ýun­ça we­ki­li bo­lan Lo­rop bos­gun­la­ryň hal­ka­ra çä­re­ler­de ýa­ry­şyp bil­mek­le­ri üçin müm­kin­çi­lik­le­ri dö­ret­mäge ýol­baş­çy­lyk ed­ýär. Il­kin­ji bos­gun­lar to­pa­ry 2016-njy ýyl­da­ky Olim­pi­ýa oýun­la­ry­na gat­naş­dy we şon­dan bä­ri Ken­ýa­nyň bos­gun tür­gen­le­ri Kipr­de, Ba­ga­ma ada­la­ryn­da, Ugan­da­da hem-de Ru­an­da­da ýa­ryş­dy­lar. Ge­çen aý to­par Lon­don­da ge­çi­ri­len spor­tuň ýe­ňil at­le­ti­ka gör­nü­şi bo­ýun­ça dün­ýä çem­pio­na­ty­na hem gat­naş­dy.
Bäş tür­gen Keni­ýa­da­ky bos­gun tür­gen­ler bi­len bi­le “Teg­la Lo­rop” adyn­da­ky Pa­ra­hat­çy­lyk Gu­ra­ma­sy­nyň we Bir­le­şen Mil­let­ler Gu­ra­ma­sy­nyň Bos­gun­la­ryň iş­le­ri bo­ýun­ça Ýo­ka­ry Kom­mis­sa­ry­nyň mü­dir­li­gi­niň, Bir­le­şen Mil­let­ler Gu­ra­ma­sy­nyň Bos­gun­lar bo­ýun­ça agent­li­gi­niň he­ma­ýat­kär­li­gin­dä­ki des­ga­lar­da hem-de ýa­şa­ýyş jaý­la­ryn­da ýa­şa­ýar we tür­gen­le­şik geç­ýär. Ken­iýa­nyň paý­tagt şä­he­ri­niň tö­we­re­gin­de birnäçe aýlap tür­gen­le­şik ge­çen bu bäş tür­gen ýo­ka­ry de­re­je­de ýa­ry­şa taý­ýar ýag­daý­da­dyr.
Lo­rop hä­zir­ki wagt­da hem 20, 25 we 30 ki­lo­met­re yl­ga­mak bo­ýun­ça re­kor­dy sak­lap, ol Nýu-Ýork şä­he­ri­niň yl­ga­mak bo­ýun­ça ýa­ry­şy­ny (ma­ra­fon) ýe­ňen il­kin­ji af­ri­ka­ly bo­lup, ol bu ýa­ry­şy iki ge­zek ga­zan­dy.
Lo­rop Pa­riž 2024 Olim­pi­ýa oýun­la­ry­nyň we­ki­li bo­lan­dy­gy üçin 13-nji sent­ýabr­dan baş­la­ýan Pe­ru­nyň Li­ma şä­he­rin­de ge­çi­ril­jek Hal­ka­ra Olim­pi­ýa Ko­mi­te­ti­niň 130-njy mas­la­ha­tyn­dan soň­ra Aş­ga­ba­da ge­ler. Azi­ýa­nyň Olim­pi­ýa Ge­ňe­şi­niň senasy bos­gun­lar to­pa­ry­nyň senasy hök­mün­de ýe­ri­ne ýe­ti­ri­ler we to­par AOG-yň baý­da­gy as­tyn­da ýa­ry­şar.

Gyzykly bolup bilerЕЩЕ ОТ АВТОРА