Žoze Kar­lus Pa­se adyn­da­ky aw­tod­rom­da «For­mu­la 1» ýa­ry­şy­nyň Bra­zi­li­ýa “Gran-pri­si” ge­çi­ril­di. Sü­rü­ji­le­riň umu­my sa­na­wyn­da öň­dä­ki iki or­na eýe­lik ed­ýän “Mer­ce­des” to­pa­ry­nyň we­kil­le­ri bu ýer­de hem üs­tün­lik­li çy­kyş et­di­ler. Lýuis He­mil­ton bi­len Ni­ko Ros­berg bra­zi­li­ýa­ly jan­kö­ýer­le­ri­niň şa­ýat­ly­gyn­da de­giş­li­lik­de 1-nji we 2-nji orun­la­ry eýe­le­di­ler. Häzir olar Abu-Dabide geçiriljek iň soňky, ýagny 21-nji tapgyryň bosagasynda durlar. Hut şol ýerde hem bu iki sürüjiniň haýsy biriniň 1-nji orna mynasypdygy belli ediler.
Möhletinden öň umumy sanawyň 3-nji ornunyň ykbalyny öz peýdasyna çözen Da­ni­el Rik­kar­do (“Red Bull”) Braziliýa “Gran-pri­sinde” pellehanadan 8-nji bolup geçdi.
Umu­my sa­naw­da 5-nji or­ny eýe­le­ýän Maks Fers­tap­pen (“Red Bull”) Bra­zi­li­ýa­da­ky bäs­le­şik­le­riň je­mi bo­ýun­ça hor­mat mün­be­ri­niň 3-nji bas­gan­ça­gy­na çy­kyp, bu tap­gy­ry baý­rak­ly orun­da ta­mam­la­dy.
4-nji or­na Ser­hio Pe­res (“Fors-India”) my­na­syp bol­sa, il­kin­ji 5-li­giň soň­ky bas­gan­ça­gy­ny Se­bast­ýan Fet­tel (“Fer­ra­ri”) eýe­le­di. 2009-njy ýyl­da Ka­zan-Aş­ga­bat ug­ry bo­ýun­ça ge­çi­ri­len ral­li-reýd ýa­ry­şyn­da üs­tün­lik­li çy­kyş eden dün­ýä bel­li sü­rü­ji Kar­los San­syň og­ly (Kar­los Saýns ki­çi­si) ýa­ry­şy 6-njy orun­da ta­mam­lap, “To­ro Ros­so” to­pa­ry­na 8 utuk ge­tir­di. Ol ýa­gyş­ly ho­wa­da şow­ly çy­kyş et­mä­ge bil bag­la­man­dy­gy­ny, em­ma şeý­le kyn şert­ler­de hem to­pa­ry­nyň ab­ra­ýy­ny my­na­syp go­ran­dy­gy­na be­gen­ýän­di­gi­ni žur­na­list­ler bi­len bo­lan du­şu­şy­gyn­da gür­rüň ber­di. Şeý­le-de, ol öz to­pa­ry­nyň «For­mu­la 1» bäs­le­şi­gin­dä­ki iň go­wy aw­tou­la­ga eýe­lik ed­ýän­di­gi­ni buý­sanç bi­len di­le ge­tir­di.
To­par­la­ryň bäs­le­şi­gin­de baýrakly orunlaryň eýeleri birnäçe tapgyr öň belli edildi. Bu ýerde 1-nji orun “Merсe­des”, 2-nji orun “Red Bull”, 3-nji orun hem“Fer­ra­ri” to­paryna degişli.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА