Go­laý­da Ger­ma­ni­ýa­nyň paý­tag­ty Ber­lin şä­he­ri­niň gü­nor­ta­syn­da «Fu­tu­re Living Ber­lin» at­ly­ köp gat­ly ýa­şa­ýyş jaý top­lu­my açy­lyp ulan­yl­ma­ga be­ril­di. Bu top­lum hä­zir­ki za­man san­ly teh­no­lo­gi­ýa­lar bi­len en­jam­laş­dy­ry­lyp, ener­gi­ýa­nyň gaý­ta­dan di­kel­dil­ýän çeş­me­le­rin­den alyn­ýan elekt­rik ener­gi­ýa­sy bi­len üp­jün edi­len­dir. Bu tas­la­ma «GSW Sig­ma­rin­gen» ger­man kom­pa­ni­ýa­sy ta­ra­pyn­dan «Pa­na­so­nic»-iň dür­li teh­no­lo­gi­ýa­la­ry ula­ny­lyp ama­la aşy­ryl­dy. «GSW Sig­ma­rin­gen» kom­pa­ni­ýa­sy gur­lu­şyk, goz­gal­ma­ýan em­läk pu­da­gyn­da iş­läp, ma­ýa go­ýu­jy hök­mün­de çy­kyş ed­ýär. «Fu­tu­re Living Ber­lin» tas­la­ma­sy «Pa­na­so­nic» kom­pa­ni­ýa­sy­nyň Ýa­po­ni­ýa, ABŞ we Hy­taý ýa­ly ýurt­lar­da­ky «akyl­ly» ýa­şa­ýyş jaý top­lum­la­ry­nyň üs­tü­ni dol­dur­dy.
«Fu­tu­re Living Ber­lin» tas­la­ma­sy ho­wa goý­be­ril­ýän zy­ýan­ly gaz­la­ryň möç­be­ri­ni has-da azalt­mak mak­sa­dy bi­len ama­la aşy­ryl­dy. Bu şä­her­çe öz ener­gi­ýa ze­rur­lyk­la­ry­nyň 90%-ini öz­baş­dak üp­jün ed­ýär. Mu­nuň üçin «Pa­na­so­nic»-iň en­jam­la­ry­nyň dür­li gör­nüş­le­ri ula­nyl­ýar. Şeý­le hem, şä­her­çä­niň äh­li bi­na­la­ry­nyň ösen IoT teh­no­lo­gi­ýa­la­ry bi­len en­jam­laş­dy­ry­lan­dy­gy ha­bar be­ril­ýär.
«Pa­na­so­nic»-iň akyl­ly te­le­wi­zor­la­ry­dyr kom­mu­ni­ka­tor­la­ry «akyl­ly» öýi do­lan­dyr­mak hem-de mö­hüm wa­ka­lar ba­ra­da ha­bar ber­mek we­zi­pe­si­ni ber­jaý ed­ýär­ler. My­sal üçin, bu teh­no­lo­gi­ýa­lar kim­dir bi­ri ge­len­de ýa-da ýan­gyn­da, go­laý­lap gel­ýän apy-tu­pan we beý­le­ki ýag­daý­lar ha­kyn­da ha­bar be­rip dur­ýar. Ha­bar­lar ek­ran ar­ka­ly gör­ke­zi­lip, ýa­şaý­jy­la­ryň dyk­ga­ty­na ýe­ti­ril­ýär.
– Bu tas­la­ma köp ýyl­lar­dan bä­ri do­wam edip gel­ýän fo­toe­lekt­rik pa­nel­le­ri we ba­ta­re­ýa­la­ry ös­dür­mek hem-de daş­ky gur­şaw teh­no­lo­gi­ýa­sy ba­bat­da­ky köp ýyl­lyk tej­ri­bä­mi­zi bir­leş­dir­di. «Fu­tu­re Living Ber­lin»-iň gur­lu­şy­gy bäş ýyl­lap do­wam et­di. Hä­zir­ki wagt­da top­lum­da­ky 90 sa­ny «akyl­ly» öýüň 60-sy ula­nyl­ýar. Şu gün­ki gün­de Skan­di­na­wi­ýa ýurt­la­ry «Pa­na­so­nic» kom­pa­ni­ýa­sy üçin iň uly ba­zar­la­ryň bi­ri­ne öw­rül­di. Ho­wa goý­be­ril­ýän zy­ýan­ly gaz­la­ryň möç­be­ri­ni azalt­mak mak­sa­dy bi­len bu ýurt­la­ryň hö­kü­met­le­ri­niň goý­ber­ýän ma­li­ýe se­riş­de­le­ri mu­ňa şa­ýat­lyk ed­ýär – di­ýip, do­lan­dy­ry­jy ge­ňe­şiň baş­ly­gy we «Pa­na­so­nic Eu­ro­pe» kom­pa­ni­ýa­sy­nyň ýolbaşçysy Ju­ni­çi Su­zu­ki aýt­dy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА