Türk­me­nis­ta­nyň mil­li fut­bol çem­pio­na­tyn­da oý­na­lan soň­ky du­şu­şyk­lar­dan soň, sa­na­wyň li­de­ri üýt­ge­di. 24-nji tap­gyr­da “Şa­ga­dam­dan”, 22-nji tap­gy­ryň gal­dy­ry­lan oý­nun­da-da “Kö­pet­dag­dan” üs­tün çy­kan “Al­tyn asyr” ýe­ne-de bi­rin­ji or­na gaý­dyp gel­di. Ara­gat­na­şyk­çy­lar oýnuň 1-nji du­şu­şy­gyn­da “Şa­ga­da­myň” to­run­dan jo­gap­syz 5 pök­gi gi­riz­di. 18-nji mi­nut­da Me­kan Aşy­ro­wyň ha­sa­by aç­ma­gyn­dan soň, to­pa­ryň ez­ber hü­jüm­çi­si Al­ty­my­rat An­na­durdy­ý­ew 4 gol ge­çir­di.
Ku­bo­gy 2018-iň fi­nal­çy­sy “Al­tyn asy­r” 22-nji tap­gy­ryň gal­dy­ry­lan oý­nun­da “Kö­pet­dag­dan” 2–1 üs­tün çyk­dy. Du­şu­şyk­da myh­man­la­ra ýe­ňiş ge­ti­ren gol­la­ry Al­ty­my­rat An­na­dur­dy­ýew bi­len Wa­hyt Oraz­sä­he­dow der­we­zä gi­riz­di. Şeý­le­lik­de, Al­ty­my­rat An­na­dur­dy­ýew çem­pio­nat­da­ky gol­la­ry­nyň sa­ny­ny 14-e ýe­ti­rip, bu ugur­da Sü­leý­man Mu­ha­dow­dan 3 pök­gi öňe saý­lan­dy. “Al­tyn asy­ryň” bu ýe­ňiş­le­rin­den soň, 2-nji or­na dü­şen “Ahal” 24-nji tap­gyr­da “Kö­pet­da­gy” Sü­leý­man Mu­ha­do­wyň gol­la­ry bi­len 2–0 ha­sa­byn­da ýeň­li­şe se­ze­war et­di. 3-nji orun­da bar­ýan “Ener­ge­tik” öz meý­dan­ça­syn­da “Aş­ga­bat” to­pa­ry­ny Rah­met Şer­me­to­wyň 59-njy mi­nut­da­ky ýe­ke-täk pök­gü­si bi­len 1–0 ha­sa­byn­da ýeň­di. Şer­me­to­wyň 76-njy mi­nut­da pe­nal­ti­den dürs peý­da­la­nyp bil­män­di­gi­ni hem bel­lä­liň. “Merw” bi­len “Ne­bit­çi­niň” ara­syn­da­ky oýun­da myh­man­lar 2–1 ha­sa­byn­da ýe­ňiş ga­zan­dy.

ÇEM­PIO­NY
“ENER­GE­TIK” KES­GIT­LÄR
Şun­luk­da, çem­pio­na­tyň ta­mam­lan­ma­gy­na 4 tap­gyr ga­lan­da “Al­tyn asyr” bi­len “Aha­lyň” ara­syn­da­ky çem­pi­on­lyk ýa­ry­şy diý­seň çekeleşik­li ýag­daý­da do­wam ed­ýär. Hä­zir­ki wagt­da 1 utuk öň­de bar­ýan “Al­tyn asy­ryň” “Ne­bit­çi” (myh­man­çy­lyk­da), “Aş­ga­bat”, “Ener­ge­tik” (myh­man­çy­lyk­da) hem-de “Merw” to­par­la­ry bi­len du­şu­şyk­la­ry gal­dy. Gar­şy­da­şy­nyň utuk ýi­tir­me­gi­ni ta­ma ed­ýän “Ahal” to­pa­ry-da “Şa­ga­dam” (myh­man­çy­lyk­da), “Ne­bit­çi”, “Aş­ga­bat” (myh­man­çy­lyk­da) hem-de “Ener­ge­tik” to­par­la­ry bi­len güýç sy­na­ny­şar. Iki to­pa­ryň-da çem­pio­na­tyň ahyr­la­ryn­da “Ener­ge­tik” to­pa­ry bi­len du­şu­şyk ge­çir­ýän­dik­le­ri­ni na­zar­da tu­tup, to­par­lar on­dan öň­dä­ki oýun­la­ryn­da ýe­ňiş ga­za­nan ýag­da­ýyn­da çem­pio­ny 3-nji orun­da bar­ýan “Ener­ge­tik” kes­git­lär diý­sek, öte geç­di­gi­miz bol­maz.

Gyzykly bolup bilerЕЩЕ ОТ АВТОРА