Günorta Koreýa 2022-nji ýyla çenli iki sany emeli hemrany Aýyň orbitasyna ýerleşdirmegi maksat edinýär. Ýurduň Bilim we tehnologiýa ministrliginiň beren beýanatynda kosmosa ýerli raketa arkaly emeli hemranyň uçurylmagy we iberiljek emeli hemralaryň barmaly ýerine ýetmegi üçin edilýän tagallanyň iki esse artdyrylandygy mälim edildi. Beýanatda agramy 300 tonna barabar bolan iki sany “Nuri” atly raketanyň 2021-2022-nji ýyllarda uçurylyp, täze nesle degişli emeli hemralaryň Aýyň orbitasyna ýerleşdirilmegi maksat edinilýändigi aýdyldy. Raketalaryň üstünlikli ýagdaýda kosmosa iberilmeginiň ähmiýetlidigi, munuň birden köp emeli hemrany uçurmak üçin gerekli bolan tehniki maglumatlaryň toplanmagyna mümkinçilik döretjekdigi bellenildi. Koreýa 2029-njy ýylda has kuwwatly raketa uçurmak üçin geljek ýyl täze maksatnamany durmuşa geçirip başlar. Ýeri gelende aýtsak, 20-nji iýulda ýurduň aragatnaşyk emeli hemrasy “Anasis-II” ABŞ-nyň Kanaweral kosmodromyndan “Falcon 9” raketasy arkaly uçurylypdy.
