Tebigatda görmegimize mümkinçilik berýän energiýanyň bir görnüşine ýagtylyk diýilýär.
Şöhläniň tizligi sekuntda 300 müň kilometre ýetip, tolkun görnüşinde öňe gidýär.
Ýagtylyk çeşmesi bolan Gün planetamyzdan 150 million km töweregi daşlykda bolup, onuň şöhlesi 8 minut 20 sekuntda gelip ýetýär. Gün bolmasa, Ýerde hiç hili ýaşaýyş bolmaýar.
Mundan millionlarça ýyl ozal guran ösümlikler Gün energiýasyny özlerinde saklap, nebit, kömür we gaz ýaly energiýa serişdelerine öwrülipdir.
Gerekmejek ýagdaýda ýagtylygyň sarp edilmegi tebigata zyýan ýetirýär.
Los-Anjeles şäherini gijesine 320 km uzaklykdan uçardan saýgaryp bolýar.
Käbir jandarlar we mör-möjekler adamyň görüp bilmeýän ultramelewşe şöhlelerini görýär.
Gün şöhlesi Aýdan Ýere 1,255 sekuntda gelýär. Mälim bolşy ýaly, Aýyň öz ýagtylygy bolman, bu asman jisimi Günüň şöhlesini döwmek arkaly ýagtylyk saçýar.
Gün şöhlesi deňizlerde 200 metre çenli çuňluga ýetýär.
Ösümlikler kömürturşy gazyny iýmite öwürmek üçin Gün şöhlesinden energiýa alýar. Bu hadysa fotosintez diýilýär.
Pişikleriň gözünde yşygy yza serpikdiriji madda bolýar. Bu madda sebäpli garaňkyda olaryň gözi ýagty bolup görünýär.
Adamyň gözi tolkun uzynlygy 400 nanometr bilen 700 nanometr aralygyndaky şöhleleri görýär.
Günden Ýere gelýän şöhläniň 43 göterimini görýäris.
Käbir jandarlaryň bedeni ýagtylyk saçýar. Şeýle jandarlaryň köpüsi deňziň çuň ýerlerinde ýaşaýar.
Asmanyň reňkiniň gök bolmagynyň sebäbi bu reňkiň tolkun uzynlygynyň kiçi bolmagy bilen baglydyr. Tolkun uzynlygy kiçi bolan şöhle atmosferada has çalt dargaýar.
1826-njy ýylda fransuz oýlap tapyjysy Nisefor Nýeps ilkinji fotosuraty aldy. Ol munuň üçin 8 sagat garaşmaly boldy.
Kaliforniýadaky synlaýyş çarhy Gün energiýasy bilen işleýän ilkinji güýmenje merkezidir.
Ýer ýüzünde her sekuntda ýüzden gowrak ýyldyrym çakýar.
Tomusda Antarktikada birnäçe aýlap Gün batmaýar.
Dünýäniň ilkinji maýagy hasaplanýan Aleksandriýa maýagynyň uzynlygy häzirkilerden 3 essä barabar uly bolupdyr.
Limony kiçiräk lampany ýakmakda energiýa çeşmesi hökmünde ulanyp bolýar.
