8-nji iýul­da ýur­du­myz­da ýo­ka­ry we or­ta hü­när okuw mek­dep­le­ri­ne da­laş­gär­ler­den res­mi­na­ma­la­ry ka­bul et­mek baş­lan­dy. Mi­nistr­ler Ka­bi­ne­ti­niň 5-nji iýul­da bo­lan giňiş­le­ýin mej­li­sin­de hor­mat­ly Pre­zi­den­ti­miz de­giş­li Buý­ru­ga gol çe­kip, 2019-njy ýyl­da we­la­ýat­lar we Aş­ga­bat şä­he­ri bo­ýun­ça ýur­du­my­zyň ýo­ka­ry okuw mek­dep­le­ri­ne, or­ta hü­när okuw mek­dep­le­ri­ne oku­wa ka­bul et­me­giň me­ýil­na­ma­la­ry­ny tas­syk­la­dy. Şol res­mi­na­ma la­ýyk­lyk­da, ýo­ka­ry we or­ta hü­när okuw mek­dep­le­ri­ne oku­wa ka­bul et­me­gi 8-nji iýul – 17-nji aw­gust ara­ly­gyn­da gu­ra­mak hem-de gi­riş sy­nag­la­ry­ny şo­la­ryň ýer­leş­ýän ýe­rin­de ge­çir­mek bel­le­nil­di.
Şu ýyl 12 müň 242 adam ýo­ka­ry okuw mek­dep­le­riniň ta­lyp­la­ry bo­lar, mu­nuň özi ge­çen ýy­lyň de­giş­li gör­ke­zi­ji­sin­den 3 müň 392 adam köp­dür. Şol san­da ýo­ka­ry okuw mek­dep­le­rin­de tö­leg­li esas­da bi­lim al­ma­ga is­leg bil­dir­ýänleriň 8 müň 54-si ka­bul edi­ler. Ýur­du­my­zyň he­re­ket ed­ýän ýo­ka­ry okuw mek­dep­le­rin­de hü­när­men­le­ri taý­ýar­la­ma­gyň tä­ze ugur­la­ry­nyň 33-si peý­da bol­dy. Türk­me­nis­ta­nyň Te­le­kom­mu­ni­ka­si­ýa­lar we in­for­ma­ti­ka ins­ti­tu­ty­na il­kin­ji ge­zek ta­lyp­lar ka­bul edi­ler.
Halk ho­ja­ly­gy­nyň dür­li pu­dak­la­ry­nyň hü­när­li iş­gär­le­re bo­lan is­leg­le­ri­ni na­za­ra al­mak bi­len, ýur­du­my­zyň or­ta hü­när okuw mek­dep­le­rin­de hü­när­le­riň sa­ny art­dy­ryl­dy. Şeý­le hem okuw­çy­la­ryň saý­lap al­jak hü­nä­ri­ne de­giş­li ýö­ri­te bi­lim­le­ri, en­dik­le­ri we ba­şar­nyk­la­ry ber­jek mek­dep­le­re okuw­çy­la­ry ka­bul et­me­giň sa­ny hem art­dy. Şeý­le­lik­de, şu ýyl Türk­me­nis­ta­nyň or­ta hü­när­ment okuw mek­dep­le­ri­niň 42-si mi­nistr­lik­le­riň, pu­dak­la­ýyn eda­ra­la­ryň we kär­ha­na­la­ryň sar­gyt­la­ry­na la­ýyk­lyk­da, 9 müň 63 okuw­çy­ny oku­wa ka­bul eder­.
Bi­lim mi­nistr­li­gi­niň ga­ra­ma­gyn­da­ky mu­gal­lym­çy­lyk or­ta hü­när okuw mek­dep­le­ri­ne, Sag­ly­gy go­ra­ýyş we der­man se­na­ga­ty mi­nistr­li­gi­niň ga­ra­ma­gyn­da­ky luk­man­çy­lyk hü­när okuw mek­dep­le­ri­ne, Me­de­ni­ýet mi­nistr­li­gi­niň ga­ra­ma­gyn­da­ky hü­när­ment okuw mek­dep­le­ri­ne gi­riş sy­nag­la­ry ýo­ka­ry okuw mek­dep­le­rin­de bol­şy ýa­ly, 24-nji iýul­dan 14-nji aw­gust ara­ly­gyn­da ge­çi­ri­ler. Şun­da ho­ja­lyk ha­sap­la­şy­gyn­da­ky or­ta hü­när­ment okuw mek­dep­le­ri res­mi­na­ma­la­ry 10-njy aw­gus­ta çen­li ka­bul eder, olar­da gi­riş sy­nag­la­ry 13–17-nji aw­gust­da ge­çi­ri­ler.
Döw­let Baş­tu­ta­ny­my­zyň öň­de go­ýan bu we­zi­pe­le­ri­ni ýe­ri­ne ýe­tir­me­giň çäk­le­rin­de ýur­du­my­zyň ýo­ka­ry we or­ta hü­när okuw mek­dep­le­rin­de da­laş­gär­ler­den res­mi­na­ma­la­ry ka­bul et­mek bo­ýun­ça möw­süm do­wam ed­ýär, onuň öň ýa­nyn­da ýaş­la­ryň ara­syn­da giňiş­le­ýin mag­lu­mat be­riş iş­le­ri ge­çi­ril­di. My­sal üçin, or­ta mek­dep­le­riň uçu­rym­la­ry üçin ýö­ri­te te­le­gep­le­şik­ler hem-de met­bu­gat­da ha­bar­lar ar­ka­ly ýur­du­my­zyň ýo­ka­ry we ýö­ri­te or­ta okuw mek­dep­le­ri ba­ra­da gür­rüň be­ril­di hem-de olar­da “Açyk ga­py­lar” güni ge­çi­ril­di.

Gyzykly bolup bilerЕЩЕ ОТ АВТОРА