BAE-niň iri şäherlerinden Dubaýda geçirilen Dubaý tennis ýaryşynda erkekleriň arasynda serbiýaly Nowak Jokowiç ýeňiş gazandy. Ol finalda gresiýaly Stefanos Sisipasy 6:3 we 6:4 hasaplar bilen ýeňip, bu ýaryşdaky 5-nji sapar çempionlyk kubogyny asmana göterdi. Dubaýdaky ýaryşda 2009–2010–2011–2013-nji ýyllarda çempion bolan Jokowiç karýerasy boýunça ATP-niň bäsleşiklerinde 79-njy kubogyny eýeledi.
Dohada geçirilen “Katar Açyk” tennis bäsleşiginde zenanlaryň arasynda belarusly Aryna Sabalenko ýeňiji boldy. 21 ýaşly tennisçi ýaryşyň finalynda çehiýaly Petra Kwitowany 2 setde-de 6:3 hasaplar bilen ýeňlişe sezewar etdi. Bu ýeňiş Sabalenkonyň WTA-nyň ýaryşlaryndaky 6-njy çempionlygydyr.