Şu ýyl paý­tag­ty­myz Aş­ga­bat­da ten­nis bo­ýun­ça hal­ka­ra ýa­ry­şy­ny ge­çir­mek üçin hor­mat­ly Pre­zi­den­ti­mi­z de­giş­li Ka­ra­ra gol çe­k­di. Res­mi­na­ma la­ýyk­lyk­da, Sport we ýaş­lar sy­ýa­sa­ty mi­nistr­li­gi­ne Türk­me­nis­ta­nyň Ten­nis fe­de­ra­si­ýa­sy hem-de Hal­ka­ra ten­nis fe­de­ra­si­ýa­sy bi­len bi­le­lik­de 2020-nji ýy­lyň 8-15-nji iýu­ny ara­ly­gyn­da Aş­ga­bat şä­he­rin­dä­ki Olim­pi­ýa şä­her­çe­si­niň Ten­nis top­lu­myn­da ten­nis bo­ýun­ça De­wi­siň ku­bo­gy ug­run­da­ky hal­ka­ra ýa­ry­şy­nyň tap­gy­ry­ny ge­çir­mä­ge yg­ty­ýar be­ril­di.

Go­laý­da bol­sa Şweý­sa­ri­ýa Kon­fe­de­ra­si­ýa­sy­nyň Lo­zan­na şä­he­rin­de Türk­me­nis­ta­nyň Sport we ýaş­lar sy­ýa­sa­ty mi­nist­ri­niň ýol­baş­çy­ly­gyn­da­ky sport we­ki­li­ýe­ti sa­par­da bo­lup, onuň çäk­le­rin­de Hal­ka­ra ten­nis fe­de­ra­si­ýa­sy­nyň Pre­zi­den­ti De­wid Hag­ger­ti bi­len du­şu­şyk ge­çi­ril­di. Bu ba­ra­da Türk­me­nis­ta­nyň da­şa­ry iş­ler mi­nistr­li­gi­niň we Türk­me­nis­ta­nyň Sport we ýaş­lar sy­ýa­sa­ty mi­nistr­li­gi­niň res­mi saýt­la­ryn­da ha­bar be­ril­di.
Du­şu­şy­gyň bar­şyn­da türk­men ta­ra­py 2020-nji ýyl­da Türk­me­nis­ta­nyň he­mi­şe­lik Bi­ta­rap­ly­gy­nyň şan­ly 25 ýyl­ly­gy my­na­sy­bet­li döw­le­ti­miz­de we da­şa­ry ýurt­lar­da bir­nä­çe çä­re­le­riň ge­çi­ril­jek­di­gi­ni bel­le­di. Şu­nuň bi­len bir­lik­de, bu şan­ly se­nä­niň şy­ga­ry as­tyn­da dür­li de­re­je­dä­ki hal­ka­ra sport ýa­ryş­la­ry­nyň ge­çi­ril­jek­di­gi, hu­su­san-da De­wi­siň ku­bo­gy ug­run­da­ky Azi­ýa we Okea­ni­ýa zo­la­gy­nyň tap­gyr­la­ýyn ýa­ry­şy­nyň uly äh­mi­ýe­te eýe­di­gi bel­le­nil­di. Hal­ka­ra ten­nis fe­de­ra­si­ýa­sy­nyň Pre­zi­den­ti öz ge­ze­gin­de Türk­me­nis­tan bi­len al­nyp ba­ryl­ýan hyz­mat­daş­lyk­dan ho­şal­dy­gyny we gel­jek­de bu ugur­da hyz­mat­daş­ly­gy has-da ös­dür­me­giň äh­mi­ýe­ti ba­ra­da bel­läp geç­di.
Du­şu­şy­gyň ahy­ryn­da, Türk­me­nis­ta­nyň Ten­nis fe­de­ra­si­ýa­sy bi­len Hal­ka­ra ten­nis fe­de­ra­si­ýa­sy De­wi­siň ku­bo­gy ug­run­da Azi­ýa we Okea­ni­ýa tap­gyr­la­ýyn ýa­ry­şy­nyň Türk­me­nis­tan­da ge­çi­ril­me­gi we onuň gu­ra­ma­çy­lyk me­se­le­le­ri ba­ra­da Yla­la­şy­ga gol çek­di­ler. Şeý­le-de, iş sa­pa­ry­nyň do­wa­myn­da ýur­du­my­zyň we­ki­li­ýe­ti Mil­li Olim­pi­ýa Ko­mi­tet­le­riň As­so­sia­si­ýa­sy­nyň Pre­zi­den­ti Ro­bin Mit­çel bi­len we Hal­ka­ra Olim­pi­ýa Ko­mi­te­ti­niň we­kil­le­ri bi­len du­şuş­dy­lar.
“Türk­me­nis­tan – Bi­ta­rap­ly­gyň me­ka­ny” ýy­lyn­da türk­men paý­tag­ty­nyň ka­bul et­jek iri ýa­ryş­la­ry­nyň ha­ta­ryn­da De­wi­siň ku­bo­gy­nyň hem ýo­ka­ry gu­ra­ma­çy­lyk de­re­je­si­niň üp­jün edil­jek­di­gi­ni buý­sanç bi­len nyg­ta­mak bo­lar. Mu­nuň üçin, mil­li Li­de­ri­mi­ze ho­şal­ly­gy­my­zyň çä­gi ýok­dur!

Sül­gün GA­RA­JA­ÝE­WA,
S. A. Ny­ýa­zow adyn­da­ky TO­HU-nyň ka­fed­ra mü­di­ri.

Gyzykly bolup bilerЕЩЕ ОТ АВТОРА