Be­ýik Bri­ta­ni­ýa­nyň paý­tag­ty Lon­don şä­he­ri­niň tä­ze ýol­baş­çy­sy saý­lan­dy. Des­lap­ky ne­ti­je­le­re gö­rä, leý­bo­rist (iň­lis iş­çi­ler par­ti­ýa­sy­nyň ag­za­sy) Sa­dik Han saý­law­da ýe­ňiş ga­za­nyp, Lon­don şä­he­ri­niň hä­ki­mi bol­dy. Ol bri­tan paý­tag­ty­nyň ýol­baş­çy­sy we­zi­pe­si­ne saý­la­nan il­kin­ji mu­sul­man hök­mün­de ta­ry­ha gi­rer.
Lon­do­nyň 14 saý­law ok­ru­gy­nyň 13-üsin­de saý­law­çy­lar öz se­si­ni Pa­kis­tan­dan gö­çüp ge­len aw­to­bus sü­rü­ji­si­niň og­ly Sa­dik Ha­na ber­di. Ol ses­le­riň 44 gö­te­ri­mi­ni eýe­läp, dün­ýä­niň iň köp sy­ýa­hat­çy çek­ýän şä­he­ri­niň tä­ze hä­ki­mi bol­dy. Onuň gar­şy­da­şy mul­ti­mil­lio­ner, Kon­ser­wa­tiw par­ti­ýa­sy­nyň ag­za­sy Zak Golds­mit 35 gö­te­rim ses al­dy.
Kon­ser­wa­tiw par­ti­ýa­­nyň saý­law­­da ýeň­li­şe se­ze­war bol­ma­gy­nyň ne­ti­je­sin­de, ola­ryň 8 ýyl­lyk ýur­duň paý­tag­ty­ny do­lan­dyr­ýan döw­ri ta­mam­lan­dy.
46 ýa­şyn­da­ky Han iş­çi maş­ga­la­sy­nyň ag­za­sy. Ka­ka­sy aw­to­bus sü­rü­ji­si bo­lan Ha­nyň 7 do­ga­ny bar. Olar bi­le­lik­de Lon­do­nyň ete­gin­de ýa­şa­ýar. Ol bu maş­ga­la­nyň 5-nji ça­ga­sy. Han kä­ri bo­ýun­ça hu­kuk­çy. 2008-2009-njy ýyl­lar­da ýer­li öz-özü­ni do­lan­dy­ryş me­se­le­le­ri bo­ýun­ça döw­let mi­nist­ri we­zi­pe­sin­de zäh­met çek­ýär. 2009-2010-njy ýyl­lar­da ulag bo­ýun­ça döw­let mi­nist­ri bol­ýar.
Ol 2013-nji hem-de 2015-nji ýyl­da Bri­ta­ni­ýa­da­ky mu­sul­man­la­ryň ara­syn­da “Ýy­lyň sy­ýa­sat­çy­sy” di­ýen ada my­na­syp bol­dy. Sa­dik Han tä­ze we­zi­pe­sin­de iş­län döw­rün­de ýa­şa­ýyş jaý gur­lu­şy­gy­nyň ös­dü­ril­me­gi­ne, me­de­ni-dur­muş ul­ga­my­nyň kä­mil­leş­di­ril­me­gi­ne, köp­çü­lik­le­ýin jem­gy­ýet­çi­lik ulag hyz­mat­la­ry­nyň ba­ha­sy­nyň durnuklylaşdyrylmagyna has köp üns ber­me­gi göz öňün­de tut­ýar. Sa­dik Han öý­le­nen, aýa­ly Saa­di­ýa Ah­med hem özi ýa­ly hu­kuk­çy, iki gy­zy bar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА