Mongoliýanyň paýtagty Ulan-Batorda 10-13-nji iýul aralygynda ozaldan däp bolup gelýän «Naadam» festiwaly geçirildi. «Naadam» festiwaly Ulan-Batoryň milli sport toplumynda geçirildi. Däp bolşy ýaly, şol gün ýurduň beýleki künjeklerinde hem bu şüweleň gurnaldy. Çingiz hanyň Mongol imperiýasyndan gözbaş alyp gaýdýan bu şüweleň milletiň we çarwalaryň arasynda agzybirligiň nyşany hökmünde uly meşhurlyga eýedir. Festiwalyň çäginde üç sany sport çäresi – ok atmak, at çapyşygy we mongol göreşi geçirildi. Dünýäde emele gelen çylşyrymly ýagdaýlar sebäpli bu ýyl daşary ýurtly tomaşaçylar şüweleňe gatnaşmadylar. Maglumatlara görä, her ýyl azyndan 12 müň syýahatçy «Naadam»-y synlamak üçin Mongoliýa gelýär. Bu gadymy baýramçylyk häzirki wagtda 1921-nji ýyldaky Mongol rewolýusiýasyna we Mongol Halk Respublikasynyň döredilmegine bagyşlanýar.
