UEFA Çempionlar ligasynda pleý-off tapgyrynyň jogap duşuşyklary oýnalyp, toparçalarda oýnamaga hukuk gazanan soňky 10 topar hem belli boldy. 22 klubuň gönümel gatnaşýan ýaryşynda 2 topar ilkinji gezek çykyş eder (“Lester Siti” bilen “Rostow”). Şolaryň biri-de Russiýanyň “Rostow” topary bolup, olar öz meýdançasynda “Aýaksy” 4–1 hasabynda ýeňlişe sezewar etdi. Amsterdamda deňme-deň oýnan rus toparynyň gollaryny Serdar Azmun (34), Ýerohin (52), Noboa (60) hem-de Poloz (64) derwezä girizdi. Şunlukda, “Rostow” taryhynda ilkinji gezek Çempionlar ligasynda oýnar. Ol bu ýaryşda Russiýanyň adyndan wekilçilik etjek 6-njy topardyr. Şeýle-de “Rostow” UEFA Çempionlar ligasynda (1992-nji ýyldan bäri) çykyş etjek 135-nji klub bolar. 1-nji oýunda jogapsyz 5 pökgi geçiren “Mançester Siti” öz meýdançasynda “Stýauany” Delfiň ýeke-täk goly esasynda ýeňlişe sezewar edip, bassyr 6-njy ýola toparçalara gatnaşar. Myhmançylykda 1–1 hasabynda deňme-deň oýnap, uly umyt bilen dolanan “Roma” öz meýdançasynda garaşylmadyk netije aldy. 3–0 hasabynda utulan italýan kluby ýoluny Ýewropa ligasynda dowam etdirer. 2 oýunçysy gyzyl petek alan “Romanyň” torundan gollary Felipe (8), Laýun (73) hem-de Korona (75) geçirdi. Germaniýadaky oýunda Şweýsariýada geçiren gollarynyň 2 essesini salan “Borussia M.” topary “Ýang Boýzy” 6–1 hasabynda utup, 2-nji gezek final tapgyryna ýollanma aldy. Oýunda Torgan Hazard bilen Raffaeliň hersi 3 gezekden tapawutlandy. Mundan öňki tapgyry geçip, uly şöhrat gazanan irland topary “Dandalk” Polşanyň “Legia Warşawa” toparyndan asgyn geldi. Myhmançylykda 2–0 hasabynda ýeňiş gazanan polýaklar jogap oýnuny deňme-deň oýnady. Taryhynda 2-nji gezek Çempionlar ligasyna gatnaşýan “Legia” soňky sapar 1995–96 möwsüminde çykyş edipdi. “Willarrealy” öz meýdançasynda-da ýeňen (1–0, Fabinio 90+1 p) Monako bassyr 2-nji sapar 5 ispan klubunyň Çempionlar ligasynda çykyş etmegine rugsat etmedi.
Bolgariýadan “Ludogores”, Şotlandiýadan “Seltik”, Daniýadan “Kopengagen”, 2 oýunda-da esasy wagty deňlikde oýnap, goşmaça wagtda ýeňiş gazanan “Dinamo Zagreb” (Horwatiýadan) toparlary-da UEFA Çempionlar ligasynyň toparçasynda çykyş eder.
UEFA ÝEWROPA LIGASY 2016–2017 MÖWSÜMINIŇ TOPARÇALARY:
“A”: “Mançester Ýunaýted” (Angliýa), “Fenerbahçe” (Türkiýe), “Feýenoord” (Gollandiýa), “Zarýa Lugansk” (Ukraina)
“B”: “Olimpiakos”, APOEL (Kipr), “Ýang Boýz” (Şweýsariýa), “Astana” (Gazagystan)
“C”: “Anderleht” (Belgiýa), “Sent Etien” (Fransiýa), “Maýns” (Germaniýa), “Gabala” (Azerbaýjan)
“D”: “Zenit” (Russiýa), “AZ Alkmaar” (Gollandiýa), “Makkabi Tel Awiw” (Ysraýyl), “Dandalk” (Irlandiýa)
“E”: “Wiktoria Plžen” (Çehiýa), “Roma” (Italiýa), “Austria Wien” (Awstriýa), “Astra Giurgiu” (Rumyniýa)
“F”: “Atletik Bilbao” (Ispaniýa), “Genk” (Belgiýa), “Rapid Wien” (Awstriýa), “Sassuolo” (Italiýa)
“G”: “Aýaks” (Gollandiýa), “Standard Liež” (Belgiýa), “Selta” (Ispaniýa), “Panatinaikos” (Gresiýa)
“H”: “Şahtýor Donesk” (Ukraina), “Braga” (Portugaliýa), “Gent” (Belgiýa), “Konýaspor” (Türkiýe)
“I”: “Şalke-04” (Germaniýa), “RB Salsburg” (Awstriýa), “Krasnodar” (Russiýa), “Nissa” (Fransiýa)
“J”: “Fiorentina” (Italiýa), PAOK (Gresiýa), “Slowan Libereç” (Çehiýa), “Garabag” (Azerbaýjan)
“K”: “Inter” (Italiýa), “Sparta Praga” (Çehiýa), “Southempton” (Angliýa), “Hapoel Beer Şewa” (Ysraýyl)
“L”: “Willarreal” (Ispaniýa), “Stýaua” (Rumyniýa), “Sürih” (Şweýsariýa), “Osmanlyspor” (Türkiýe)
