“Samsung” kompaniýasynyň eplenýän ekranly telefonynyň tanyşdyrylyş wideosy internet arkaly ýaýradyldy. Täze kümüş reňkli eplenýän smartfon, şu ýylyň başynda tanyşdyrylan 1,380 dollarlyk “Galaxy Z Flip” smartfonyna meňzeýär. Smartfonyň adyndaky 5G ýazgysy enjamyň internet aragatnaşygynyň soňky neslinde işleýändigini görkezýär. “Samsung” soňky ýyllarda eplenýän ekranly enjamlarynyň sanyny köpeldýär. Kompaniýa geçen ýylyň ahyrynda “Galaxy Fold” atly eplenýän planşetini satuwa çykarypdy. Tehnologiýa ägirdi täze “Z-Flip”-den başga-da “Galaxy Note 20” smartfonynyň nobatdaky nusgasyny hem tanyşdyrmagy maksat edinýär. Koreý brendi 5-nji awgustda ýene-de birnäçe täze enjamyny tanyşdyrar. Ýeri gelende aýtsak, “Motorola” we “Huawei” ýaly kompaniýalar hem eplenýän ekranly enjamlaryny satuwa çykardylar.
