Şu gün Türk­me­nis­ta­nyň Ku­bo­gy ug­run­da­ky ýa­ry­şyň fi­nal du­şu­şy­gy oý­na­lar. “Al­tyn asyr” bi­len “Ahal” to­par­la­ry­nyň ara­syn­da­ky du­şu­şyk “Nu­saý” sta­dio­nyn­da geçiriler. Du­şu­şyk 14:30-da baş­la­nar.

“Al­tyn asyr” ýa­rym fi­nal­da “Aş­ga­bat” to­pa­ry bi­len du­şu­şyp­dy. Öz meý­dan­ça­syn­da 3–1 ha­sa­byn­da ýe­ňiş ga­za­nan “Al­tyn asyr” jo­gap oý­nun­da 2–1 as­gyn gel­se-de, umu­my ha­sap­da 4–3 öňe saý­la­nyp, fi­na­la ady­ny ýaz­dyr­dy.

“Ahal” ýa­rym fi­nal­da ku­bo­gyň soň­ky eýe­si “Kö­pet­da­gy” ýa­ryş­dan çy­kar­dy. “Ahal” 2 oýun­da-da “Kö­pet­dagdan­” üs­tün çyk­dy. Ýag­ny olar myh­man­çy­lyk­da 2–0, öz meý­dan­ça­syn­da-da Pir­my­rat Sul­ta­no­wyň ýe­ke-täk go­ly bi­len 1–0 ýe­ňip, fi­nal­da oý­na­ma­ga hu­kuk ga­zan­dy.

FI­NAL­DA 2-NJI GE­ZEK DU­ŞU­ŞAR­LAR

“Al­tyn asyr” bi­len “Ahal” şu wag­ta çen­li ku­bok ýa­ry­şyn­da 3 ge­zek ýe­ňi­ji bol­du­lar. “Al­tyn asyr” 2009-njy, 2015-nji, 2016-njy ýyl­lar­da, “Ahal” bol­sa, 2013-nji, 2014-nji we 2017-nji ýyl­lar­da ku­bo­gy eýe­läp­di. Iki to­par fi­nal­da ikin­ji ge­zek du­şu­şýar. Häz­ir­ki wag­ta çen­li ku­bok ýa­ry­şy­nyň fi­na­lyn­da ýe­ňil­me­dik “Ahal” 2013-nji ýyl­da­ky jem­leý­ji oýun­da “Al­tyn asyr” to­pa­ry­ny 2–1 ha­sa­byn­da ýe­ňip­di.

Gyzykly bolup bilerЕЩЕ ОТ АВТОРА