Gün­de­lik dur­muş­da ula­nyl­ýan ha­ryt­la­ryň önüm­çi­li­gi bi­len meş­gul­lan­ýan bel­li “Uni­lever” kom­pa­ni­ýa­sy Gü­nor­ta Ko­re­ýa­nyň “Carver Ko­rea” şe­re­ke­ti­ni 2,3 mil­liard ýew­ro sa­tyn al­mak­çy bol­ýar. Ko­reý kom­pa­ni­ýa­sy De­mir­ga­zyk Azi­ýa se­bi­tin­de uly meş­hur­lyk­dan peý­da­lan­ýar. Bu se­bi­tiň ýa­şaý­jy­la­ry kom­pa­ni­ýa­nyň ön­dür­ýän kos­me­ti­ka önüm­le­ri­ne has köp is­leg bil­dir­ýär­ler. Hä­zir­ki wagt­da ko­reý şe­re­ke­ti “Ba­in Capi­tal Private Equity” hem-de “Gold­man Sachs” kom­pa­ni­ýa­la­ry­na de­giş­li­dir.
– Biz ko­reý fir­ma­sy­ny sa­tyn al­ýan­dy­gy­my­za örän şat. Bu ge­le­şik bi­ziň stra­te­gi­ýa­my­za gabat gel­ýär. De­mir­ga­zyk Azi­ýa­da­ky or­nu­my­zy has-da güýç­len­di­re­ris – di­ýip, “Uni­lever” kom­pa­ni­ýa­sy­nyň ýol­baş­çy­la­ryn­dan Alan Jo­up gür­rüň ber­di.
“Uni­lever” kom­pa­ni­ýa­sy 1930-njy ýyl­da ni­der­land­la­ryň “Mar­ga­ri­ne Uni” hem-de bri­tan­la­ryň “Lever Brot­hers” fir­ma­la­ry­nyň bir­leş­me­gi esa­syn­da dö­re­dil­di. Kom­pa­ni­ýa dün­ýä­niň 170-den gow­rak ýur­dun­da öz ha­ryt­la­ry­ny ýer­le­ýär. Onuň 400-e go­laý bren­di, ýag­ny mar­ka­sy bar. Ola­ryň ha­ta­ryn­da “Lux”, “Sig­nal”, “Im­pul­se”, “Sun­silk”, “Ti­mo­tei”, “De­nim”, “Dove”, “Rexona”, “Axe”, “Do­mes­tos”, “Knorr”, “Calve”, “Ra­ma”, “Lip­ton” we beý­le­ki­ler bar.
1999-njy ýyl­da dö­re­di­len “Carver Ko­rea”-nyň 2016-njy ýyl­da gir­de­ji­si 321 mil­lio­na deň bol­dy.

Gyzykly bolup bilerЕЩЕ ОТ АВТОРА