Wa­tan türk­men üçin äh­li zat­dan zy­ýa­da, dün­ýe ma­lyn­dan ar­tyk gym­mat­lyk­dyr. Wa­tan bi­ziň her bi­ri­miz üçin eziz­dir, mu­kad­des­dir. Türk­men mu­kad­des ha­sap­la­ýan zat­la­ry­ny aýap, apa­lap, jan­dan eziz­läp söý­me­gi ga­dy­my dö­wür­ler­den bä­ri adat edi­nip­dir. “Gö­rog­ly” şa­des­sa­ny­nyň ba­şyn­da Jy­ga­ly beg ag­ty­gy Röw­şe­ne (Gö­rog­la):
Ýal­ňyz ba­lam, al­gyn pen­dim,
Wa­ta­ny terk edi­ji bol­ma
– di­ýip, wes­ýet ed­ýär. Bu bol­sa, türk­me­niň mu­kad­des­lik­le­re goý­ýan sar­pa­sy­nyň ny­şa­ny bo­lup, onuň Wa­ta­ny­ňy ja­nyn­dan ile­ri gö­rüp, söý­ýän­di­gi­niň aý­dyň su­but­na­ma­sy­dyr. Hut şol se­bäp­li-de Wa­tan ba­ra­da­ky pi­kir­ler-de, Wa­ta­nyň be­lent ösüş­le­ri­niň ha­ty­ra­sy­na çe­kil­ýän zäh­met-de mu­kad­des­dir. Wa­tan­söýü­ji­lik hä­si­ýe­ti per­zent­le­re sal­lan­çak­da ene hüw­dü­si bi­len ber­lip, ene süý­di bi­len-de ber­ki­dil­ýär. Şo­nuň üçin-de, bu duý­gy mil­le­ti­mi­ziň aňy­na or­nap, ga­ny­na si­ňen­dir.
Wa­tan mu­kad­des­dir, onuň du­zy-da, su­wy-da, top­ra­gy-da, ýan­da­gy-da müň bir der­de der­man­dyr. Bi­zi ata Wa­tan, ene top­rak bi­len di­ňe bir gö­bek ga­ny­myz däl, eý­sem, top­ra­ga dö­ken alyn de­ri­miz, ata-ba­ba­la­ry­my­zyň bi­zi pe­na­lap, ýel­den-suw­dan go­rag­lap, üs­tü­miz­de ga­nat ger­ýän ruh­la­ry-da bir­leş­dir­ýär. Gu­şa öz hö­würt­ge­sin­den, çar­la­ga aňyr­sy­na-bär­si­ne göz ýet­me­ýän um­ma­nyn­dan, al­gyr bür­gü­de ga­ýa­syn­dan, boz je­re­ne ýaý­la­syn­dan, tu­ra­ja to­ka­ýyn­dan, türk­men aýt­myş­la­ýyn, tow­şa­na dog­duk de­pe­sin­den eziz zat dün­ýä­de ýok­dur. Bu mu­kad­des­lik­le­ri wasp et­me­dik şa­hyr­dyr ýa­zy­jy-da, nak­gaş­dyr heý­kel­ta­raş-da, aý­dym­çy­dyr sa­zan­da-da ýok­dur diý­sek, öte geç­di­gi­miz bol­maz.
Pe­der­le­ri­miz bi­ze wa­tan­söý­üji­li­giň, mert­li­giň, gaý­rat­ly­ly­gyň, gaý­duw­syz­ly­gyň, leb­zi ­ha­lal­ly­gyň, bir­söz­lü­li­giň gaý­ta­lan­ma­jak nus­ga­lyk ýo­lu­ny mi­ras go­ýup­dyr­lar. Şu ýo­luň ýo­ka­ry mek­de­bi­ni üs­tün­lik­li ge­çen türk­men ger­çek­le­ri öz­le­ri­niň wa­tan­söý­üji­lik, gah­ry­man­çy­lyk hä­si­ýet­le­ri bi­len dün­ýä­ni haý­ra­na go­ýup­dyr­lar. Müň­ýyl­lyk­la­ryň do­wa­myn­da gah­ry­man­çy­lyk türk­men ýi­git­le­ri­niň ga­ny­na si­ňip, mil­li hä­si­ýet­le­ri­mi­ziň naý­ba­şy­la­ry­nyň bi­ri­ne öw­rül­di. Da­ma­ryn­da wa­tan­sö­ýü­ji­lik ga­ny aý­la­nan pe­der­le­ri­miz Wa­tan ug­run­da­ky sö­weş­ler­de mert­lik gör­ke­zip, gah­ry­man­çy­ly­gyň, ka­sa­ma we­pa­ly­ly­gyň, leb­ze yg­rar­ly­ly­gyň be­lent nus­ga­sy­ny, gaý­ta­lan­ma­jak mek­de­bi­ni ne­sil­le­re mi­ras gal­dy­ryp­dyr­lar. Wa­tan­pa­raz­lyk owal-ahyr türk­men hal­ky­nyň iň be­lent duý­gu­la­ry­nyň par­lak Tu­gy bo­lup pa­syr­da­ýar.
Ha­wa, da­ma­ryn­da türk­men ga­ny aý­lan­ýan yn­san üçin gö­bek ga­nyň da­man ýe­ri yk­bal ör­kü­ji­dir, on­da mäh­ri­ban Ar­ka­da­gy­my­zyň pä­him­li söz­le­ri bi­len aýt­sak, geç­mi­şiň bar­dyr, he­mem gel­je­giň. Wa­tan türk­me­niň ha­ny ma­ny­dyr, gen­ji-kä­ni­dir. Wa­tan diý­len ol be­lent­li­ge bo­lan söý­giň se­niň diriligiňden, buý­sanç­ly se­riň­den, ja­nu-ji­ge­riň­den güýç al­ýan­dyr. Ol se­niň göw­rä­ňe şi­rin jan bi­len or­nan iň pä­ki­ze, iň aja­ýyp duý­gu­la­ryň syn­maz sü­tü­ni­dir. Öm­ri şu berk­li­ge da­ýan­ýan her bir türk­men be­ýik­dir. Türk­men be­ýik­li­gi­niň je­mi bol­sa, mu­kad­des Wa­ta­ny­my­zy beý­geld­ýär.
Ar­ka­dag Pre­zi­den­ti­mi­ziň baş­lan­gy­jy bi­len 2016-njy ýy­lyň “Mi­ra­sa sar­pa goý­mak, Wa­ta­ny öz­gert­mek ýy­ly” diý­lip, yg­lan edil­me­gi ýur­du­myz­da me­de­ni we ru­hy gym­mat­lyk­la­ry­my­za bo­lan söý­gü­ni has-da art­dyr­mak­da, ata-ba­ba­la­ry­my­zyň mil­li ýö­rel­ge­le­ri­ni iç­gin öw­ren­mek­de mö­hüm äh­mi­ýe­te eýe­dir. Çün­ki ýur­du­my­zyň gel­je­gi bo­lan ýaş­la­ryň wa­tan­söý­üji­li­gi, il­ha­lar we zäh­met­sö­ýer adam­lar bo­lup ýe­tiş­me­gi­ni ga­zan­mak her bi­ri­mi­ziň mu­kad­des bor­ju­myz­dyr.
Bag­ty­ýar za­ma­na­myz­da mil­li mi­ra­sy­my­zyň ho­wan­da­ry hor­mat­ly Pre­zi­den­ti­mi­z ata-ba­ba­la­ry­my­zyň gym­mat­ly baý­ly­gy­ny yl­my taý­dan öw­ren­mä­ge we wa­gyz et­mä­ge giň müm­kin­çi­lik­le­ri dö­re­dip ber­di. Mi­ra­sa sar­pa goý­mak, Wa­ta­ny öz­gert­mek ýy­lyn­da hor­mat­ly Pre­zi­den­ti­mi­ziň “Paý­has çeş­me­si” at­ly aja­ýyp ki­taby ne­şir edil­di. Bu ki­tap ýur­duň her bir ra­ýa­ty­ny, bü­tin türk­men hal­ky­ny ruh­lan­dyr­dy, onuň er­tir­ki gü­ne bo­lan yna­my­na ynam goş­dy.

Bar­ça ýü­rek Wa­tan bi­len bag­ly­dyr,
Är ýi­git­ler gaý­rat üçin do­gul­ýar.
Wa­tan ýa­ra­syn­da ji­ger dag­ly­dyr,
Är ýi­git­ler gaý­rat üçin do­gul­ýar.

Mert­lik-mer­da­na­lyk dün­ýäň göz­ba­şy,
Be­dew at­dyr goç ýi­git­leň ýol­da­şy,
Mer­diň de­pe­si­ne go­nar bagt gu­şy,
Är ýi­git­ler gaý­rat üçin do­gul­ýar.

Wa­tan­çy­lyk duýgusyna ýug­ru­lan bu şyg­ry bi­parh oka­mak müm­kin däl. Gö­rog­ly gaý­rat­ly Wa­tan ogul­la­ry­nyň baş mak­sa­dy­nyň ene top­ra­gy go­ra­mak­dan yba­rat­dy­gy ha­kyn­da­ky mu­kad­des ýö­rel­ge­ler şyg­ryň için­den eriş-ar­gaç bo­lup geç­ýär.
Biz her bir iş­de mil­li Li­de­ri­mi­ziň aja­ýyp ki­tap­la­ry­ny gol­lan­ma edi­nip, Wa­ta­ny­my­zyň gül­läp ös­me­gi we ýaş ne­sil­le­ri­mi­ziň kä­mil adam­lar bo­lup ýe­tiş­me­gi üçin yh­las­ly zäh­me­ti­mi­zi gaý­gyr­ma­rys. Bu gün­ki bag­ty­ýar ýaş­la­ry­myz hor­mat­ly Pre­zi­den­ti­mi­ziň nus­ga­lyk gö­rel­de­si­ne eýe­rip, wa­tan­sö­ýü­ji­li­gi, ha­lal­ly­gy, sag­dyn­ly­gy, zäh­met­sö­ýer­li­gi öz­le­ri­ne ýö­rel­ge edin­ýär­ler.

Ak­my­rat SA­PA­ROW,
TO­HI-niň mu­gal­ly­my.

Gyzykly bolup bilerЕЩЕ ОТ АВТОРА