Gün ener­gi­ýa­sy bi­len iş­le­ýän “So­lar Im­pul­se 2” uça­ry ge­çen ýyl baş­la­nyp, ta­mam­lan­ma­dyk uçu­şy­ny do­wam et­dir­di. Bu uçar ge­çen ýyl Ýe­riň da­şyn­dan aý­lan­mak üçin öz sy­ýa­ha­ty­na baş­lap­dy. 2015-nji ýy­lyň 25-nji mar­tyn­da Abu Da­bi­den ho­wa­la­nan uçar Azi­ýa­nyň bir­nä­çe şä­he­rin­de düş­lä­nin­den soň­ra Ýa­po­ni­ýa­dan Ga­wai ada­sy­na çen­li uçup­dy. Bu uçuş aý­la­wyň iň kyn tap­gyr­la­ry­nyň bi­ri bo­lup­dy. Ol um­ma­nyň üs­ti bi­len uçup, 5 gün­läp düş­le­mez­den uçup, Ga­wai ada­sy­na ba­ryp­dy. “So­lar Im­pul­se 2” ho­wa­nyň so­wa­ma­gy we güýç­li ýel se­bäp­li Ýu­waş um­ma­nyn­da­ky bu sy­ýa­ha­ty­ny tog­tat­ma­ly bo­lup­dy. Ýaz pas­ly­nyň gel­me­gi bi­len ol uçu­şy­nyň iň kyn tap­gyr­la­ry­nyň bi­ri­ni geç­di. Di­ňe Gün­den al­ýan ener­gi­ýa­sy bi­len he­re­ket ed­ýän bir orun­lyk ho­wa gä­mi­si 62 sa­gat­lap uçup, ABŞ-nyň San-Fran­sis­ko şä­he­ri­niň go­la­ýyn­da­ky Si­li­kon jül­ge­si­ne gon­dy. Uçar 4 müň ki­lo­met­re go­laý bu ara­ly­gy 3 gün­de geç­di. Ýa­po­ni­ýa­dan Ga­wai­ýe çen­li ara­lyk 8 müň ki­lo­metr­den gow­rak bo­lup, ol ara­lyk 5 gün­de ge­çi­lip­di. Ýu­waş um­ma­nyn­dan geç­mek adat­dan da­şa­ry ýag­daý­lar­da gon­ma­ga müm­kin­çi­li­giň ýok­lu­gy se­bäp­li uçu­şyň iň kyn tap­gy­ry ha­sap­lan­ýar­dy.
2002-nji ýyl­da ýo­la goý­lan tas­la­ma­nyň çäk­le­rin­de hä­zi­re çen­li 100 mil­li­on dol­lar öz­leş­di­ril­di. Mun­dan ozal, “So­lar Im­pul­se” at­ly uçar iş­le­nip taý­ýar­la­nyp­dy. Ame­ri­ka bi­len Ýew­ro­pa­nyň ara­syn­da, At­lan­tik um­ma­nyn­dan geç­mek onuň in­di­ki aň­sat bol­ma­dyk uçu­şy bo­lar. Iýun­da baş­lan­jak bu ýoluň 5 gün tö­we­re­gi wagt­da ge­çil­me­gi­ne ga­ra­şyl­ýar. Ol Ýew­ro­pa ge­le­nin­den soň­ra öz sy­ýa­ha­ty­ny baş­lan ýe­ri bo­lan Abu Da­bi­de ta­mam­lar.
Uça­ry Bert­rand Pik­kard hem-de And­re Borş­berg da­gy ge­zek­le­şip sür­ýär. Howa gämisi bir orun­lyk bo­lan­soň, ola­ryň her­si bir tap­gyr­da ulan­ma­ly bol­ýar­lar. Olar uçuş do­ly ta­mam­la­nan­dan soň­ra Ýer ýüzüni Gün ener­gi­ýa­ly uçar bi­len aý­la­nan il­kin­ji adam­lar hök­mün­de ta­ry­ha ady­ny ýaz­dy­rar­lar.
Ýe­ke­je dam­ja ne­bit önü­mi ulan­maz­dan he­re­ket ed­ýän “So­lar Im­pul­se” uça­rynyň birinji nusgasy il­kin­ji uçu­şy­ny 2009-njy ýy­lyň 3-nji de­kab­ryn­da Şweý­sa­ri­ýa­nyň Dü­ben­dorf şä­he­rin­de ama­la aşy­ryp­dy. 2003-nji ýyl­da ta­nyş­dy­ry­lan, uzak ara­ly­ga ni­ýet­le­nen uça­r il­kin­ji sy­na­ny­şy­gyn­da bir­nä­çe metr be­ýik­li­ge çy­kyp­dy. Uçar 2010-njy ýyl­da 26 sa­gat­lap üz­nük­siz uç­ma­gy ba­şa­ryp­dy. Uçar 2012-nji ýyl­da Is­pa­ni­ýa­dan Ma­rok­ka çen­li ba­ryp, il­kin­ji yk­ly­ma­ra uçu­şy­ny ýe­ri­ne ýe­ti­rip­di. Onuň ikin­ji nus­ga­sy hem äh­li sy­nag­la­ry üs­tün­lik­li geç­di. Ga­na­ty­nyň açyk­ly­gy 72 met­re ba­ra­bar bo­lan uçar­da dört sa­ny per­li he­re­ket­len­di­ri­ji bar. Onuň ga­nat­la­ryn­da 17 müň 248 sa­ny li­tiý-po­li­mer pa­nel otur­dy­lyp­dyr. Uça­ryň ba­ta­re­ýa­sy­nyň ag­ra­my 633 ki­log­ra­m. Ho­wa gä­mi­si­niň umu­my ag­ra­my 2 müň 300 ki­log­ram. Ýag­ny onuň ag­ra­my ba­ry-ýo­gy ulu­rak aw­tou­la­gyň­ka ba­ra­bar.

Gyzykly bolup bilerЕЩЕ ОТ АВТОРА