ir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň Türk­me­nis­ta­nyň he­mi­şe­lik Bi­ta­rap­ly­gy­ny 2015-nji ýyl­da ag­za döw­let­le­ri­niň äh­li­si­niň gol­da­ma­gyn­da ikin­ji ge­zek yk­rar et­me­gi ata Wa­ta­ny­my­zyň ta­ry­hyn­da uly wa­ka bol­dy. Hä­zir­ki gün­ler­de ýur­du­my­zyň Bi­ta­rap­ly­gy­nyň tu­tuş adam­zat jem­gy­ýet­çi­li­gi ta­ra­pyn­dan gol­da­nyl­ýan­dy­gy hal­ky­my­zyň buý­sanç­ly ba­şy­ny as­ma­na ýe­tir­ýär. BMG-niň Baş As­samb­le­ýa­sy­nyň 2017-nji ýy­lyň 2-nji few­ra­lyn­da­ky Re­zol­ýu­si­ýa­sy esa­syn­da 12-nji de­kabr – Hal­ka­ra Bi­ta­rap­lyk gü­ni diý­lip yg­lan edil­di. Bu uly äh­mi­ýet­li sy­ýa­sy wa­ka­ny ab­raý­ly hal­ka­ra gu­ra­ma­nyň ag­za­la­ry­nyň hem­me­si bi­ra­gyz­dan yk­rar et­di.
Hor­mat­ly Pre­zi­den­ti­miziň pa­ra­sat­ly baş­tu­tan­ly­gyn­da Türk­me­nis­ta­nyň he­mi­şe­lik Bi­ta­rap­lyk hu­ku­gy­na esas­lan­ýan pa­ra­hat­lyk sö­ýü­ji­lik, hoş­ni­ýet­li goň­şu­çy­lyk hem-de giň hal­ka­ra hyz­mat­daş­lyk ýö­rel­ge­le­ri hä­zir­ki dö­wür­de uly ösüş­le­re bes­len­ýär.
Bi­ziň hal­ky­my­zy goň­şy ýurt­la­r bi­len kö­pa­syr­lyk dost­luk hem-de me­de­ni umu­my däp­ler bir­leş­dir­ýär. Hal­ka­ra bi­le­le­şi­gi­niň Bi­ta­rap­ly­gy­ny res­mi taý­dan yk­rar eden il­kin­ji döw­le­ti bo­lan Türk­me­nis­ta­nyň bu hu­ku­gy se­bit­de dur­nuk­ly­ly­gy üp­jün et­mä­ge hem-de hoş­ni­ýet­li goň­şu­çy­lyk, öza­ra peý­da­ly hyz­mat­daş­lyk üçin şert­le­ri dö­ret­mä­ge ýar­dam ed­ýär. Di­ýa­ry­my­zyň her bir ra­ýa­ty he­mi­şe­lik Bi­ta­rap­ly­ga röw­şen gel­je­ge be­ýik yna­myň hem-de dur­nuk­ly ösü­şiň bin­ýa­dy hök­mün­de ga­ra­ýar.
Hor­mat­ly Pre­zi­den­ti­miz he­mi­şe­lik Bi­ta­rap­lyk ar­ka­ly mer­te­be­si bar­ha ýo­ka­ry gö­te­ril­ýän bu ýe­ke-täk de­re­jä bi­möç­ber gu­wan­jy­ny tüýs ýü­rek­den şeý­le bel­le­ýär: “Bü­tin dün­ýä­de il­kin­ji ge­zek Bir­le­şen Mil­let­ler Gu­ra­ma­sy ta­ra­pyn­dan yk­rar edil­mek hor­ma­ty­na my­na­syp bo­lan Türk­men Bi­ta­rap­ly­gy, ha­ky­kat­dan hem gud­rat­dyr!”
Bu gün Ga­raş­syz, he­mi­şe­lik Bi­ta­rap Türk­me­nis­tan dün­ýä döw­let­le­ri­niň hem­me­si bi­len hoş­ni­ýet­li gat­na­şyk­la­ry, ta­rap­lar bi­len bäh­bit­li hyz­mat­daş­ly­gy giň ge­rim­de alyp bar­ýar. Bu­la­ry mun­dan beý­läk hem do­wam et­dir­mek ar­ka­ly ony gel­jek­de has ös­dür­mek­de ägirt uly iş­ler amala aşyrylýar.
Mu­nuň hut şeý­le­di­gi­ne mil­li Li­de­ri­mi­ziň şu ýy­lyň güý­zü­niň ba­şyn­dan bä­ri goň­şy ýurt­la­ra sa­par­la­ry, da­şa­ry ýurt­la­ryň döw­let, hö­kü­met Baş­tu­tan­la­ry, hal­ka­ra gu­ra­ma­la­ry­nyň we­kil­le­ri bi­len ge­çi­ren du­şu­şyk­la­ryn­da ýer ýü­zün­de pa­ra­hat­çy­ly­gy pug­ta­lan­dyr­mak, yk­dy­sa­dy gat­na­şyk­la­ry yzy­gi­der­li ös­dür­mek ba­bat­da­ky ge­çi­ren gepleşikleri anyk şa­ýat­lyk ed­ýär.
Ýe­ri ge­len­de aýt­sak, Ar­ka­dag Pre­zi­den­ti­mi­ziň baş­lan­gy­jy bi­len “Aşgabat-2017” oýun­la­ry­na Bos­gun­lar to­pa­ry­nyň gat­naş­dy­ryl­ma­gy dün­ýä halk­la­ry­nyň ara­syn­da uly ka­na­gat­lan­ma dö­ret­di. BMG-niň adam hu­kuk­la­ry ba­ra­da­ky ge­ňe­şi­niň 36-njy mej­li­sin­de mil­li Li­de­ri­mi­ziň baş­lan­gy­jy bi­len “Pa­ra­hat­çy­ly­gy we adam hu­kuk­la­ry­ny ber­kit­mek­de Bos­gun­la­ryň olim­pi­ýa to­par­la­ry­nyň goş­ýan uly go­şan­dy­ny hö­wes­len­dir­mek ha­kyn­da” dün­ýä­niň 29 ýur­du­nyň gol­da­ma­gyn­da ýo­ka­ry yn­san­per­wer res­mi­na­ma bo­lup dur­ýan Jar­na­ma­nyň ka­bul edil­me­gi türk­men dip­lo­ma­ti­ýa­sy­nyň uly üs­tün­li­gi­niň su­but­na­ma­sy bol­dy.
Azi­ýa hal­ka­ra de­mir ýol ulag ge­çel­ge­si­niň ulan­ma­ga be­ril­me­gi ýur­du­my­zyň hal­ka­ra ulag – üs­ta­şyr dü­zü­mi­ni ös­dür­mä­ge gö­nük­di­ri­len sal­dam­ly go­şan­dy­ny yk­rar edip, döw­le­ti­mi­ziň Bi­ta­rap­ly­gy­nyň yn­san­per­wer­li­gi­ni hem ala­mat­lan­dyr­ýar. Bu tas­la­ma­nyň dur­mu­şa ge­çi­ril­me­gi Ow­ga­nys­ta­ny dur­muş-yk­dy­sa­dy taý­dan di­kelt­mä­ge, ýur­duň dün­ýä­niň yk­dy­sa­dy gat­na­şyk­la­ry ul­ga­my­na go­şul­ma­gy­na giň müm­kin­çi­lik aç­ýar. Bi­ziň ata Wa­ta­ny­myz özü­niň ýö­red­ýän da­şa­ry sy­ýa­sa­tyn­da goň­şy Ow­ga­nys­tan Ys­lam Res­pub­li­ka­sy bi­len dost­luk­ly gat­na­şyk­la­ryň mun­dan buýa­na hem pug­ta­lan­dy­ryl­ma­gy­na, do­gan­lyk ow­gan hal­ky­nyň pa­ra­hat we dur­nuk­ly, asu­da dur­muş­da ýa­şa­ma­gy­na äh­li­ta­rap­la­ýyn ýar­dam ber­ýär. Ýo­ka­ry okuw mek­dep­le­ri­miz­de goň­şy hal­kyň ýaş­la­ry­nyň en­çe­me­si oka­ýar. Ýur­du­myz Ow­ga­nys­ta­na elekt­rik ener­gi­ýa­sy­ny, su­wuk­lan­dy­ry­lan ga­zy ýe­ňil­lik­li ba­ha­dan iber­ýär. Ýurt­da dur­muş mak­sat­ly des­ga­lar, mek­dep we ça­ga­lar öýi bi­na edil­di.
Mäh­ri­ban di­ýa­ry­myz Ow­ga­nys­ta­na azyk, ýan­gyç, der­man, luk­man­çy­lyk se­riş­de­le­ri­dir beý­le­ki önüm­le­ri yn­san­per­wer kö­mek hök­mün­de yzy­gi­der­li ug­rad­ýar.
Ga­raş­syz­ Wa­ta­ny­my­zyň Ow­ga­nys­tan­da­ky ýag­da­ýyň pa­ra­hat­çy­lyk ar­ka­ly ka­da­laş­dy­ryl­ma­gy­na ja­nyp­keş­lik­li çal­şyp, iş­jeň gat­naş­ýan­dy­gy­ny göz öňün­de tu­tup, Ame­ri­ka­nyň Bir­le­şen Ştat­la­ry­nyň Pre­zi­den­ti Do­nald Tram­pyň Ga­raş­syz­ly­gy­my­zyň 26 ýyl­ly­gy my­na­sy­bet­li hor­mat­ly Pre­zi­den­ti­mi­ze ibe­ren gut­la­gyn­da: “Men Ow­ga­nys­ta­nyň yn­san­per­wer we dü­züm­le­ýin ösü­şi ba­bat­da mö­hüm go­şan­dy we gol­da­wy üçin Türk­me­nis­ta­na tüýs ýü­rek­den ho­şal­lyk bil­dir­ýä­rin” diý­me­gi ýur­du­my­zyň Ow­ga­nys­tan me­se­le­si­ne ju­da juda içgin çe­me­leş­ýän­di­gi­niň, hal­ky­my­zyň öz goň­şu­sy­nyň gel­je­gi­niň aý­dyň, dur­mu­şy­nyň bag­ty­ýar­ly­gy­ny ýü­rek­den is­le­ýän­di­gi­niň de­li­li­dir.
Go­laý­da gö­zel paý­tag­ty­myz­da BMG-niň Mer­ke­zi Azi­ýa üçin öňü­ni alyş dip­lo­ma­ti­ýa­sy bo­ýun­ça se­bit mer­ke­zi­niň açyl­ma­gy­nyň 10 ýyl­ly­gy hem-de BMG-niň Baş As­samb­le­ýa­sy­nyň “BMG-niň Mer­ke­zi Azi­ýa üçin se­bit mer­ke­zi­niň or­ny” at­ly Re­zol­ýu­si­ýa­sy­nyň ka­bul edil­me­gi, hoş­tap güýz gün­le­rin­de paý­tag­ty­myz­da hal­ka­ra de­re­je­sin­de en­çe­me du­şu­şyk­la­ryň, mas­la­hat­la­ryň ge­çi­ri­lip, olar­da de­giş­li res­mi­na­ma­la­ryň ka­bul edil­me­gi Ar­ka­dag Pre­zi­den­ti­mi­ziň baş­da dur­ma­gyn­da Ga­raş­syz Türk­me­nis­tan döw­le­ti­mi­ziň he­mi­şe­lik Bi­ta­rap­lyk hukuk ýagdaýy BMG-niň Baş As­samb­le­ýa­sy ta­ra­pyn­dan yk­rar edi­len dün­ýä­de ýe­ke-täk döw­let hök­mün­de öz borç­la­ry­na we­pa­ly bo­lup gal­ýan­dy­gy­nyň aý­dyň su­but­na­ma­sy­dyr.

 

Gyzykly bolup bilerЕЩЕ ОТ АВТОРА