Ber­ka­rar döw­le­ti­mi­ziň bag­ty­ýar­lyk döw­rün­de dur­mu­şyň äh­li ugur­la­ryn­da hor­mat­ly Pre­zi­den­ti­mi­ziň ra­ýat­la­ry­my­zyň ýa­şa­ýyş-dur­muş şert­le­ri­ni yzy­gi­der­li go­wu­lan­dyr­ma­ga gö­nük­di­ri­len äh­li mak­sat­na­ma­la­ry­nyň üs­tün­lik­li dur­mu­şa geç­ýän­di­gi­ni aý­dyň gör­ýä­ris. Mu­nuň aý­dyň my­sal­la­ry­nyň bi­ri-de şu ýy­lyň on bir aýyn­da ýur­du­my­zy dur­muş-yk­dy­sa­dy taý­dan ös­dür­me­giň jem­le­ri­dir. Türk­me­nis­ta­nyň Mi­nistr­ler Ka­bi­ne­ti­niň 8-nji de­kabr­da ge­çi­ri­len gi­ňiş­le­ýin mej­li­sin­de şu ýy­lyň ge­çen döw­rü­niň jem­le­ri­ne ga­ral­dy, dur­muş-yk­dy­sa­dy mak­sat­na­ma­la­ry ama­la aşyr­ma­gyň bar­şyn­da ga­za­ny­lan ne­ti­je­ler ara al­nyp mas­la­hat­la­şyl­dy, öň­de du­ran esa­sy we­zi­pe­ler kes­git­le­nil­di. Mil­li Li­de­ri­miz ýy­lyň ba­şyn­dan bä­ri mil­li yk­dy­sa­dy­ýe­ti­miz­de ga­za­ny­lan ösüş dep­gi­ni­niň ýo­kar­la­nan­dy­gy­ny bel­le­di. Ge­çen dö­wür­de je­mi içer­ki önü­miň ösüş dep­gi­ni­niň 6,5 gö­te­ri­me ýe­ti­ril­me­gi, halk ho­ja­ly­gy­nyň äh­li pu­dak­la­ry bo­ýun­ça önüm­çi­li­giň möç­be­ri­niň ösü­şi­niň bel­le­nen çäk­de üp­jün edil­me­gi, önüm­çi­lik we dur­muş mak­sat­ly tä­ze des­ga­la­ryň en­çe­me­si­niň ula­nyl­ma­ga be­ril­me­gi üs­tün­lik­le­riň aý­dyň gör­ke­zi­ji­si­dir.
Mil­li Li­de­ri­miz tä­ze ýyl­da ýur­du­my­zy hä­zir­ki ýa­ly ýo­ka­ry dep­gin­ler bi­len ös­dür­mek we­zi­pe­si­niň öň­de dur­ýan­dy­gy­ny, döw­le­ti­mi­ziň saz­la­şyk­ly ösü­şi­niň üp­jün edil­me­li­di­gi­ni nyg­tap bel­le­di. Ýa­kyn­da “Türk­me­nis­ta­nyň 2018-nji ýyl üçin Döw­let býu­je­ti ha­kyn­da” Türk­me­nis­ta­nyň Ka­nu­ny ka­bul edil­di. Dur­muş-yk­dy­sa­dy mak­sat­na­ma­la­ryň üs­tün­lik­li dur­mu­şa ge­çi­ril­me­gin­de 2018-nji ýyl üçin ka­bul edi­len Döw­let býu­je­ti­niň hem-de Dur­nuk­laş­dy­ryş gaz­na­sy­nyň äh­mi­ýe­ti ulu­dyr.
Ýur­du­my­zy ös­dür­mek ba­bat­da ka­bul edi­len mil­li Mak­sat­na­ma­lar­dan hem-de döw­le­ti­mi­ziň mil­li yk­dy­sa­dy­ýe­ti­niň äh­li pu­dak­la­ry­nyň yk­dy­sa­dy we ma­li­ýe gör­ke­zi­ji­le­rin­den ugur al­nyp, şeý­le hem dün­ýä ba­zar­la­ryn­da bo­lup geç­ýän ýag­daý­lar düýp­li öw­re­ni­lip, iş­le­nip taý­ýar­la­ny­lan Türk­me­nis­ta­nyň 2018-nji ýyl üçin Döw­let býu­je­tin­de Wa­ta­ny­my­zy 2018-nji ýyl­da dur­muş-yk­dy­sa­dy taý­dan ös­dür­me­giň ýol­la­ry bel­le­ni­len­dir. Geljek ýyl­da dur­muş-yk­dy­sa­dy ösü­şiň esa­sy stra­te­gik mak­sat­la­ry­na la­ýyk­lyk­da, önüm­çi­li­giň ne­ti­je­li­li­gi­ni ýo­kar­lan­dyr­mak, öň­de­ba­ry­jy teh­no­lo­gi­ýa­la­ry giň­den or­naş­dyr­mak, bäs­deş­lik amat­lyk­la­ry­ny iş­jeň­leş­dir­mek, Türk­me­nis­ta­nyň mun­dan beý­läk-de dep­gin­li ösü­şi­ni sak­la­mak, ma­ýa go­ýum iş­jeň­li­gi­ni yzy­gi­der­li üp­jün et­mek, tä­ze iş orun­la­ry­ny dö­ret­mek, ra­ýat­la­ryň dur­muş taý­dan go­rag­ly­ly­gy­ny ber­kit­mek we ila­tyň ýa­şa­ýyş-dur­muş şert­le­ri­ni go­wu­lan­dyr­mak üçin oňyn şert­le­ri üp­jün et­mek göz öňün­de tu­tul­ýar. Býujetiň girdeji bölegi, esasan önümçilik ulgamynyň nebitgaz, himiýa, elektroenergetika, gurluşyk we beýlekiler ýaly möhüm pudaklaryň hasabyna emele getiriler.
Hor­mat­ly Pre­zi­den­ti­mi­ziň taý­syz ta­gal­la­la­ry­nyň ne­ti­je­sin­de, hu­su­sy te­le­ke­çi­le­re be­ril­ýän äh­lita­rap­la­ýyn gol­da­wyň ne­ti­je­sin­de, soň­ky ýyl­lar­da hu­su­sy­ýet­çi­li­giň ös­dü­ril­me­gi hem-de mil­li yk­dy­sa­dy­ýe­ti­mi­ziň äh­li pu­dak­la­ryn­da ola­ryň ne­ti­je­li iş­le­ri alyp bar­mak­la­ry üçin äh­li şert­ler dö­re­dil­ýär. Ýur­du­myz­da döw­let gol­da­wy­ny ber­mek ar­ka­ly hu­su­sy­ýet­çi­li­gi ös­dür­mek we je­mi içer­ki önü­miň möç­be­rin­de döw­le­te da­hyl­syz bö­le­giň pa­ýy­ny (ýan­gyç-ener­ge­ti­ka top­lu­my­ny ha­sa­ba al­maz­dan) 2018-nji ýyl­da has ýokary derejelere ýe­tir­mek mak­sat edi­nil­ýär.
Türk­me­nis­tan da­şa­ry ba­zar­la­ra ug­le­wo­do­rod se­riş­de­le­ri­ni iri eks­port edi­ji ýurt­la­ryň bi­ri hök­mün­de yk­rar edi­len­dir. 2018-nji ýyl­da ýur­du­my­zyň ýan­gyç-ener­ge­ti­ka, se­na­gat, ulag-ara­gat­na­şyk pu­dak­la­ry­nyň ösü­şi­ne aý­ra­tyn üns be­ril­me­gi me­ýil­leş­di­ril­ýär. Şun­da gel­jek ýyl­da ýur­du­my­zyň çäk­le­rin­de te­bi­gy we ugur­daş ga­zyň çy­ka­ry­ly­şy­ny art­dyr­mak, elekt­rik ener­gi­ýa­sy­nyň ön­dü­ri­li­şi­ni ýo­kar­lan­dyr­mak we ola­ryň bel­li bir möç­ber­le­ri­ni ge­çen ýyl­lar­da bol­şy ýa­ly da­şa­ry ýurt­la­ra eks­port et­mek göz öňün­de tu­tul­ýar. 2018-nji ýy­lyň Döw­let býu­je­tin­de göz öňün­de tu­tu­lan ha­ra­jat­la­ry­nyň köp bö­le­gi­niň, däp bo­lup gel­şi ýa­ly, döw­le­ti­miz ta­ra­pyn­dan ke­pil­len­di­ril­ýän ýa­şa­ýyş-dur­muş ul­ga­my­na gö­nük­di­ril­me­gi­niň göz öňün­de tu­tul­ýan­dy­gy gu­wan­dy­ry­jy­dyr. Bu se­riş­de­ler ra­ýat­la­ry­my­zyň dur­muş şert­le­ri­niň pug­ta­lan­dy­ryl­ma­gy­na gö­nük­di­ri­ler. Döw­let býu­je­tin­de dur­muş mak­sat­ly ul­ga­ma gö­nük­di­ril­ýän se­riş­de­le­riň tut­ýan pa­ýy­nyň ýokary möç­ber­de saklanmagy buý­san­dy­ry­jy ýag­daý­dyr.
Hor­mat­ly Pre­zi­den­ti­miz “Bi­lim­li ne­sil – kuw­wat­ly Wa­tan”, “Il sag­ly­gy – ýurt baý­ly­gy”, “Me­de­ni­ýet hal­kyň kal­by­dyr” di­ýen yn­san­per­wer sy­ýa­sa­ty öňe sür­di. Gah­ry­man Ar­ka­da­gy­my­zyň taý­syz ta­gal­la­la­ry bi­len ýur­du­my­zyň ösüp gel­ýän ýaş ne­sil­le­ri­niň ylym­ly, bi­lim­li bo­lup ýe­tiş­mek­le­ri, ra­ýat­la­ryň sag­ly­gy­nyň go­ral­ma­gy, mil­li me­de­ni­ýe­ti­mi­ziň ös­dü­ril­me­gi üçin äh­li şert­ler dö­re­dil­ýär. Öň­ki ýyl­lar­da bol­şy ýa­ly, gel­jek­de hem bu iş­le­ri do­wam et­dir­mek me­ýil­leş­di­ril­ýär. Şol mak­sat bi­len, 2018-nji ýyl­da Döw­let býu­je­ti­niň çyk­da­jy­la­ryn­dan bi­lim, sag­ly­gy go­ra­ýyş, me­de­ni­ýet, döw­let dur­muş üp­jün­çi­lik ul­gam­la­ry­nyň, ýa­şa­ýyş jaý-je­ma­gat ho­ja­ly­gy­nyň ma­li­ýe­leş­di­ril­me­gi üçin ze­rur bo­lan ma­li­ýe se­riş­de­le­ri­ni gö­nük­dir­mek göz öňün­de tu­tul­ýar.
2018-nji ýyl­da ma­ýa go­ýum­la­ryň uly möç­be­ri ýur­duň yk­dy­sa­dy­ýe­ti­niň önüm­çi­lik mak­sat­ly des­ga­la­ryň gur­lu­şyk­la­ryna we önüm­çi­lik däl mak­sat­ly des­ga­la­ryň gur­lu­şyk­la­ryna gö­nük­di­ri­ler. Şeý­le hem, mun­dan beý­läk-de ýur­du­my­zyň ilat­ly ýer­le­rin­de ra­ýat­la­ry­my­zyň Oba mil­li mak­sat­na­ma­sy­ny we beý­le­ki­le­ri dur­mu­şa ge­çir­mek üçin 2018-nji ýyl­da ýur­du­myz­da ylym-bi­lim, sag­ly­gy go­ra­ýyş, me­de­ni­ýet we sport des­ga­la­ry­ny gur­mak, ila­ty­my­zy aras­sa agyz su­wy bi­len üp­jün et­mek, ýa­şa­ýyş inf­rast­ruk­tu­ra­sy­ny has-da gi­ňelt­mek we ös­dür­mek üçin düýp­li ma­ýa go­ýum­la­ryň gö­nük­di­ril­me­gi me­ýil­leş­di­ril­ýär.
Ne­sip bol­sa, gel­jek ýyl hem “Döw­let adam üçin­dir!” di­ýen yn­san­per­wer sy­ýa­sa­ty alyp bar­ýan mil­li Li­de­ri­mi­ziň baş­tu­tan­ly­gyn­da ýur­du­my­zyň dur­muş-yk­dy­sa­dy ösü­şi­niň tä­ze be­lent­lik­le­ri üp­jün edi­ler.

Ogul­na­bat SA­RY­ÝE­WA,
Türk­men döw­let bi­na­gär­lik-gur­lu­şyk
ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА